മലയാളത്തിലെ സൂപ്പര്ഹിറ്റ് ത്രില്ലറുകളുടെ സംവിധായകനാണ് ജീത്തു ജോസഫ്. ഇപ്പോള് അദ്ദേഹത്തിന്റെ കുടുംബത്തില് നിന്ന് മറ്റൊരാള് കൂടെ സംവിധാനത്തിലേക്ക് ചുവടുവയ്ക്കുകയാണ്. ജീത്തു ജോസഫിന്റെ മൂത്ത മകള് കാത്തിയാണ് സംവിധായികയായി അരങ്ങേറ്റം കുറിയ്ക്കുന്നത്. കാത്തിയുടെ ആദ്യ ചിത്രം ഫോര് ആലീസ് ഇന്ന് ആരാധകരിലേക്ക് എത്തുകയാണ്. കുട്ടി സ്റ്റോറീസ് എന്ന യുട്യൂബ് ചാനലിലൂടെ വൈകിട്ട് 6.30നാണ് റിലീസ് ചെയ്യുന്നത്. ജീത്തു ജോസഫ് തന്നെയാണ് മകളുടെ സിനിമയുടെ വിശേഷം പങ്കുവച്ചത്.
എസ്തര് അനിലും അഞ്ജലി നായരും അര്ഷദ് ബിന് അല്ത്താഫുമാണ് ചിത്രത്തില് പ്രധാന കഥാപാത്രങ്ങളാവുന്നത്. ബെഡ്ടൈം സ്റ്റോറീസിന്റെ ബാനറില് ജീത്തു ജോസഫ് ആണ് ചിത്രം നിര്മ്മിക്കുന്നതും. കാത്തി തന്നെയാണ് ചിത്രത്തിന്റെ രചന നിര്വഹിച്ചിരിക്കുന്നതും. ഛായാഗ്രഹണം നിര്വഹിക്കുന്നത് നവീന് ചെമ്പൊടിയാണ്.
സൗണ്ട് ഡിസൈന് ശ്രീജിത്ത് ശ്രീനിവാസനാണ്. മേക്കപ്പ് രതീഷ് വി, വസ്ത്രാലങ്കാരം ലിന്ഡ ജീത്തു, കലാസംവിധാനം രാജേഷ് പി വേലായുധന്, എഡിറ്റിംഗ് ഉണ്ണികൃഷ്ണന് ഗോപിനാഥന്, സംഗീതം വിഷ്ണു ദാസ്, അസോസിയേറ്റ് ഡയറക്ടര് സുമേഷ് സന്ദകുമാര്, പ്രൊഡക്ഷന് കണ്ട്രോളര് പ്രണവ് മോഹന്, കളറിസ്റ്റ് അര്ജുന് മേനോന്, ആക്ഷന് അഷ്റഫ് ഗുരുക്കള്, വിഎഫ്എക്സ് ടോണി മാഗ്മിത്ത്, ഡിസൈന് ബാന്യന് ഡിസൈന്സ്, എക്സിക്യൂട്ടീവ് പ്രൊഡ്യൂസര് കാറ്റിന ജീത്തു എന്നിവരാണ് മറ്റ് അണിയറയിലുള്ളത്.
അതേസമയം മോഹന്ലാലിനെ നായകനാക്കി ജീത്തു ഒരുക്കിയ പുതിയ ചിത്രം നേര് തിയറ്ററുകളില് മികച്ച പ്രതികരണം നേടുകയാണ്. ഡിസംബര് 21-ന് തിയേറ്ററുകളിലെത്തിയ ചിത്രം ബോക്സോഫീസില് മികച്ച കലക്ഷനും നേടിക്കഴിഞ്ഞു.