ചെറുതും വലുതുമായ നിരവധി വേഷങ്ങളിലൂടെ പ്രശസ്തനായ താരാണ് ഹരീഷ് പേരടി. വില്ലനായും ക്യാരക്ടര്‍ റോളുകളിലും ഹരീഷ് പേരടി നിറഞ്ഞ് നിന്നു.
മരയ്ക്കാര്‍ സിനിമയിലെ നടന്റെ മങ്ങാട്ടച്ഛന്‍ എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു. നല്ല പ്രതികരണമാണ് ഈ കഥാപാത്രത്തിന് നേരെ ലഭിച്ചത്. കഴിഞ്ഞദിവസം മമ്മൂട്ടിയും തന്റെ ആ കഥാപാത്രത്തെ ഏറെ ഇഷ്ടം ആയെന്ന് ഹരീഷ് പേരടിയുടെ അടുത്ത് പറയുകയും ചെയ്തു. ഇപ്പോഴിതാ ഹരീഷ് പേരടിയുടെ ഒരു ഫേസ്ബുക്ക് കുറിപ്പാണ് വൈറലാകുന്നത്. ഗോകുല്‍ സുരേഷ്‌ഗോപിയെ കുറിച്ചാണ് ഹരീഷിന്റെ കുറിപ്പ്.
ഹരീഷ് പേരടിയുടെ ഫേസ്ബുക്ക് കുറിപ്പ്,
ഗോകുല്‍ സുരേഷ് ഗോപി. അമ്മയുടെ മീറ്റിംഗില്‍ പങ്കെടുത്തപ്പോള്‍ ഞാന്‍ അങ്ങോട്ട് ആവിശ്യപ്പെട്ട എടുത്ത ഫോട്ടോയാണിത്. ഇങ്ങിനെ ഒരു ഫോട്ടോ മാത്രമേ ഞാന്‍ എന്റെ ഫോണില്‍ പകര്‍ത്തിയിട്ടുള്ളു. പരിചയപ്പെട്ടപ്പോള്‍ ഗോകുലിനെ എനിക്ക് വല്ലാതെ ഇഷ്ടമായി .
രണ്ട് വാക്കില്‍ പറഞ്ഞാല്‍.ശാന്തം.സുന്ദരം. അച്ഛന്റെ രാഷ്ട്രിയത്തെ ഞാന്‍ വിമര്‍ശിക്കുന്നത് വായിച്ചിട്ടുണ്ടോ എന്ന് ചോദിച്ചപ്പോള്‍. ഉണ്ടെന്ന് പറഞ്ഞ് നിഷ്‌കളങ്കമായ ഒരു ചിരിയായിരുന്നു മറുപടി.മക്കളുടെ ചിന്തയിലേക്ക് ഒന്നും അടിച്ചേല്‍പ്പിക്കാതെ പൂര്‍ണ്ണ സ്വാതന്ത്ര്യം കൊടുത്ത വളര്‍ത്തിയ സുരേഷേട്ടനും എന്റെ വലിയ സല്യൂട്ട്..
