ഓണം റിലീസായി തിയ്യേറ്ററിലെത്തിയിരിക്കുകയാണ് ദുല്‍ഖര്‍ സല്‍മാന്‍ ചിത്രം കിങ് ഓഫ് കൊത്ത. സംവിധായകന്‍ ജോഷിയുടെ മകന്‍ അഭിലാഷ് ജോഷിയുടെ ആദ്യ ചിത്രമാണ് കിങ് ഓഫ് കൊത്ത കഴിഞ്ഞ ദിവസമാണ് റിലീസായത്. ആദ്യദിനം തന്നെ ചിത്രം 6.6 കോടി രൂപയാണ് നേടിയിരിക്കുന്നത്.
ചിത്രത്തിന്റെ ഫാന്‍സ് ഷോ കാണാന്‍ എത്തിയ നടി അനിഖ സുരേന്ദ്രനാണ് സോഷ്യലിടത്ത് വൈറലാകുന്നത്. ഷോ കാണാന്‍ മുഖം മറച്ചാണ് താരം തിയ്യേറ്ററിലെത്തിയത്. രാവിലെ ഏഴ് മണിക്കുള്ള ഫാന്‍സ് ഷോ കാണാനാണ് കൂട്ടുകാര്‍ക്കൊപ്പം അനിഖയും മുഖം മറച്ച് എത്തിയത്.
ഫാന്‍സിന്റെ ആവേശം നേരിട്ട് കാണാന്‍ സാധിച്ചതില്‍ സന്തോഷമുണ്ടെന്ന് അനിഖ പറയുന്നു. ഇതുവരെ ഉണ്ടായതില്‍ ഏറ്റവും മികച്ച തിയറ്റര്‍ എക്‌സ്പീരിയന്‍സ് സമ്മാനിച്ച ചിത്രമാണെന്നും അനിഖ പറയുന്നു.
രാവിലെ ഏഴ് മണിക്ക് വേഷം മാറി സിനിമ കാണാന്‍ എത്തി. സിനിമയോടുള്ള ഫാന്‍സിന്റെ ആവേശം നേരിട്ടറിയാന്‍ കഴിഞ്ഞു. മികച്ച തിയറ്റര്‍ അനുഭവമാണ് ലഭിച്ചതെന്നും അനിഖ പറഞ്ഞു.
ചിത്രത്തില്‍ ദുല്‍ഖറിന്റെ സഹോദരിയായി എത്തുന്നത് അനിഖയാണ്. അനിഖയുടെ കുട്ടിക്കാലം ചെയ്തത് നടി മുക്തയുടെ മകള്‍ കണ്മണിയാണ്. ചെറുതായെങ്കിലും സിനിമയുടെ ഭാഗമാകാന്‍ സാധിച്ചതില്‍ സന്തോഷം. ഇത്രയും വലിയ ഹിറ്റ് സിനിമയില്‍ ചെറിയ ഭാഗമാകാന്‍ കഴിഞ്ഞതില്‍ സന്തോഷമെന്നും അനിഖ പങ്കുവച്ചു.