യുവതാരങ്ങളെ പ്രധാന കഥാപാത്രമാക്കി ചിദംബരം സംവിധാനം ചെയ്ത ചിത്രം സര്‍വൈവല്‍ ത്രില്ലര്‍ മഞ്ഞുമ്മല്‍ ബോയ്സ് തിയ്യേറ്ററില്‍ ഗംഭീര കൈയ്യടി നേടുന്നു. അഡ്വാന്‍സ് ബുക്കിംഗിലൂടെ മാത്രം ചിത്രം നേടിയത് ഒന്നര കോടിയ്ക്ക് അടുത്താണ്, ആദ്യ ഷോയ്ക്ക് ശേഷം ചിത്രം ബുക്കിംഗ് ആപ്പുകളില്‍ ഫുള്‍ ആയിരിക്കുകയാണ്. ജാനെമന്‍ സിനിമയ്ക്ക് ശേഷം ചിദംബരം ഒരുക്കിയ ചിത്രമാണ് മഞ്ഞുമ്മല്‍ ബോയ്സ്. കോമഡി ഡ്രാമയില്‍ നിന്നും തീര്‍ത്തും വ്യത്യസ്തമായ ഒരു പ്രമേയമാണ് ‘മഞ്ഞുമ്മല്‍ ബോയ്സില്‍’ ഒരുക്കിയിരിക്കുന്നത്.
പതിനെട്ട് വര്‍ഷങ്ങള്‍ക്ക് മുമ്പ് യഥാര്‍ഥത്തില്‍ സംഭവത്തെ അതിന്റെ ആകാംക്ഷയും ഭയാനകതയും ഒട്ടും ചോരാതെ അവതരിപ്പിച്ചിരിക്കുകയാണ് മഞ്ഞുമ്മല്‍ ബോയ്സ്. കൊടൈക്കനാല്‍, ഗുണ കേവ് വിനോദ സഞ്ചാരത്തിന് പോയ ആറംഗ സംഘം, അതിലെ ഒരാള്‍ കാല്‍ വഴുതി അവിടെയുള്ള ഗര്‍ത്തത്തിലേക്ക് വീഴുന്നു, ഇവിടെ നടന്ന അപകടങ്ങളില്‍ പെട്ട പതിമൂന്നു പേരില് ആരും രക്ഷപ്പെട്ട ചരിത്രം ഇല്ല. പക്ഷെ തന്റെ സുഹൃത്തിനെ കൈവിടാന്‍ കൂടെയുള്ളവന്‍ തയ്യാറായില്ല. തമിഴ്നാട്ടിലെ ഒരു മന്ത്രിയുടെ മകന്‍ അപകടത്തില്‍ പെട്ടിട്ടു മന്ത്രി ഇരുപതു ലക്ഷം രൂപ വരെ ഓഫര്‍ ചെയ്തിട്ടും മകനെ രക്ഷിക്കാന്‍ പോലീസോ, ഫയര്‍ ഫോഴ്സോ തയ്യാറായില്ല എന്നതാണ് ഗുണ കേവ് ചരിത്രം
റിലീസിന് മുന്‍പ് വന്‍ ഹൈപ്പ് നേടിയ ചിത്രങ്ങള്‍ തിയ്യേറ്ററിലെത്തുമ്പോള്‍ ആദ്യ ദിനം തന്നെ വീഴുന്ന പതിവില്‍ നിന്നും വ്യത്യസ്തമായിരിക്കുകയാണ് മഞ്ഞുമ്മല്‍ ബോയ്സ്. ചിദംബരം സംവിധാനം ചെയ്ത ചിത്രം എന്ന നിലയില്‍ പ്രേക്ഷകര്‍ക്ക് വലിയ പ്രതീക്ഷയായിരുന്നു. ആ പ്രതീക്ഷ നിലനിര്‍ത്തിയിരിക്കുകയാണ് ചിത്രം. ചിദംബരത്തിന്റെ സംവിധാനവും ശ്രീനാഥ് ഭാസി, സൗബിന്‍ ഷാഹിര്‍ ഉള്‍പ്പെടെയുള്ള അഭിനേതാക്കളുടെ പ്രകടനത്തിനും മികച്ച അഭിപ്രായമാണ് നിറയുന്നത്.
