മലയാളികള്‍ക്ക് ഏറെ ഇഷ്ടമാണ് നടന്‍ ജയറാമിനേയും കുടുംബത്തേയും. ഒരു സിനിമാ കുടുംബമാണ് ഇവരുടേത്. എന്നാല്‍ മകള്‍ മാളവിക ഇതുവരെ സിനിമയിലേക്ക് എത്തിയിട്ടില്ല. ആരാധകര്‍ ഏറെ ആകാംക്ഷയിലാണ്. അതേസമയം താരം അടുത്തിടെ പങ്കുവെച്ച ചിത്രങ്ങള്‍ സൂചിപ്പിക്കുന്നത് വൈകാതെ സിനിമയിലേക്ക് എത്തുമെന്നത് തന്നെയാണ്. പോണ്ടിച്ചേരിയിലെ ആദിശക്തി തിയറ്റര്‍ നടത്തിയ അഭിനയക്കളരിയില്‍ പങ്കെടുത്ത ചിത്രങ്ങളാണ് മാളവിക ഇന്‍സ്റ്റഗ്രാമില്‍ പോസ്റ്റ് ചെയ്തത്. ‘മെച്ചപ്പെട്ടിട്ടുണ്ട്… യഥാര്‍ത്ഥത്തില്‍ അല്ല’ എന്നാണ് കൂട്ടുകാര്‍ക്കൊപ്പമുള്ള ചിത്രങ്ങള്‍ക്കൊപ്പം മാളവിക കുറിച്ചത്.
സൂഫിയും സുജാതയും എന്ന ചിത്രത്തിലൂടെ ശ്രദ്ധേയനായ ദേവ് മോഹന്‍, തെലുങ്കു താരം നിഹാരിക കോണിഡേല, മോഡല്‍ തുളി, നടന്‍ സൗരഭ് ഗോയല്‍ എന്നിവരും മാളവികയ്‌ക്കൊപ്പം അഭിനയക്കളരിയില്‍ പങ്കെടുത്തു.
അച്ഛനും അമ്മയ്ക്കും സഹോദരനും പിന്നാലെ സിനിമയില്‍ അരങ്ങേറ്റം കുറിക്കുന്നതിന്റെ ഭാഗമായിട്ടാണോ ഈ പരിശീലനമെന്നാണ് മാളവികയുടെ പോസ്റ്റിന് താഴെ ആരാധകരുടെ ചോദ്യം.
അതേസമയം സിനിമയില്‍ അഭിനയിക്കുന്നതിനെ കുറിച്ച് കൃത്യമായ ഉത്തരം മാളവിക നേരത്തെ തന്നെ നല്‍കിയിട്ടുണ്ട്.
സിനിമകള്‍ വന്നാല്‍ ചെയ്യാന്‍ തയ്യാറാണ്. എന്നാല്‍ തനിയ്ക്ക് കൂടുതല്‍ താത്പര്യമുള്ളത് കായിക മേഖലയോടാണെന്നായിരുന്നു മാളവിക വ്യക്തമാക്കിയത്. നേരത്തെ മാളവികയും ജയറാമും ഒരുമിച്ച പരസ്യ ചിത്രം വൈറലായിയിരുന്നു.