സോഷ്യല് മീഡിയാ താരമായെത്തി സിനിമയിലേക്കെത്തിയ താരമാണ് നടി അമേയ മാത്യു. കരിക്ക് വെബ് സീരിസിലൂടെയാണ് താരം ജനപ്രിയ താരമായി മാറിയത്. സോഷ്യലിടത്ത് സജീവമാണ് താരം. എല്ലാ വിശേഷങ്ങളും താരം പങ്കുവയ്ക്കാറുണ്ട്. അടുത്തിടെയാണ് താരം കാനഡയിലേക്ക് താമസം മാറ്റിയത്. അമേയയുടെ പ്രതിശുത വരന് കിരണ് കാനഡയിലാണ്.
ഇപ്പോഴിതാ അമേയ പങ്കുവച്ച പുതിയ പോസ്റ്റാണ് ശ്രദ്ധേയമാകുന്നത്. വെയിറ്റ് ലോസ് യാത്രയാണ് താരം പങ്കുവച്ചിരിക്കുന്നത്. 58.9 കിലോയുണ്ടായിരുന്ന താരം 52 ആക്കി കുറച്ചിരിക്കുകയാണ്. ഭക്ഷണം ക്രമീകരിച്ചും വര്ക്കൗട്ട് ചെയ്തുമാണ് താരം ഭാരം കുറച്ചത്.
നാട്ടിലായിരുന്നപ്പോള് കിരണിന്റെ അമ്മ ഉണ്ടാക്കിത്തരുന്ന ഭക്ഷണം കാണുമ്പോള് ഉള്ള ആക്രാന്തം… കാനഡ വന്നപ്പോള് ഇവിടെയുള്ള വെറൈറ്റി ഫുഡിനോടുള്ള ആക്രാന്തം… എല്ലാം കൂടെ ആയപ്പോള് കയ്യിന്ന് പോയി ! വീണ്ടും തിരിച്ചു പിടിക്കണം എന്നുള്ള ആഗ്രഹം കൊണ്ട് തുടങ്ങിയ ഇന്റര്മിറ്റന്റ് ഫാസ്റ്റിംഗും വര്ക്കൗട്ടും എന്നെ ലക്ഷ്യത്തിലേക്ക് എത്താന് സഹായിച്ചു. ആത്മാര്ത്ഥമായ പരിശ്രമം ഉണ്ടെങ്കില് നമുക്ക് സാധിക്കാത്തതായി ഒന്നുമില്ല ഗയ്സ്… എന്നാണ് അമേയ പറയുന്നത്.
താന് ആഗ്രഹിച്ച പോലെ റിസല്റ്റ് വന്നിട്ട് ട്രാന്സ്ഫോര്മേഷന് ഫോട്ടോ പോസ്റ്റ് ചെയ്യാന് കാത്തിരിക്കുകയായിരുന്നു. ആ യാത്ര നിങ്ങള്ക്കൊപ്പം പങ്കുവെക്കാനായതില് സന്തോഷമുണ്ട്. മാറ്റങ്ങളെ ആഘോഷിക്കുന്നതിലും മറ്റുള്ളവര്ക്കും പ്രചോദനം പകരുന്നതിലുമാണ് താന് വിശ്വസിക്കുന്നതെന്നും താരം പറയുന്നു.