ബാലു വര്‍ഗീസ്, ഗണപതി, ലാല്‍ ജൂനിയര്‍, ചന്തു സലിംകുമാര്‍, അഭിറാം രാധാകൃഷ്ണന്‍, ദീപക് പറമ്പോല്‍, ഖാലിദ് റഹ്‌മാന്‍, അരുണ്‍ കുര്യന്‍, വിഷ്ണു രഘു തുടങ്ങിയവരാണ് ചിത്രത്തില്‍ പ്രധാന വേഷത്തിലെത്തിയത്. ആദ്യ ഷോയ്ക്ക് ശേഷം തന്നെ ഈ ആഴ്ചയിലെ ഹിറ്റുകളായ പ്രേമലു, ഭ്രമയുഗം എന്നിവയ്ക്ക് ശേഷം മലയാള സിനിമയ്ക്ക് തുടര്‍ച്ചയായി മൂന്നാം ആഴ്ചയും ഹിറ്റ് സമ്മാനിച്ചിരിക്കുകയാണ് ചിദംബരം.
പ്രമുഖ ബുക്കിംഗ് ആപ്പുകളായ ബുക്ക് മൈ ഷോ, ടിക്കറ്റ് ന്യൂ എന്നിവയില്‍ തിരുവനന്തപുരം, കൊച്ചി എന്നിവിടങ്ങളിലെ രാത്രി ഷോകള്‍ ഏതാണ്ട് ഫുള്ളാണ്. പലയിടത്തു 11 മണിക്ക് ശേഷം അധിക ഷോകള്‍ ഷെഡ്യൂള്‍ ചെയ്തിട്ടുണ്ടെന്നുമാണ് റിപ്പോര്‍ട്ടുകള്‍.
'പ്രേമ'ത്തിലൂടെ ശ്രദ്ധ നേടിയെടുത്ത നടനാണ് കൃഷ്ണ ശങ്കർ. സിനിമയിൽ മുൻപ് കാമറയ്ക്ക് പിന്നിലും പ്രവർത്തിച്ചയാൾ കൂടിയാണ് നടൻ. കൃഷ്ണ ശങ്കർ…
ബി ഗ്രേഡ് സിനിമകളിലൂടെ തരംഗം സൃഷ്ടിച്ച ഷക്കീല ഇന്ന് തമിഴ് ഷോകളിലൂടെ പ്രേക്ഷകർക്ക് പ്രിയങ്കരിയായി മാറിയിരിക്കുകയാണ്. തന്റെ കഴിഞ്ഞ കാലത്തെക്കുറിച്ച്…
കമൽഹാസന്റെ 'ഇന്ത്യൻ' എന്ന സിനിമയിൽ സേനാപതി, ചന്ദ്രു എന്നിങ്ങനെ ഇരട്ട വേഷത്തിലാണ് കമൽഹാസൻ അഭിനയിച്ചത്. ശങ്കർ സംവിധാനം ചെയ്ത ഈ…
പാർവതി തിരുവോത്ത് മികച്ച രീതിയിൽ അഭിനയം കാഴ്ച്ച വെച്ച 'ഉള്ളൊഴുക്ക്' എന്ന ചിത്രം ഇപ്പോൾ തീയറ്ററുകളിൽ ഗംഭീരപ്രേഷക പ്രതികരണം നേടി…
നടന്‍ ധര്‍മ്മജന്‍ ബോള്‍ഗാട്ടി രണ്ടാമതും വിവാഹിതനായത് വലിയ വാര്‍ത്തയായി മാറിയിരിക്കുകയാണ്. നേരത്തെ വിവാഹം രജിസ്റ്റര്‍ ചെയ്യാത്തത് കൊണ്ട് ഭാര്യയെ വീണ്ടും…
ബിഗ് ബോസ് മലയാളം സീസണ്‍ 6 ല്‍ ജിന്റോ വിജയിച്ചിട്ടുണ്ടെങ്കില്‍ അതിനുള്ള കാര്യം അദ്ദേഹം ഷോയില്‍ ചെയ്തിട്ടുണ്ടാകുമെന്ന് പറയുകയാണ് നടനും…