മിനിസ്ക്രീന് പ്രേക്ഷകരുടെ പ്രിയങ്കരിയായ നടി ജിസ്മിയാണ് ഈ വര്ഷം കുഞ്ഞതിഥിയെ സ്വീകരിക്കാന് ഒരുങ്ങുന്ന നടിമാരില് ഒരാള്. വില്ലത്തി വേഷങ്ങളിലൂടെയും മറ്റും സീരിയലുകളില് നിറഞ്ഞ് നില്ക്കുന്ന നടി മലയാള ടെലിവിഷന് പ്രേക്ഷകര്ക്ക് സുപരിചിതയാണ്. ഗര്ഭിണിയായത് മുതല് ഉള്ള ചിത്രങ്ങൾ നടി സോഷ്യൽ മീഡിയയിൽ പങ്കു വെച്ചിരുന്നു. നിറവയറിലുള്ള ചിത്രങ്ങള് ഉൾപ്പെടെ പങ്കു വെക്കാറുണ്ടായിരുന്നു. അത്തരത്തില് സോഷ്യല് മീഡിയ പേജിലൂടെ ജിസ്മി പങ്കുവെച്ച ഒരു വീഡിയോയാണ് ഇപ്പോൾ ശ്രദ്ധേയമായിരിക്കുന്നത്. നിലവില് നടി അഭിനയിച്ച് കൊണ്ടിരിക്കുന്ന ഒരു സീരിയലിന്റെ ലൊക്കേഷനില് നിന്നും സഹതാരങ്ങള്ക്കൊപ്പം ഡാന്സ് കളിക്കുന്നതാണ് ഈ വീഡിയോയിലുള്ളത്. ജിസ്മിയുടെ കൂടെ നടി ശാലു മേനോനും ഡാന്സ് കളിക്കാനൊപ്പമുണ്ട്. ‘ഒരു കിങ്ങിണി കാറ്റ് വന്നു’, എന്ന് പാട്ടിനൊപ്പം കിടിലന് ഡാന്സ് കളിച്ചിരിക്കുകയാണ് താരങ്ങൾ.
കഴിഞ്ഞ വര്ഷമാണ് ജിസ്മി രണ്ടാമതും വിവാഹിതയാവുന്നത്. ഭര്ത്താവ് മിഥുന് രാജിനൊപ്പമുള്ള ചിത്രങ്ങള് പുറത്ത് വിട്ടപ്പോഴാണ് നടി വീണ്ടും വിവാഹിതയായെന്ന കാര്യം പുറം ലോകം അറിയുന്നത്. പിന്നാലെ താന് ഗര്ഭിണിയാണെന്നും നടി സോഷ്യല് മീഡിയയിലൂടെ പങ്കുവെച്ചു. അടുത്തിടെയായി ഗര്ഭകാലം ആസ്വദിക്കുന്നതിനെ കുറിച്ചും നിറവയര് വ്യക്തമാക്കുന്നതുമായ ചിത്രങ്ങളാണ് ജിസ്മി ഇന്സ്റ്റാഗ്രാം പേജിലൂടെ പങ്കുവെച്ച് കൊണ്ടിരിക്കുന്നത്. അതേസമയം ഗര്ഭിണിയായതിന് ശേഷവും അഭിനയത്തില് നടി സജീവമാണ്. നിലവില് മഞ്ഞില്വിരിഞ്ഞപൂവ് എന്ന സീരിയലിലാണ് ജിസ്മി അഭിനയിക്കുന്നത്. ഈ സീരിയലിന്റെ ലൊക്കേഷനില് നിന്നടക്കം നിരവധി റീല്സ് വീഡിയോസും നടി പങ്കുവെക്കാറുണ്ട്. ഇതെല്ലാം വളരെ പെട്ടെന്നാണ് വൈറലായി മാറുന്നത്. നിലവിളക്ക്, കാര്ത്തികദീപം, ഭാഗ്യദേവത, സ്ത്രീധനം, ഭാര്യ തുടങ്ങിയ നിരവധി സീരിയലുകളില് ചെറുതും വലുതുമായ വേഷത്തിലെത്തിയിട്ടാണ് ജിസ്മി മലയാള ടെലിവിഷന് പ്രേക്ഷകരുടെ പ്രിയങ്കരിയാവുന്നത്. കൂടുതല് സീരിയലുകളിലും വില്ലത്തി വേഷമായിരുന്നു നടി അവതരിപ്പിച്ചിരുന്നത്. ഇപ്പോള് മഞ്ഞില് വിരിഞ്ഞ പൂവില് മുഴുനീളന് കഥാപാത്രമാണ് നടിയ്ക്കുള്ളത്. സീരിയലുകളില് ക്യാമറമാനായിരുന്ന ഷിന്ജിത്തിനെയാണ് നടി ആദ്യം വിവാഹം കഴിക്കുന്നത്. 2020 ല് വിവാഹിതരായ താരങ്ങള് വളരെ പെട്ടെന്ന് ഈ ബന്ധം അവസാനിപ്പിച്ചു. പിന്നീട് കഴിഞ്ഞ വര്ഷമാണ് നടി രണ്ടാമതും വിവാഹിതയാവുന്നത്.