ഒരുപാട് വിവാദങ്ങള്ക്കൊടുവിലാണ് മരക്കാര് അറബിക്കടല് എന്ന സിനിമ തീയറ്ററുകളിലേക്ക് എത്താന് പോകുന്നത്. മോഹന്ലാല് നായകനായി എത്തുന്ന പ്രിയദര്ശന് സിനിമ ആദ്യം ഒ.ടി.ടി റിലീസിലേക്ക് പോകുമെന്നായിരുന്നു വാര്ത്തകള്. തീയറ്ററുകളിലെ കൊവിഡ് നിയന്ത്രണങ്ങളായിരുന്നു പ്രധാനകാരണം. 50 ശതമാനം ആള്ക്കാരെ മാത്രം കയറ്റി ഷോ നടത്തുന്നത് നഷ്ടമാകും എന്ന് സിനിമയുടെ നിര്മ്മാതാക്കള് വിലയിരുത്തി. അങ്ങനെ മരക്കാര് ഒ.ടി.ടി റിലീസിലേക്ക് മാറുന്നു എന്ന് പറഞ്ഞത് മുതല് നാടകീയ രംഗങ്ങള്ക്കാണ് സിനിമാ മേഖല സാക്ഷിയായത്.
പല വാക്കു തര്ക്കങ്ങളും അഭിപ്രായ ഭിന്നതകളും ഇതിനിടയില് ഉണ്ടായി. എന്നാല് ഇപ്പോള് ചര്ച്ചകള്ക്കെല്ലാം സമവായം കണ്ട് മരക്കാര് ഡിസംബര് രണ്ടാം തീയ്യതി തീയറ്ററുകളിലേക്ക് വരാനിരിക്കെ, ഇപ്പോഴത്തെ നിര്മ്മാതാക്കളുടെ മാറ്റമാണ് ശ്രദ്ധേയമാകുന്നത്. ‘മരക്കാറി’നു വേണ്ടി തിയറ്ററുകള്ക്കു ബ്ലാങ്ക് ചെക്ക് നല്കിയിരിക്കുകയാണ് നിര്മ്മാതാക്കള്. കേരളത്തിലെ എല്ലാ തിയറ്ററുകളിലേക്കും ആശിര്വാദ് സിനിമാസില്നിന്നു കരാര് മെയില് നല്കി. കരാറില് അഡ്വാന്സ് ഇഷ്ടമുള്ള തുക നല്കാനാണു പറഞ്ഞിരിക്കുന്നത്.
എത്ര ദിവസം പ്രദര്ശിപ്പിക്കണമെന്നും പറയുന്നില്ല. ആന്റണി പെരുമ്പാവൂരിന്റെ വാക്കുകള്…’ആശീര്വാദും കേരളത്തിലെ തിയറ്ററുകളും തമ്മിലുള്ളതു 23 വര്ഷത്തെ കുടുംബ ബന്ധമാണ്. സംഘടനയുടെ തലപ്പത്തിരിക്കുന്ന ചിലര് കുടുംബത്തിനകത്തു ബഹളമുണ്ടാക്കാന് നോക്കി. അതുകൊണ്ടാണു കൂടപ്പിറപ്പുകളെപ്പോലുള്ളവര്ക്ക് ഒരു നിബന്ധനയുമില്ലാത്ത കരാര് നല്കിയത്. ഞങ്ങള് മുന്പും എല്ലാ സിനിമയ്ക്കും അഡ്വാന്സ് വാങ്ങിയിട്ടുണ്ട്. എല്ലാ നിര്മാതാക്കും അതാണു ചെയ്യുന്നത്. ‘മരക്കാറി’നു വേണ്ടി വാങ്ങിയ മുഴുവന് തുകയും ഞാന് തിരിച്ചു കൊടുത്തു. വിവാദമുണ്ടായ സ്ഥിതിക്ക് അവര്ക്ക് ഇഷ്ടമുള്ളതു തരട്ടെ.
അവര് ഒരോരുത്തരും കഴിവിന്റെ പരമാവധി അഡ്വാന്സ് നല്കുമെന്നു എന്നെ വിളിച്ചു പറയുന്നുണ്ട്. ഒരു പൈസപോലും ഞാന് പറയുന്നില്ല.’- ആന്റണി പെരുമ്പാവൂര് പറഞ്ഞു. നേരത്തെ തിയറ്ററിലെ പ്രദര്ശനാനുമതിക്കായി കോടികള് വേണമെന്നാവശ്യപ്പെട്ടതോടെയാണു ‘മരക്കാര്’ വിവാദമായത്.
സിനിമകളുടെ പ്രൊമോഷൻ പരിപാടികളിൽ നിന്ന് അകലം പാലിക്കുന്ന നടിയാണ് നയൻതാര. എന്നാൽ കഴിഞ്ഞ ദിവസം ഒരു സിനിമയുടെ പ്രൊമോഷൻ പരിപാടിക്ക്…
സ്തനാർബുദം ബാധിച്ച കാര്യം വെളിപ്പെടുത്തി നടി ഹിന ഖാൻ. ഇൻസ്റ്റഗ്രാം അക്കൗണ്ടിലൂടെയാണ് നടി ഇക്കാര്യം അറിയിച്ചിട്ടുള്ളത്. രോഗത്തിന്റെ മൂന്നാം ഘട്ടത്തിലാണ്…
തന്റെ ഭർത്താവും ഇന്ത്യയുടെ ബഹിരാകാശ ദൗത്യമായ ഗഗൻയാനിന്റെ ഗ്രൂപ്പ് ക്യാപ്റ്റനുമായ പ്രശാന്ത് ബാലകൃഷ്ണൻ നായരുടെ കരിയറിലെ അഭിമാനകരമായ നേട്ടം പങ്കുവച്ച്…
തെങ്കാശി : കേരളാ അതിർത്തിയോട് ചേർന്ന് തമിഴ്നാട്ടിൽ സ്ഥിതിചെയ്യുന്ന വിനോദ് സഞ്ചാര കേന്ദ്രമായ കുറ്റാലത്ത് സ്വകാര്യ ഹോട്ടലിൽ പെൺ വാണിഭ…
ബി ഗ്രേഡ് സിനിമകളിലൂടെ തരംഗം സൃഷ്ടിച്ച ഷക്കീല ഇന്ന് തമിഴ് ഷോകളിലൂടെ പ്രേക്ഷകർക്ക് പ്രിയങ്കരിയായി മാറിയിരിക്കുകയാണ്. തന്റെ കഴിഞ്ഞ കാലത്തെക്കുറിച്ച്…
സിനിമയുടേയും സീരിയിലന്റേയും ലോകം പ്രേക്ഷകരെ സംബന്ധിച്ച് നോക്കുമ്പോൾ ഗ്ലാമറിന്റെ ലോകമാണ്. എന്നാല് പക്ഷെ പലപ്പോഴും ക്യാമറയ്ക്ക് പിന്നിലെ ലോകം അത്ര…