ബിഗ് ബോസ് മലയാളത്തിന്റെ ആദ്യ സീസണ്‍ നേരത്തെ വിജയകരമായിട്ടാണ് പൂര്‍ത്തിയായിരുന്നത്. മോഹന്‍ലാല്‍ അവതാരകനായി എത്തിയ ഷോയില്‍ സാബുമോന്‍ അബ്ദുസമദാണ് വിജയി ആയത്. ഫൈനലില്‍ പേളി മാണി,ശ്രീനിഷ് അരവിന്ദ്, അരിസ്‌റ്റോ സുരേഷ് ഷിയാസ് കരീം തുടങ്ങിയവര്‍ക്കൊപ്പം മല്‍സരിച്ചാണ് സാബുമോന്‍ ഒന്നാമതെത്തിയത്‌. ബിഗ് ബോസിന്റെ ആദ്യ പതിപ്പ് വിജയമായതോടെ രണ്ടാം സീസണിനായി വലിയ ആകാംക്ഷകളോടെയാണ് എല്ലാവരും കാത്തിരുന്നത്. ബിഗ് ബോസ് രണ്ടാം സീസണിന്റെ പ്രഖ്യാപനം അടുത്തിടെയായിരുന്നു നടന്നത്. കാത്തിരിപ്പിനൊടുവില്‍ രണ്ടാം പതിപ്പ് ഉടന്‍ ആരംഭിക്കുമെന്ന് ചാനല്‍ തന്നെയാണ് അറിയിച്ചിരുന്നത്. ഇത്തവണയും മോഹന്‍ലാല്‍ തന്നെ അവതാരകനായി എത്തുന്ന ഷോയില്‍ മല്‍സരാര്‍ത്ഥികള്‍ ആരൊക്കെയായിരിക്കുമെന്നാണ് എല്ലാവരും ഉറ്റുനോക്കുന്നത്.
അതേസമയം ബിഗ് ബോസിന്റെതായി പുറത്തിറങ്ങിയ പുതിയ പ്രൊമോ വീഡിയോ സോഷ്യല്‍ മീഡിയയില്‍ ഒന്നടങ്കം വൈറലായിരുന്നു. അടുത്ത വര്‍ഷമാദ്യം റിയാലിറ്റി ഷോയുടെ രണ്ടാം പതിപ്പ് ആരംഭിക്കുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. എന്നാല്‍ കൃത്യമായൊരു ഡേറ്റ് ചാനല്‍ ഇതുവരെ പുറത്തുവിട്ടിട്ടില്ല. ആകാംക്ഷകള്‍ക്കും കാത്തിരിപ്പിനൊടുവിലാണ് ബിഗ് ബോസ് മലയാളത്തിന്റെ പുതിയ പ്രൊമോ വീഡിയോ അണിയറക്കാര്‍ ഇറക്കിയിരിക്കുന്നത്.
മോഹന്‍ലാലാണ് ബിഗ് ബോസിന്റെ പുതിയ പതിപ്പിനെക്കുറിച്ച് സംസാരിച്ച് വീഡിയോയില്‍ എത്തുന്നത്. മുണ്ടും കുര്‍ത്തയും ധരിച്ച് ട്രെഡീഷണല്‍ ലുക്കിലാണ് വീഡിയോയില്‍ സൂപ്പര്‍താരത്തെ കാണിക്കുന്നത്. തൃശ്ശൂര്‍ പൂരം തീമാക്കികൊണ്ടുളള ഒരു പ്രൊമോ വീഡിയോ ആണ് ബിഗ് ബോസ് മലയാളത്തിന്റെതായി പുറത്തുവന്നിരിക്കുന്നത്. തിരുവാതിരക്കളി, പുലിക്കളി, ചെണ്ടമേളം, കുടമാറ്റം എന്നിവയെ മുന്‍നിര്‍ത്തികൊണ്ടാണ് റിയാലിറ്റി ഷോയെക്കുറിച്ച് നടന്‍ പറയുന്നത്.
