നിരവധി ആരാധകർ ഉള്ള താര കുടുംബം ആണ് നടൻ കൃഷ്ണകുമാറിന്റേത്. സോഷ്യൽ മീഡിയിൽ ഏറെ സജീവമായ ഇവർ വളരെ പെട്ടന്നനാണ് മലയാളികൾക്ക് പ്രിയങ്കരർ ആയി മാറിയത്. കൃഷ്ണകുമാറും ഭാര്യ സിന്ധുവും മക്കളായ ദിയ, ഇഷാനി, ഹൻസിക,അഹാന എന്നിവരും ഫേസ്ബുക്ക്, ഇൻസ്റ്റഗ്രാം, യൂട്യൂബ് തുടങ്ങിയ സോഷ്യൽ മീഡിയിൽ വളര സജീവമാണ്. ഇവരുടെ വീട്ടിലെ വിശേഷങ്ങളൊക്കെ അറിയാൻ പ്രേക്ഷകർക്ക് ഏറെ താൽപര്യവുമാണ്. കുടുംബത്തിന്റെ വിശേഷങ്ങളുമായി പലപ്പോഴും കൃഷ്ണകുമാർ രംഗത്തെത്താറുണ്ട്. വീട്ടിലെയും അംഗങ്ങളുടെയും മുഴുവൻ വിശേഷങ്ങളും ഇവർ തങ്ങളുടെ സോഷ്യൽ മീഡിയ പേജുകളിൽ കൂടി പങ്കുവെക്കാറുണ്ട്. താരത്തിന്റെ മൂന്നാമത്തെ മകൾ ദിയ ഒഴികെ ബാക്കി മൂന്ന് പെൺമക്കളും ഇതിനോടകം സിനിമയിൽ തങ്ങളുടെ സാനിദ്യം അറിയിച്ച് കഴിഞ്ഞു.
മൂത്ത മകൾ അഹാന നായികയായി മലയാള സിനിമയിൽ തിളങ്ങിക്കൊണ്ടിരിക്കുകയാണ് ഇപ്പോൾ. പൊതു വേദികളിലും റീലിറ്റി ഷോകളിലും കുടുംബസമേതം എത്താറുള്ള കൃഷ്ണകുമാർ തങ്ങളുടെ വിശേഷങ്ങൾ എല്ലാം രസകരമായ രീതിയിൽ ആരാധകരുമായി പങ്കുവെക്കാറുണ്ട്. ഇപ്പോൾ തന്റെ മക്കളുടെ വിവാഹ പ്രായത്തെ കുറിച്ച് പറയുകയാണ് കൃഷ്ണകുമാർ, താരത്തിന്റെ വാക്കുകൾ ഇങ്ങനെ, മക്കള്‍ വിവാഹം കഴിക്കണമെന്ന് നിര്‍ബന്ധമുള്ള ലോകമൊന്നുമല്ല ഇന്ന്. കഴിച്ചാലും കുഴപ്പമില്ല. കലാകാരിയായി തുടരാനാണെങ്കില്‍ ഒരു പൊസിഷനിലെത്തട്ടെ.
35 വയസൊക്കെയായി വിവാഹം കഴിച്ചാല്‍ മതി. 25-26 വയസുള്ള ഒരു പെണ്‍കുട്ടി വിവാഹം കഴിച്ചാല്‍ വിവാഹം കഴിക്കുന്ന പയ്യനും അതേ പ്രായമാകും. പക്വത കുറവായിക്കും. കുടുംബജീവിതത്തില്‍ താളപ്പിഴകള്‍ ഉണ്ടാകാനും ഒടുവില്‍ കലാജീവിതവും കുടുംബജീവിതവും തകരുന്ന അവസ്ഥ വരാനുമിടയാകും എന്നാണ് താരം പറയുന്നത്. അതിനു ഒരു ഉദാഹരണമാണ്, സിനിമയിൽ ഒരു നായകന്റെ കൂടെ അഭിനയിക്കുന്നു എന്നിരിക്കട്ടെ ഇത് ഇത് ആ നായികയുടെ ഭർത്താവിന്റെ കൂട്ടുകാരും കുടുംബക്കാരും കണ്ടുകഴയുമ്പോൾ അവർ പറയും നിന്റെ ഭാര്യ ഇന്നലെ സിനിമയില്‍ കെട്ടിമറിഞ്ഞ് അഭിനയിക്കുന്നത് കണ്ടു എന്ന് ഇത് പിന്നെ മനസ്സിൽ ഒരു കരടായി തന്നെ കിടക്കും, തന്റെ നാല് മക്കൾ നാലു പ്രായത്തിൽ ആണിപ്പോൾ നിൽക്കുന്നത്, എന്റെ മൂത്ത മകൾ അഹാനയുടെ പ്രായം 25 വയസ്സാണ്, ഹന്‍സികയ്ക്ക് 15 വയസ്സാണ്, എന്നോട് ഏറ്റവും കൂടുതൽ സംസാരിക്കുന്നത് അഹാനയും മൂന്നാമത്തെ മകളുമാണ് എന്നാണ് കൃഷ്ണൻകുമാർ പറയുന്നത്.