ആറാട്ടിന്റെ വൻപരാജയത്തിന് ശേഷം ബി ഉണ്ണികൃഷ്ണൻ സംവിധാനം ചെയ്ത ക്രിസ്റ്റഫറും പ്രതീക്ഷിച്ച വിജയം നേടിയിരുന്നില്ല. ഇപ്പോഴിതാ. യുവ എഴുത്തുകാരുമായി സഹകരിക്കാൻ ഒരുങ്ങുകയാണ് സംവിധായകൻ ബി ഉണ്ണികൃഷ്ണൻ. ഭീഷ്മ പർവ്വത്തിന്റെ സഹ രചയിതാവായ ദേവദത്ത് ഷാജി സോഷ്യൽ മീഡിയയിലൂടെ ഉണ്ണികൃഷ്ണനുമായുള്ള തന്റെ സഹകരണം സ്ഥിരീകരിച്ചിരിക്കുകയാണ്.
അഭിനേതാക്കളെയും മറ്റ് അണിയറപ്രവർത്തകരെയും കുറിച്ചുള്ള വിശദാംശങ്ങൾ ഇതുവരെ അറിവായിട്ടില്ലെങ്കിലും, മോഹൻലാൽ തന്നെയാണെന്നാണ് ചിത്രത്തിൽ നായകനായി എത്തുക എന്നു തന്നെയാണെന്നാണ് സോഷ്യൽ മീഡിയയിലെ ഊഹാപോഹങ്ങൾ സൂചിപ്പിക്കുന്നത്.മോഹൻലാലും ഉണ്ണികൃഷ്ണനും മുമ്പ് മാടമ്പി, മിസ്റ്റർ ഫ്രോഡ്, ഗ്രാൻഡ്മാസ്റ്റർ, വില്ലൻ തുടങ്ങിയ നിരവധി ചിത്രങ്ങളിൽ ഒരുമിച്ച് പ്രവർത്തിച്ചിട്ടുണ്ട്
വികൃതി, ജാൻ ഇമാൻ, ജയ ജയ ജയ ജയ ഹേ എന്നീ ചിത്രങ്ങൾ നിർമ്മിച്ച ചിയേഴ്സ് എന്റർടൈൻമെന്റ്സിന്റെ ബാനറാണ് ചിത്രത്തെ പിന്തുണയ്ക്കുന്നത് എന്ന വാർത്തയും പ്രചരിക്കുന്നുണ്ട്. മമ്മൂട്ടിയെ നായകകനാക്കി ബി ഉണ്ണികൃഷ്ണൻ സംവിധാനം ചെയ്ത ക്രിസ്റ്റഫറിന് പ്രതീക്ഷിച്ച വിജയം നേടാൻ കഴിഞ്ഞില്ല. അമല പോൾ, സ്‌നേഹ, ഐശ്വര്യ ലക്ഷ്മി എന്നിവരാണ് സിനിമയിലെ നായികമാർ. അത് സമയം ദേവദത്ത് ഷാജിയും ഉടൻ തന്നെ സംവിധായകനാകാനുള്ള ഒരുക്കത്തിലാണ്.