ലോകേഷ് കനകരാജ് കാര്ത്തിയെ കേന്ദ്രകഥാപാത്രമാക്കി സംവിധാനം ചെയ്ത ചിത്രം ‘കൈതി’ വലിയ ഹിറ്റായിരുന്നു. അടുത്തിടെ ഇറങ്ങിയ ‘വിക്ര’വുമായി കണക്ട് ചെയ്തതോടെ കൈതി വീണ്ടും ചര്ച്ചയായി മാറിയിരുന്നു. അതിനിടെ ലോകേഷ് കൈതിയുടെ രണ്ടാംഭാഗം പ്രഖ്യാപിക്കുകയും ചെയ്തു.
ഇപ്പോഴിതാ കൈതിയെ കുറിച്ച് പറയുകയാണ് കാര്ത്തി. ഡില്ലി എന്ന കഥാപാത്രത്തെയാണ് നടന് ചിത്രത്തില് അവതരിപ്പിച്ചത്. ഡില്ലിയായത് നിരവധി ഗവേഷണങ്ങള്ക്കും തയ്യാറെടുപ്പുകള്ക്കും ശേഷമാണെന്നും കാര്ത്തി പറയുന്നു.
‘എന്റെ കരിയറിലെ പ്രധാനപ്പെട്ട സിനിമയാണ് കൈതി. കൈതിയേക്കുറിച്ച് കേട്ടപ്പോള് ആദ്യം ചെറിയ ഒരു ആശയമായാണ് തോന്നിയത്. പിന്നീട് കൂടുതല് അറിഞ്ഞപ്പോള് ഇതൊരു വലിയ ആക്ഷന് ചിത്രമാണെന്ന് എനിക്ക് മനസ്സിലായി. ഡില്ലി എന്ന കഥാപാത്രത്തിനായി ഞങ്ങള് ഒരുപാട് ഗവേഷണം നടത്തിയിരുന്നു.
പൊലീസുകാരുടെ രക്ഷകനായതിനാല് ഡില്ലിയുടെ രൂപം വളരെ സിംപിള് ആയിരിക്കണമെന്ന് കരുതി. തടവുകാര് ശ്രദ്ധിക്കപ്പെടാന് ആഗ്രഹിക്കുന്നില്ലെന്ന് ഗവേഷണത്തിലൂടെ മനസിലാക്കി. അവര് ഒരിക്കലും ആ വ്യക്തിയുടെ കണ്ണുകളില് നോക്കി സംസാരിക്കില്ല. പ്രകൃതിയുമായുള്ള അവരുടെ ബന്ധം ആകാശം മാത്രമാണ് എന്നും മനസ്സിലാക്കാനായെന്നും കാര്ത്തി പറയുന്നു.
കൈതിയിലെ ഐക്കോണിക് സീന് ആണ് ഡില്ലി ബിരിയാണി കഴിക്കുന്ന സീന്. 10 വര്ഷവും മൂന്ന് നേരം ചോറും സാമ്പാറും മാത്രം കഴിച്ചിരുന്ന ഒരാള് ഒടുവില് ബിരിയാണി കഴിച്ചപ്പോള്, അത് ചിത്രത്തിന്റെ ഒരു ഐക്കോണിക് സീനായി മാറിയെന്നാണ് കാര്ത്തി പറയുന്നത്.
കൈതിയുടെ ആക്ഷന്, കൊറിയോഗ്രാഫി, സംവിധാനം, സംഗീതം, വൈകാരിക വശങ്ങളൊക്കെയും കൈതിയെ വളരെ അവിസ്മരണീയമായ ഒരു ചിത്രമാക്കി മാറ്റി. സിനിമയുടെ തുടര് ഭാഗം അണിയറയിലാണ്. അടുത്ത വര്ഷം ചിത്രീകരണം തുടങ്ങുമെന്നും കാര്ത്തി വ്യക്തമാക്കി.
തിരുവനന്തപുരം: ടിപി കേസ് പ്രതികൾ സിപിഎമ്മിനെയും സർക്കാരിനെയും ഭീഷണിപ്പെടുത്തുന്നുണ്ടെന്ന് കെ കെ രമ എംഎൽഎ. കേസിലെ മൂന്ന് പ്രതികളെ വിട്ടയക്കാനുള്ള…
തിരുവനന്തപുരം: സംസ്ഥാന സര്ക്കാര് ഐബിഎമ്മുമായി സഹകരിച്ച് ജൂലൈ 11, 12 തീയതികളില് കൊച്ചിയില് സംഘടിപ്പിക്കുന്ന അന്താരാഷ്ട്ര ജനറേറ്റീവ് എഐ കോണ്ക്ലേവില്…
പ്രേക്ഷകര് ഒന്നടങ്കം കാത്തിരിക്കുന്ന പ്രഭാസ് – നാഗ് അശ്വിന് ബ്രഹ്മാണ്ഡ ചിത്രം ‘കല്ക്കി 2898 AD’യുടെ പ്രി റിലീസ് ട്രെയിലര്…
കള്ളക്കുറിച്ചി വിഷമദ്യ ദുരന്തത്തില് ജീവന് നഷ്ടമായവരുടെ കുടുംബത്തിന് സഹായം പ്രഖ്യാപിച്ച് തമിഴ്നാട് സര്ക്കാറിനെതിരെ രൂക്ഷ വിമര്ശനവുമായി നടി കസ്തൂരി. സ്വന്തം…
ഇളയദളപതി വിജയ്യുടെ അന്പതാം പിറന്നാളാഘോഷത്തിലെ സാഹസിക പരിപാടിയ്ക്കിടെ കുട്ടിക്ക് പൊള്ളലേറ്റു. പൊള്ളലേറ്റ കുട്ടിയുടെ നില ഗുരുതരമാണ്. ചെന്നൈയില് ആരാധകര് സംഘടിപ്പിച്ച…
തെന്നിന്ത്യൻ സൂപ്പർ താരം ജയം രവിയും ഭാര്യ ആരതിയും വിവാഹമോചിതരാകുന്നതായി വാർത്തകൾ വന്നിരുന്നു. സോഷ്യൽ മീഡിയയിൽ നടക്കുന്ന ഈ പ്രചാരണങ്ങളോട്…