ഭാവന ആറ് വര്ഷത്തെ ഇടവേളയ്ക്ക് ശേഷം മലയാളത്തില് തിരിച്ചെത്തുന്ന സിനിമയാണ് ‘ന്റിക്കാക്കാക്കൊരു പ്രേമണ്ടാര്ന്ന്’. ഇക്കഴിഞ്ഞ കഴിഞ്ഞ ദിവസംാണ് സിനിമ പുറത്തിറങ്ങിയത്. ചിത്രത്തിന് മികച്ച പ്രതികരണമാണ് ലഭിക്കുന്നത്. ന്റെ ഇക്കാക്കാക്കൊരു പ്രേമണ്ടാര്ന്നു കണ്ടപ്പോള് ഒരു നൊസ്റ്റാള്ജിയ മനസ്സിലൂടെ കടന്നു പോയി എന്നു പറയുകയാണ് ് മേജര് രവി.ഭാവന, ഷറഫു, കൊച്ചു പെണ്കുട്ടി, അശോകന് തുടങ്ങി എല്ലാ അഭിനേതാക്കള്ക്കും മിചക പ്രകടനം കാഴ്ച്ചവെച്ചുവെന്നും അണിയറ പ്രവര്ത്തകര്ക്ക് അഭിനന്ദനങ്ങള് എന്നും അദ്ദേഹം ഫേസ്ബുക്കില് കുറിച്ചു.
കുട്ടിക്കാലത്തെ സ്കൂള് കാലഘട്ടത്തില് ഉണ്ടായിരുന്ന പ്രണയകാലം ഓര്മ്മിപ്പിക്കുന്ന ഒരു ചിത്രം. ആ കാലത്തുണ്ടാകുന്ന പ്രണയത്തിന് ഒരുപാട് പ്രതിസന്ധികള് നേരിടേണ്ടതായി വരും. കാരണം അയല്വക്കക്കാര് കണ്ടാലോ മാഷുമാര് കണ്ടാലോ വലിയ പ്രശ്നങ്ങള് ഉണ്ടാകാം. വീട്ടുകാര് അറിഞ്ഞാല് പിന്നെ ഉണ്ടാകുന്ന പുകിലുകള് പറയേണ്ടതില്ലല്ലോ.. ഇതൊക്കെ ഞാന് അനുഭവിച്ചിട്ടുള്ളതാണ്. സത്യം പറഞ്ഞാല് ചിത്രം കണ്ടപ്പോള് ഒരു നൊസ്റ്റാള്ജിയ മനസ്സിലൂടെ കടന്നു പോയി എന്നും മേജര് രവി പറഞ്ഞു.
ഹിന്ദു – മുസ്ലീം പ്രണയത്തിലൂടെ കടന്നു പോകുമെങ്കിലും ഒരിക്കലും ജാതികളെക്കുറിച്ച് ഈ ചിത്രം പരാമര്ശിക്കുന്നില്ല. മറിച്ച് മനുഷ്യ ബന്ധങ്ങളെ കൂട്ടിയിണക്കുന്ന ഒരു ചിത്രമാണിത്. ഒരു ഇടവേളയ്ക്ക് ശേഷം ഭാവന മലയാളത്തിലേക്ക് മടങ്ങിയെത്തുന്ന പ്രത്യേകതയും ഈ ചിത്രത്തിലുണ്ട്. കണ്ടു പരിചയിച്ച കഥാപാത്രങ്ങളില് നിന്നും വ്യത്യസ്തമായി വളരെ പക്വതയുള്ള പെണ്കുട്ടിയെയാണ് ഈ ചിത്രത്തില് ഭാവന അവതരിപ്പിക്കുന്നത് മേജര് രവി വ്യക്തമാക്കി.