ബിഗ് ബോസ് രണ്ടാം സീസണിന്റെ ടാഗ് ലൈനും മോഹന്‍ലാല്‍ പറയുന്നുണ്ട്.”ഇനി വലിയ കളികളുമല്ല, കളികള്‍ വേറെ ലെവല്‍” എന്നാണ് പുതിയ പതിപ്പിന്റെ ടാഗ് ലൈന്‍. നിലവില്‍ ജനുവരി ആദ്യ ആഴ്ചയില്‍ ബിഗ് ബോസ് മലയാളം ആരംഭിക്കുമെന്ന റിപ്പോര്‍ട്ടുകളാണ് വരുന്നത്. അതേസമയം തന്നെ പുതിയ സീസണില്‍ മല്‍സരാര്‍ത്ഥികളായി ചില സെലിബ്രിറ്റികളുടെ പേരും പറഞ്ഞുകേള്‍ക്കുന്നുണ്ട്.
കഴിഞ്ഞ തവണത്തേക്കാളും പുതുമകളോടെയായിരിക്കും ഇത്തവണ ബിഗ് ബോസ് എത്തുകയെന്ന് മോഹന്‍ലാല്‍ അറിയിച്ചിരുന്നു. ആദ്യ സീസണിനേക്കാള്‍ ഒരുപാട് ആകാംക്ഷ നിറഞ്ഞതും രസകരമായിട്ടുളളതുമായ എപ്പിസോഡുകളായിരിക്കും ഇപ്രാവശ്യം ഉണ്ടാവുകയെന്നു നടന്‍ പറഞ്ഞു. അതേസമയം പുതിയ സീസണിലെ മല്‍സരാര്‍ത്ഥികളുടെ കാര്യത്തില്‍ ഏകദേശം തീരുമാനം ആയിട്ടുണ്ടെന്നാണ് അറിയുന്നത്. വരും ദിവസങ്ങളില്‍ ഇവരെ സംബന്ധിച്ചുളള കുടുതല്‍ വിവരങ്ങള്‍ ചാനല്‍ പുറത്തുവിടുമെന്നും അറിയുന്നു.
ബാലയ്യ എന്ന വിളിപ്പേരുള്ള നടൻ നന്ദമൂരി ബാലകൃഷ്ണ വിവാദങ്ങളിലെ നിറസാന്നിധ്യമാണ്. ഗുരുതരമായ ആരോപണങ്ങൾ ബാലയ്യയ്‌ക്കെതിരെ ഉണ്ടാവാറുണ്ട്. മികകപ്പോഴും സഹപ്രവർത്തകർക്കും ജീവനക്കാർക്കുമൊക്കെ…
െന്നിന്ത്യൻ സിനിമാലോകത്ത് ഡാൻസ് കൊറിയോഗ്രഫിയില്‍ വര്‍ഷങ്ങളുടെ അനുഭവ സമ്പത്തുള്ള കലാകാരിയാണ് കലാ മാസ്റ്റര്‍. സൂപ്പർഹിറ്റായ നിരവധി ഗാനരംഗങ്ങൾക്ക് പിന്നിൽ പ്രവർത്തിച്ച…
ബിഗ്ഗ്‌ബോസിൽ നിന്നും ഇറങ്ങിയ ശേഷം ജാസ്മിന്റെ പ്രതികരണത്തിനായി കാത്തിരിക്കുകയായിരുന്നു ഒരു വിഭാഗം ബിഗ്ഗ്‌ബോസ് പ്രേക്ഷകർ. എന്നാൽ പുറത്തിറങ്ങിയ ശേഷം അഭിമുഖങ്ങളൊന്നും…
തൃഷയും വിജയുമാണ് തമിഴകത്ത് കഴിഞ്ഞ കുറച്ച് ദിവസങ്ങളായി സജീവ ചർച്ച. വിജയുടെ 50ാം പിറന്നാൾ ദിനത്തിൽ തൃഷ പങ്കുവെച്ച ഫോട്ടോയാണ്…
കാൽനൂറ്റാണ്ടിലധികം താരസംഘടനയെ നയിച്ച ഇടവേള ബാബു ജനറൽ സെക്രട്ടറി സ്ഥാനം ഒഴിഞ്ഞത് പലർക്കും ഇപ്പോഴും ഉൾക്കൊള്ളാൻ കഴിഞ്ഞിട്ടില്ല. വളരെ വിഷമത്തോടെയാണ്…
മീര ജാസ്മിൻ ഒരു കോമ്പ്ളിക്കേറ്റഡ് താരമാണെന്ന് പറയുകയാണ് തമിഴ് നടൻ ശ്രീകാന്ത്. ഈയിടെ ഒരു യൂട്യൂബ് ചാനലിനു നൽകിയ അഭിമുഖത്തിലാണ്…