ടെലിവിഷൻ പ്രേക്ഷകരുടെ ഇഷ്ടതാരമാണ് നടി ലിന്റുറോണി. വിവാഹം കഴിഞ്ഞതോടെ താരം ലണ്ടനിലേക്ക് താമസം മാറ്റിയ താരംനിലവിൽ അഭിനയത്തിൽ നിന്ന് ബ്രേക്കെടുത്തെങ്കിലും സമൂഹ മാധ്യമങ്ങളിൽ സജീവമാണ് ലിന്റു.ഗർഭകാലത്തെ വിശേഷങ്ങളെല്ലാം ആരാധകരെ അറിയിച്ച ലിന്റു തന്റെ പുത്തൻ വിശേഷം പങ്കുവച്ചിരിക്കുകയാണ്. നീണ്ട 8 വർഷങ്ങളുടെ കാത്തിരിപ്പിന് ശേഷമാണ് ലിന്റുവിനും റോണിക്കും കുഞ്ഞ് പിറന്നത്.
ഇരുവർക്കും ആൺകുട്ടിയാണ് ജനിച്ചത്. ആശുപത്രിയിൽ നിന്നുള്ള വിശേഷങ്ങൾ ലിന്റു തന്നെയാണ് അറിയിച്ചത്. ഇൻസ്റ്റഗ്രാം സ്റ്റോറിയിലൂടെയായാണ് മകൻ എത്തിയ സന്തോഷം പങ്കിട്ടത്. ആശുപത്രിയിലേക്ക് പോവുന്നതിന്റെയും സിസേറിയനിലൂടെ മകൻ എത്തിയതുമെല്ലാം ലിന്റു തന്റെ സ്റ്റോറിയിലൂടെ അറിയിച്ചിട്ടുണ്ടായിരുന്നു.
കുഞ്ഞിനൊപ്പം നിൽക്കുന്ന ഫോട്ടോയും സോഷ്യൽ മീഡിയയിൽ പങ്കുവച്ചു. നിരവധി പേരാണ് ആശംസകളറിയിച്ചെത്തുന്നത്. ഗർഭാവസ്ഥയുടെ തുടക്കം മുതലുള്ള വിശേഷങ്ങൾ യൂട്യൂബ് ചാനലിലൂടെ പങ്കിടുന്നുണ്ടായിരുന്നുനേരത്തെ വളകാപ്പ് വിഡിയോയും ലിന്റുവിന്റെ നിറവയറിലെ നൃത്തവുമെല്ലാം വൈറലായിരുന്നു. ജനിക്കാൻ പോവുന്നത് ആൺകുഞ്ഞാണെന്ന് ലിന്റു നേരത്തെ വ്യക്തമാക്കിയിരുന്നു. ജെൻഡർ റിവീൽ ചടങ്ങിന്റെ വീഡിയോ സോഷ്യൽമീഡിയയിലൂടെ വൈറലായിരുന്നു.