മലയാളത്തിലെ ഒരുപാട് സിനിമകളിലൂടെ വില്ലന് കഥാപാത്രങ്ങളെ അവതരിപ്പിച്ച് പ്രേക്ഷകരുടെ കൈയ്യടി നേടിയ നടനാണ് ബൈജു ഏഴുപുന്ന. ബി. ഉണ്ണികൃഷ്ണന്റെ സംവിധാനത്തില് മോഹന്ലാലിനെ നായകനാക്കി പുറത്തിറക്കിയ സൂപ്പര്ഹിറ്റ് ചിത്രം ആറാട്ടിലും ബൈജും ഒരു പ്രധാന കഥാപാത്രത്തെ അവതരിപ്പിച്ച് എത്തിയിരുന്നു. ഇപ്പോഴിതാ മലയാളത്തിലെ എക്കാലത്തേയും സൂപ്പര്ഹിറ്റ് സിനിമകളിലൊന്നായ ദേവസുരത്തില് അഭിനയിക്കാനുള്ള അവസരം തനിക്ക് നഷ്ടപ്പെട്ടതിനെ കുറിച്ചാണ് നടന് തുറന്ന് പറഞ്ഞിരിക്കുന്നത്.
നടന്റെ വാക്കുകളിലേക്ക്…. പണ്ട് താന് തുടക്കക്കാരനായിരുന്നപ്പോള്, ദേവാസുരത്തില് ലാലേട്ടനോടൊപ്പം അഭിനയിക്കാന് അവസരം ലഭിക്കും എന്ന് കരുതി തങ്ങള് പുതുമുഖങ്ങള് അഞ്ചു പേര് ആ സെറ്റില് എത്തിയിരുന്നു. അഞ്ചു ദിവസം ചെറുതുരുത്തി ഗസ്റ്റ് ഹൗസില് താമസിച്ചു. പക്ഷേ ഷൂട്ട് തുടങ്ങി നാലു ദിവസം കഴിഞ്ഞാണ് തങ്ങളല്ല ആ കഥാപാത്രങ്ങള് ചെയ്യുന്നത് പകരം അഗസ്റ്റിന് ചേട്ടന്, മണിയന്പിള്ള രാജു ചേട്ടന് ഒക്കെയാണ് എന്നറിഞ്ഞത്. അന്ന് നിരാശയോടെയാണ് മടങ്ങിയത്.
പക്ഷേ ദേവാസുരത്തിന്റെ ലൊക്കേഷനായ വരിക്കാശേരി മനയില് ലാലേട്ടനോടൊപ്പം ആറാട്ടില് അഭിനയിക്കാന് കഴിഞ്ഞു എന്നാണ് ബൈജു പറയുന്നത്. എന്നെ എപ്പോഴും അദ്ഭുതപ്പെടുത്തിയിട്ടുള്ള താരമാണ് ലാലേട്ടന് എന്നും ബൈജു പറയുന്നു.
കീര്ത്തിചക്രയില് അഭിനയിക്കുമ്പോള് നാല്പത് നാല്പത്തഞ്ചു ദിവസം തങ്ങള് ഒരുമിച്ചുണ്ടായിരുന്നു. വളരെ റിസ്ക്കുള്ള സ്ഥലങ്ങളിലായിരുന്നു അന്ന് ഷൂട്ട് ചെയ്തത്. ലാലേട്ടന് നമ്മളോടുള്ള പെരുമാറ്റം കാണുമ്പോള് വളരെ ആരാധന തോന്നും എന്നും താരം കൂട്ടിച്ചേര്ക്കുന്നു.