വർഷങ്ങൾ കൊണ്ട് മലയാള സിനിമയുടെ ചോക്ലേറ്റ് ഹീറോ എന്നറിയപ്പെടുന്ന താരമാണ് കുഞ്ചാക്കോ ബോബൻ. അനിയത്തി പ്രാവിലൂടെ എത്തി പ്രേക്ഷക മനസ്സിൽ കൂടുകൂട്ടിയ താരം ഇന്നും മലയാളികളുടെ പ്രിയ താരമായി നിൽക്കുകയാണ്. സോഷ്യൽ മീഡിയയിൽ സജീവമായ താരം പങ്കുവെക്കാറുള്ള തങ്ങളുടെ വിശേഷങ്ങൾ എല്ലാം വളരെ പെട്ടന്ന് തന്നെ വൈറൽ ആകാറുമുണ്ട്. താരത്തിന്റെയും ഭാര്യ പ്രിയയുടെയും കുഞ്ഞിന്റെയുമെല്ലാം വിശേഷങ്ങൾ ആരാധകർ ഇരു കൈകളും നീട്ടിയാണ് സ്വീകരിക്കാറുള്ളതും. തന്റെ പ്രണയ കഥകൾ എല്ലാം തന്നെ താരം ആരാധകരുമായി പങ്കുവെക്കാറുമുണ്ട്. ഇപ്പോഴിതാ കഴിഞ്ഞ ദിവസം കുഞ്ചാക്കോ ബോബൻ തന്റെ സോഷ്യൽ മീഡിയയിൽ പങ്കുവെച്ച ഒരു ചിത്രവും അതിനു നടൻ ജയസൂര്യ നൽകിയ കമെന്റുമാണ് പ്രേഷകരുടെ ശ്രദ്ധ നേടുന്നത്.
“വിയർത്ത് തീർക്കുന്നു, അത് ഇഷ്ടപ്പെടുന്നു” എന്നാണ് ജിമ്മിൽ വർക്ക്ഔട്ട് ചെയ്തതിനു ശേഷമുള്ള ചിത്രം പങ്കുവെച്ച് കൊണ്ട് ചാക്കോച്ചൻ എഴുതിയത്. പതിവ് പോലെ തന്നെ ചാക്കോച്ചൻ പങ്കുവെച്ച ഈ ചിത്രവും പ്രേക്ഷക ശ്രദ്ധ നേടിയിരുന്നു. നിരവധി പേരാണ് താരത്തിന്റെ ചിത്രത്തിന് കമെന്റുമായി എത്തിയത്. ഇപ്പോഴും അനിയത്തി പ്രാവിൽ കണ്ട അതെ സൗന്ദര്യം ആണെന്നും എന്താണ് ഈ സൗന്ദര്യത്തിന്റെ രഹസ്യമെന്നുമൊക്കെയാണ് ആരാധകരുടെ ചോദ്യം. എന്നാൽ ചിത്രത്തിന് ജയസൂര്യ ചെയ്ത കമെന്റ് ആണ് രസകരമായി മാറിയത്. “വിയർത്തതിന് ഇത്ര അഹങ്കരിക്കുന്ന ഒരുത്തനെ ആദ്യമായിട്ട് കാണുവാ..” എന്നാണ് ചാക്കോച്ചന്റെ ചിത്രത്തിന് ജയസൂര്യ നൽകിയ കമെന്റ്. ചാക്കോച്ചന്റെ ചിത്രവും അതിനു ജയസൂര്യ നൽകിയ കമെന്റും ഇപ്പോൾ ആരാധകർ ഏറ്റെടുത്തിരിക്കുകയാണ്.