അശ്വിൻ ശരവൺ നയൻതാര നായികയാക്കി സംവിധാനം ചെയ്യുന്ന ഏറ്റവും പുതിയ സിനിമയാണ് ‘കണക്റ്റ്’. ഇപ്പോഴിതാ നയൻ താരയുടെ പിറന്നാൾദിനത്തിൽ സിനിമയുടെ ടീസർ പങ്കുവെച്ചിരിക്കുകയാണ് അണിയറപ്രവർത്തകർ. ഹൊറർ ത്രില്ലർ ഗണത്തിൽപ്പെടുന്ന ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ തന്നെയാണ്.
നയൻതാരയുടെയും വിഘ്‌നേശ് ശിവന്റേയും നിർമാണ കമ്പനിയായ റൗഡി പിക്‌ചേഴ്‌സാണ് ‘കണക്റ്റ്’ നിർമിക്കുന്നത്. ക്രിസ്മസ് റിലീസ് ആയി ഡിസംബർ 22ന് സിനിമ പ്രദർശനത്തിനെത്തും.അശ്വിൻ ശരവണൻ ആദ്യമായി സംവിധാനം ചെയ്തത് നയൻതാരയുടെ ‘മായ’യാണ്.ഏറെ ശ്രദ്ധിക്കപ്പെട്ടിരുന്ന സിനിമയായിരുന്നു മായ.കണക്റ്റ് ചിത്രീകരിച്ചിരിക്കുന്നത് കൊവിഡിന്റെ പശ്ചാത്തലത്തിലാണ്. അനുപം ഖേർ,സത്യരാജ്, വിനയ് റായ്, ഹനിയ നഫീസ എന്ന ബാലതാരം എന്നിവരാണ് സിനിമയിലെ അഭിനേതാക്കൾ.
ബോളിവുഡ് താരം അനുപം ഖേർ നീണ്ട ഇടവേളയ്ക്ക് ശേഷമാണ് തമിഴ് സിനിമയിൽ എത്തുന്നത്.കുറ്റപത്രിക്കൈ എന്ന ചിത്രമാണ് അദ്ദേഹത്തിന്റെ അവസാന തമിഴ് സിനിമ. രാജീവ് ഗാന്ധിയുടെ വേഷത്തിലാണ് കുറ്റപത്രിക്കൈയിൽ അനുപം ഖേർ എത്തിയത്. അതേ സമയംമലയാളത്തിൽ നയൻതാരയുടേതായി റിലീസിനൊരുങ്ങുന്നത് പൃഥ്വിരാജ് നായകനായ അൽഫോൺസ് പുത്രൻ സംവിധാനം ചെയ്യുന്ന ഗോൾഡ് എന്ന സിനിമയാണ്.