നിരവധി ആരാധകർ ഉള്ള താരമാണ് ചിത്ര. വർഷങ്ങൾ കൊണ്ട് മലയാള പിന്നണി ഗാന രംഗത്ത് സജീവമായി നിൽക്കുന്ന താരമാണ് ചിത്ര. മലയാളത്തിൽ മാത്രമല്ല, തമിഴിലും തെലുങ്കിലും കന്നടയിലും ഹിന്ദിയിലും എല്ലാമായി നിരവധി ഹിറ്റ്‌ ഗാനങ്ങൾ ആണ് താരം പ്രേക്ഷകർക്ക് സമ്മാനിച്ചത്. അതോടെ ഇന്ത്യ ഒട്ടാകെ അറിയപ്പെടുന്ന താരമായി മാറാൻ ചിത്രയ്ക്ക് അധികം സമയം വേണ്ടി വന്നില്ല. ഏവരെയും അത്ഭുതപ്പെടുത്തുന്ന ശബ്ദത്തിന് ഉടമയായ താരം മലയാളത്തിന്റെ സ്വന്തം മകൾ എന്ന് തന്നെ പറയാം. ഒരിക്കൽ പോലും ചിത്രയെ കുറിച്ച് ഒരു മോശം ആരും പറഞ്ഞിട്ടില്ല എന്നതാണ് സത്യം. അത്രയേറെ നല്ല വ്യക്തിത്വത്തിന് ഉടമയാണ് ചിത്ര. കഴിഞ്ഞ ദിവസമാണ് ചിത്ര തന്റെ അറുപതാം പിറന്നാൾ ആഘോഷിച്ചത്.
എന്നാൽ ഇന്നും നിരവധി ഗാനങ്ങളും ടെലിവിഷൻ പരിപാടികളും ഒക്കെയായി ചിത്ര പ്രേഷകരുടെ സ്നേഹം പിടിച്ച് പറ്റിക്കൊണ്ടിരിക്കുകയാണ്. എന്നാൽ ഇനി ഒരിക്കലും സംഗീതത്തിലേക്ക് തിരിച്ച് വരില്ല എന്ന് കുരുതിയ ഒരു കാലം ചിത്രയ്ക് ഉണ്ടായിരുന്നു. ജീവിതത്തിലെ ഏറ്റവും വലിയ ആഘാതം തന്നെയാണ് അതിന്റെ കാരണമായതും. തന്റെ ഏക മകൾ നന്ദനയുടെ അപ്രതീക്ഷിതമായ വിയോഗം ചിത്രയെ മാനസികമായി തളർത്തി കളഞ്ഞിരുന്നു. ഏറെ വൈകി തനിക്ക് ഉണ്ടായ പൊന്നോമന ആയിരുന്നു നന്ദന. എന്നാൽ നന്ദനയ്ക്ക് ചില പോരായ്മകളും ഉണ്ടായിരുന്നു. എന്നാൽ അതൊന്നും വക വെയ്ക്കാതെ തന്റെ പൊന്നോമനയ്ക്ക് വേണ്ടിയിരുന്നു ചിത്രയും ഭർത്താവും ജീവിച്ചത്.
എന്നാൽ അപ്രതീക്ഷിതമായി ദുബായ് വില്ലയിൽ വെച്ച് സിമ്മിങ് പൂളിൽ വീണു ആണ് നന്ദന ഈ ലോകത്ത് നിന്നും വിട വാങ്ങുന്നത്. നന്ദനയുടെ വിയോഗം വലിയ ആഘാതം ആണ് ചിത്രത്തിൽ ഉണ്ടാക്കിയത്. ഇനി സംഗീതവും ഇല്ല, പാട്ടുമില്ല എന്ന് തീരുമാനിച്ച് ജീവിതത്തിന് അർഥം ഇല്ല എന്ന് പോലും ചിത്രയ്ക്ക് തോന്നിയ സമയങ്ങൾ ആയിരുന്നു അത്. ഭർത്താവ് തന്റെ ജോലി പോലും ഉപേക്ഷിച്ച് ചിത്രയ്ക് ധൈര്യം നൽകി കൂടെ നിന്നു. എന്നാൽ താൻ ഇങ്ങനെ ഇരുന്നാൽ തന്റെ ഭർത്താവിന്റെ ജീവിതം എങ്ങനെ ആയിരിക്കും എന്നും തന്റെ സ്റ്റുഡിയോയിൽ ജോലി ചെയ്യുന്നവരുടെ ജീവിതം എങ്ങനെ ആയിരിക്കും എന്ന് ചിന്തിച്ചതോടെയാണ് പതുക്കെ ജീവിതത്തിലേക്ക് മടങ്ങി വരാൻ തീരുമാനിച്ചത് എന്നാണ് ചിത്ര പറഞ്ഞത്.