ഫാസില് നിര്മ്മിച്ച മലയന്കുഞ്ഞ് തിയറ്ററുകളില് പ്രദര്ശനം തുടരുകയാണ്. ഫഹദ് ഫാസിലാണ് ചിത്രത്തില് കേന്ദ്രകഥാപാത്രമായെത്തിയത്. നവാഗതനായ സജിമോനാണ് ചിത്രത്തിന്റെ സംവിധായകന്. ഇപ്പോഴിതാ നടന് വിജയിയെക്കുറിച്ച് സംസാരിക്കുകയാണ് ഫാസില്. ഫാസിലിന്റെ സംവിധാനത്തില് പുറത്തിറങ്ങിയ അനിയത്തിപ്രാവിന്റെ തമിഴ് റീമേക്ക് ആയ കാതലുക്ക് മരിയാതെ എന്ന ചിത്രത്തില് നായകനായെത്തിയത് വിജയ് ആയിരുന്നു. അനിയത്തിപ്രാവ് ഹിറ്റായതോടെയാണ് ചിത്രം തമിഴിലും ചെയ്യാന് ഫാസില് തീരുമാനിക്കുന്നത്. കാതലുക്ക് മരിയാതെ ഹിറ്റായതോടെ വിജയുടെ കരിയര് ഗ്രാഫുയര്ന്നു. തമിഴ്നാട്ടില് വിജയ് അറിയപ്പെടുന്ന നടനായി മാറിയത് ഈ ചിത്രത്തിന് ശേഷമായിരുന്നു.
ഫൈറ്റും ഡാന്സും ഒന്നുമില്ലാതെ അഭിനയം മാത്രം ചെയ്യണമെന്ന് വിജയ്ക്ക് ആഗ്രഹമുണ്ടെന്നും എന്നാല് ഫാന്സിന് ഈ പടങ്ങള് ഇഷ്ടപ്പെടുമോ എന്ന പേടിയാണ് അദ്ദേഹത്തിനെന്നും പറഞ്ഞിരിക്കുകയാണ് ഫാസില്. ‘ഒരു നല്ല അഭിനേതാവായി അഭിനയിച്ചാല് കൊള്ളാമെന്ന് വിജയ്ക്ക് നല്ല ആഗ്രഹമുണ്ടെന്നാണ് എനിക്ക് തോന്നിയിട്ടുള്ളത്. ഈ ഫൈറ്റും ഡാന്സും ഒന്നുമില്ലാതെ അഭിനയം മാത്രം ചെയ്യണമെന്ന് അദ്ദേഹത്തിനുണ്ട്. പക്ഷെ ഫാന്സിന് ഈ പടങ്ങള് ഇഷ്ടപ്പെടുമോ എന്ന പേടിയാണ് അദ്ദേഹത്തിന്. അത് വിജയ് എന്നോട് പറഞ്ഞിട്ടുണ്ട്,’ ഫാസില് പറഞ്ഞു.
വിജയ്യെ കാതലുക്ക് മരിയാതെ എന്ന സിനിമയിലേക്ക് കാസ്റ്റ് ചെയ്യാനുണ്ടായ കാരണവും അദ്ദേഹം വെളിപ്പടുത്തി. ‘വിജയ്യെ മദ്രാസില് ഞാന് താമസിക്കുന്ന സ്ഥലത്തേക്ക് കൂട്ടികൊണ്ടുവരുന്നത് ആദ്ദേഹത്തിന്റെ അച്ഛനാണ്. ഇതെന്റെ മോനാണെന്നും നല്ല റോളുകളുണ്ടെങ്കില് കൊടുക്കണമെന്നും പറഞ്ഞു. ഞാന് ആ സമയത്ത് അനിയത്തിപ്രാവിന്റെ കഥാരചനയുടെ വര്ക്കിലാണ്. വിജയ് കയറിവന്നപ്പോള് തന്നെ അദ്ദേഹത്തിന്റെ നടപ്പിലും ശരീരഭാഷയിലും ഒരു ആക്ടര് ഒളിഞ്ഞിരിപ്പുണ്ടെന്ന് എനിക്ക് മനസ്സിലായി. സിനിമ ചെയ്യാമെന്ന് ഞാന് അപ്പോള് തന്നെ പറഞ്ഞു. ഞാന് ഇപ്പോള് ഒരു മലയാള സിനിമയുടെ വര്ക്കിലാണ് അത് നന്നായി ഓടുകയാണെങ്കില് തമിഴില് വിജയ്യെ വെച്ച് ചെയ്യാമെന്ന് പറഞ്ഞു. കാതലുക്ക് മരിയാതെ വിജയ്ക്ക് കൊടുത്ത മെറിറ്റ് എന്താണെന്ന് വെച്ചാല് ആ പടം സൂപ്പര് സക്സസ് ആയിരുന്നു. അതുകൊണ്ട് തന്നെ തമിഴ്നാട്ടിലെല്ലായിടത്തും അദ്ദേഹം അറിയപ്പെടാന് തുടങ്ങി’ എന്നായിരുന്നു ഫാസിലിന്റെ വാക്കുകള്.
മമ്മൂട്ടിയുടെ നേതൃത്വത്തിലുള്ള ജീവകാരുണ്യ സംഘടനയാണ് 'കെയർ ആൻഡ് ഷെയർ 'ഇന്റർനാഷണൽ ഫൗണ്ടേഷൻ . പതിനഞ്ച് വർഷത്തോളമായി സജീവമായി പ്രവർത്തിക്കുന്ന സംഘടനയാണ്…
മലയാളത്തിൽ സംവിധായകനായും, നടനായും ഒരുപാട് പ്രേക്ഷക സ്വീകാര്യത പിടിച്ച താരമാണ് ബേസിൽ ജോസഫ്, വിനീത് ശ്രീനിവാസൻ സംവിധാനം ചെയ്ത ചിത്രമായ…
കോമഡി കഥപാത്രങ്ങൾ ചെയ്യ്തു പ്രേക്ഷക മനസിൽ ഇടം പിടിച്ച നടി ലക്ഷ്മി പ്രിയ തന്റെ പുതിയ ചിത്രമായ 'ഴ' യുടെ…
കുറച്ചു ദിവസങ്ങളായി ലക്ഷ്മി നക്ഷത്രയും , അന്തരിച്ച കൊല്ലം സുധിയും സുധിയുടെ ഭാര്യ രേണുവുമാണ് സോഷ്യൽ മീഡിയയിൽ നിറഞ്ഞു നിൽക്കുന്നത്,…
മലയാളത്തിന്റെ അഭിനയ വിസ്മയാമായ നടൻ മോഹൻലാലിന്റ 360 മത്ത് ചിത്രമാണ് എൽ 360 എന്ന് താത്കാലികമായി പേരിട്ടിരിക്കുന്ന തരുൺ മൂർത്തി…
പ്രേക്ഷകർക്ക് ഒരുപാട് ഇഷ്ടമുള്ള ഒരു താരകുടുംബമാണ് നടൻ സുകുമാരന്റെയും, മല്ലിക സുകുമാരന്റെയും. എന്ത് കുടുംബകാര്യവും വെട്ടിത്തുറന്നു പറയുന്ന ഒരാളാണ് മല്ലിക…