നടനും മുന് എംപിയുമായ ഇന്നസെന്റിന്റെ ആരോഗ്യനില അതീവ ഗുരുതരമായി തന്നെ തുടരുന്നു. കൊച്ചിയിലെ സ്വകാര്യ ആശുപത്രിയില് ചികിത്സയിലാണ് താരം. കൊച്ചിയിലെ ലേക് ഷോര് ആശുപത്രിയില് അത്യാഹിത വിഭാഗത്തിലാണ് ഇന്നസെന്റ് കഴിയുന്നത്. സോഷ്യല്മീഡിയയില് പ്രചരിക്കുന്നത് വ്യാജവാര്ത്തയാണെന്ന് ആശുപത്രി പുറത്തിറക്കിയ പുതിയ മെഡിക്കല് ബുള്ളറ്റിന് വ്യക്തമാക്കി.
മെഡിക്കല് ഉപകരണത്തിന്റെ സഹായത്തോടെയാണ് ജീവന് നിലനിര്ത്തുന്നതെന്ന് ആശുപത്രി പുറത്തിറക്കിയ ആറ് മണിയുടെ പുതിയ മെഡിക്കല് ബുള്ളറ്റിനില് പറയുന്നു. ഇ.സി.എം.ഒ സഹായത്തിലാണ് ഇന്നസെന്റ് ഇപ്പോഴുള്ളതെന്ന് ആശുപത്രി അധികൃതര് വ്യക്തമാക്കി. എക്മോ സപ്പോര്ട്ടിലാണ് താരം ജീവന് നിലനിര്ത്തുന്നത്. രക്തസമ്മര്ദ്ദത്തിലും, രക്തത്തിലെ ഓക്സിജന്റെ നിലയിലും മാറ്റമില്ല.
അര്ബുദത്തെത്തുടര്ന്നുള്ള ശാരീരിക അസ്വസ്ഥതകള് മൂലം രണ്ടാഴ്ച മുന്പാണ് താരത്തിനെ ആശുപത്രിയില് പ്രവേശിപ്പിച്ചത്. ആരോഗ്യ നില മെച്ചപ്പെട്ടതിനെത്തുടര്ന്ന് ഐസിയുവില് നിന്ന് നേരത്തെ മുറിയിലേക്ക് മാറ്റിയിരുന്നെങ്കിലും ആരോഗ്യനില വീണ്ടും ഗുരുതരമായി.
അതിനിടെ, സോഷ്യല് മീഡിയയില് ഇന്നസെന്റിന്റെ ആരോഗ്യനിലയെ കുറിച്ച് തെറ്റായ വാര്ത്തകളും എത്തി. ഈ വാര്ത്തകള് ശരിയല്ലെന്നും, പുരോഗതി ഉണ്ടാകുമെന്ന പ്രതീക്ഷയില് തന്നെയാണെന്നും അമ്മ ജനറല് സെക്രട്ടറി ഇടവേള ബാബു വ്യക്തമാക്കി.
ഇന്നസന്റേട്ടനെ പറ്റി പല വാര്ത്തകളും പ്രചരിക്കുന്നുണ്ട്. ഞാനിപ്പോ ഹോസ്പിറ്റലില് ഉണ്ട്. ഇപ്പോള് എക്മോ മെഷീന് സപ്പോര്ട്ടില് തന്നെയാണ് പൊയ്ക്കൊണ്ടിരിക്കുന്നത്. ഇപ്പോള് മെഡിക്കല് ബോര്ഡ് കൂടിയിരുന്നു. മന്ത്രി പി രാജീവ് സ്ഥലത്തുണ്ടായിരുന്നു. ബി. ഉണ്ണികൃഷ്ണനും, ആന്റോ ജോസഫും അടക്കം എല്ലാ അസോസിയേഷന്റെയും ആള്ക്കാരുണ്ടെന്നും ഇടവേള ബാബു അറിയിച്ചു.
മെഷീന് സപ്പോര്ട്ടില് തുടരുക എന്നത് തന്നെയാണ് ഇപ്പോഴത്തെ തീരുമാനം. എന്തെങ്കിലും പുരോഗതി ഉണ്ടാകുമെന്ന പ്രതീക്ഷയില് തന്നെയാണ്. മറ്റുവാര്ത്തകള്ക്കൊന്നും ഇപ്പോള് അടിസ്ഥാനമില്ലെന്നു അദ്ദേഹം വ്യക്തമാക്കി.
സിനിമകളുടെ പ്രൊമോഷൻ പരിപാടികളിൽ നിന്ന് അകലം പാലിക്കുന്ന നടിയാണ് നയൻതാര. എന്നാൽ കഴിഞ്ഞ ദിവസം ഒരു സിനിമയുടെ പ്രൊമോഷൻ പരിപാടിക്ക്…
സ്തനാർബുദം ബാധിച്ച കാര്യം വെളിപ്പെടുത്തി നടി ഹിന ഖാൻ. ഇൻസ്റ്റഗ്രാം അക്കൗണ്ടിലൂടെയാണ് നടി ഇക്കാര്യം അറിയിച്ചിട്ടുള്ളത്. രോഗത്തിന്റെ മൂന്നാം ഘട്ടത്തിലാണ്…
തന്റെ ഭർത്താവും ഇന്ത്യയുടെ ബഹിരാകാശ ദൗത്യമായ ഗഗൻയാനിന്റെ ഗ്രൂപ്പ് ക്യാപ്റ്റനുമായ പ്രശാന്ത് ബാലകൃഷ്ണൻ നായരുടെ കരിയറിലെ അഭിമാനകരമായ നേട്ടം പങ്കുവച്ച്…
തെങ്കാശി : കേരളാ അതിർത്തിയോട് ചേർന്ന് തമിഴ്നാട്ടിൽ സ്ഥിതിചെയ്യുന്ന വിനോദ് സഞ്ചാര കേന്ദ്രമായ കുറ്റാലത്ത് സ്വകാര്യ ഹോട്ടലിൽ പെൺ വാണിഭ…
ബി ഗ്രേഡ് സിനിമകളിലൂടെ തരംഗം സൃഷ്ടിച്ച ഷക്കീല ഇന്ന് തമിഴ് ഷോകളിലൂടെ പ്രേക്ഷകർക്ക് പ്രിയങ്കരിയായി മാറിയിരിക്കുകയാണ്. തന്റെ കഴിഞ്ഞ കാലത്തെക്കുറിച്ച്…
സിനിമയുടേയും സീരിയിലന്റേയും ലോകം പ്രേക്ഷകരെ സംബന്ധിച്ച് നോക്കുമ്പോൾ ഗ്ലാമറിന്റെ ലോകമാണ്. എന്നാല് പക്ഷെ പലപ്പോഴും ക്യാമറയ്ക്ക് പിന്നിലെ ലോകം അത്ര…