ഒരു ചെറിയ ഇടവേളയ്ക്കു ശേഷം മമ്മൂട്ടി തെലുങ്കില് അഭിനയിക്കുന്ന മാസ്സ് ചിത്രമാണ് ഏജന്റ്. തെലുങ്കിനോടൊപ്പം മലയാളത്തിലും ചിത്രം റിലീസ് ചെയ്യുന്നുണ്ട്. തെലുങ്കു ട്രെയ്ലറില് മമ്മൂട്ടിയുടെ ഡബ്ബിങ് പൂര്ത്തിയാകാത്തതിനാല് അദ്ദേഹത്തിന്റെ ശബ്ദം പൂര്ണമായി ഉപയോഗിക്കാന് സാധിച്ചില്ല. ആരാധകര്ക്ക് പ്രസ്തുത കാര്യം ഉള്കൊള്ളാന് സാധിക്കാതെ വരികയും സോഷ്യല് മീഡിയയില് ഏറെ ചര്ച്ച ചെയ്യപ്പെടുകയും ചെയ്തിരുന്നു. പ്രസ്തുത അഭ്യൂഹങ്ങള്ക്കു വിരാമമിട്ട് മമ്മൂട്ടിയുടെ ശബ്ദത്തില് തന്നെ ഏജന്റ് മലയാളം ട്രയ്ലര് റിലീസായിരിക്കുകയാണ് ഇപ്പോള്. തെലുങ്കിലും മമ്മൂട്ടി തന്നെയാണ് ഡബ്ബിങ് പൂര്ണ്ണമായി ചെയ്യുന്നത്.
ആക്ഷന് രംഗങ്ങളാല് സമ്പന്നമായ ട്രൈലെര് തിയേറ്റര് എക്സ്പീരിയന്സ് പ്രേക്ഷകര്ക്ക് നല്കുന്ന ചിത്രമാണെന്ന് ഉറപ്പ് നല്കുന്നു.മമ്മൂട്ടി റോ ചീഫ് കേണല് മേജര് മഹാദേവനായും അദ്ദേഹത്തിന്റെ ഗ്രൂപ്പിലെ പട്ടാളക്കാരനായി അഖില് അക്കിനേനിയുമെത്തുന്ന ചിത്രം പാന് ഇന്ത്യന് ചിത്രമായി ബിഗ് ബഡ്ജറ്റിലാണ് പൂര്ത്തിയായത്. സുരേന്ദര് റെഡ്ഡി രചനയും സംവിധാനവും നിര്വ്വഹിക്കുന്ന ഈ ചിത്രത്തില് സാക്ഷി വൈദ്യ നായികാ വേഷം ചെയ്തിരിക്കുന്നു. ചിത്രത്തിലെ ‘ദി ഗോഡ്’ എന്ന നിര്ണ്ണായക വേഷത്തില് ഡിനോ മോറിയ അഭിനയിക്കുന്നുണ്ട്. അഖില്,ആഷിക് എന്നിവര് നേതൃത്വം നല്കുന്ന യൂലിന് പ്രൊഡക്ഷന്സ് ആണ് ചിത്രം കേരളത്തില് വിതരണം ചെയ്യുന്നത്.
ഹിപ്പോപ്പ് തമിഴന് സംഗീത സംവിധാനം നിര്വഹിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് റസൂല് എല്ലൂരണ് ആണ്. എഡിറ്റര് ദേശീയ അവാര്ഡ് കരസ്ഥമാക്കിയ നവീന് നൂലിയാണ്. കലാസംവിധാനം നിര്വഹിച്ചിരിക്കുന്നത് അവിനാഷ് കൊല്ലയാണ്. ആക്ഷന് രംഗങ്ങള്ക്ക് ഏറെ പ്രാധാന്യമുള്ള ഈ ചിത്രത്തിന് വേണ്ടി വമ്പന് മേക്കോവറാണ് അഖില് അക്കിനേനി നടത്തിയിരിക്കുന്നത്. ഹൈദരാബാദ്, ഡല്ഹി, ഹംഗറി എന്നിവിടങ്ങളിലൊക്കെയായി ഷൂട്ട് ചെയ്ത ഈ ചിത്രം എകെ എന്റര്ടൈന്മെന്റ്സിന്റെയും സുരേന്ദര് 2 സിനിമയുടെയും ബാനറില് രാമബ്രഹ്മം സുങ്കരയാണ് നിര്മ്മിക്കുന്നത്. പി ആര് ഓ: പ്രതീഷ് ശേഖര്.
മലയാളത്തിലും, തമിഴിലും ഒരുപാട് ആരാധകരുള്ള നടി ആയിരുന്നു ശാലിനി, ഈയടുത്തതാണ് ശാലിനി സോഷ്യൽ മീഡിയ അൽകൗണ്ടുകൾ തുടങ്ങിയത്, എന്നാൽ നടനും…
പ്രേഷകരുടെ ഇഷ്ട്ട നടി ആയിരുന്നു മീര ജാസ്മിൻ, ദിലീപ് നിർമിച്ച ബിഗ്ബഡ്ജറ്റ് ചിത്രമായിരുന്നു ട്വന്റി ട്വന്റി, ദിലീപും, മീരയും നല്ല…
മലയാളത്തിൽ നല്ല ശബ്ധ ഗാംഭീര്യമുള്ള ഗായകൻ ആണ് മധു ബാലകൃഷ്ണൻ, ഇപ്പോൾ ഗായകന്റെ സ്വഭാവത്തെ കുറിച്ച് ഭാര്യ ദിവ്യ പറഞ്ഞ…
മലയളത്തിൽ ഒരുപാട് സിനിമകൾ സംവിധാനം ചെയ്യ്തിട്ടില്ലെങ്കിലും, ചെയ്യ്ത സിനിമകൾ എല്ലാം തന്നെ പ്രേക്ഷകരെ കണ്ണ് നനയിച്ചിട്ടുണ്ട്, അങ്ങനൊരു സംവിധായകനാണ് ബ്ലെസ്സി,…
തെന്നിന്ത്യന് സിനിമയിലെ സൂപ്പര് നായികയാണ് സമാന്ത രൂത് പ്രഭു . താരകുടുംബത്തിന്റെ പാരമ്പര്യമോ അല്ലെങ്കിൽ ഗോഡ് ഫാദര്മാരുടെ പിന്തുണയോ ഇല്ലാതെയാണ്…
ബിഗ് ബോസ് മലയാളം സീസൺ 6 ൽ ടോപ് 6 വരെ എത്തിയ മത്സരാർത്ഥിയായിരുന്നു സീരിയൽ താരം കൂടിയായ ശ്രീതു…