റിലീസിനൊരുങ്ങുന്ന മലയാള സിനിമകളിൽ എമ്പുരാനോളം കാത്തിരിപ്പ് ഉയർത്തിയിരിക്കുന്ന മറ്റൊരു ചിത്രമില്ല. പ്രഖ്യാപന ഘട്ടം മുതല് മലയാളത്തില് ഏറ്റവുമധികം പ്രതീക്ഷ തീര്ത്ത സിനിമയാണ് മോഹൻലാലിനെ നായകനാക്കി പൃഥ്വിരാജ് സുകുമാരൻ സംവിധാനം ചെയ്യുന്ന ‘എമ്പുരാൻ’. സ്കെയിലിലും കാൻവാസിലും മലയാള സിനിമയെ അത്ഭുതപ്പെടുത്തുമെന്ന് പ്രതീക്ഷിക്കപ്പെടുന്ന എമ്പുരാൻ വമ്പൻ വിജയം നേടിയ ലൂസിഫറിന്റെ തുടർച്ചയാണ്. എമ്പുരാന്റെ രണ്ടാം ഘട്ട ഷെഡ്യൂൾ പുരോഗമിച്ചുകൊണ്ടിരിക്കുകയാണ്. ഇപ്പോഴിതാ ലഡാക്കിൽ നിന്നുള്ള മോഹൻലാലിന്റെ ഒരു വീഡിയോയാണ് സോഷ്യൽ മീഡിയയിൽ വൈറലാവുന്നത്. മോഹൻലാലിന്റെ സുഹൃത്തായ സമീർ ഹംസയാണ് വീഡിയോ പങ്കുവെച്ചത്. ‘ഖുറേഷി അബ്റാമിനൊപ്പം നടത്തിയ മറ്റൊരു അത്ഭുതകരമായ യാത്ര, ഓരോ വഴിയും പുതിയ കണ്ടെത്തലുകളിലേക്ക് നയിക്കുകയും ഈ തെരുവുകളിലൂടെ നടക്കുമ്പോൾ ഞങ്ങളുടെ ഹൃദയം ശുദ്ധമായ സന്തോഷം അനുഭവിക്കുകയും ചെയ്യുന്നു’ എന്നാണ് വീഡിയോ പങ്കുവെച്ച് സമീർ ഹംസ കുറിച്ചത്. കഴിഞ്ഞ ദിവസമാണ് എമ്പുരാന്റെ ഫസ്റ്റ് ലുക്ക് പോസ്റ്റർ അണിയറ പ്രവർത്തകർ പുറത്തുവിട്ടുറന്നത്. എന്റെ മൂന്നാമത്തെ സംവിധാന ചിത്രവും, ഫ്രാഞ്ചൈസിയുടെ രണ്ടാം ഭാഗവും എന്ന തലക്കെട്ടോടെയാണ് ‘എമ്പുരാന്റെ’ ഫസ്റ്റ് ലുക്ക് പൃഥ്വിരാജ് സുകുമാരൻ സോഷ്യൽ മീഡിയയിലൂടെ പങ്കുവച്ചിരുന്നത്. പോരാട്ടഭൂമിയിൽ കൈയില് ഒരു മെഷീന് ഗണ്ണുമായി ലാന്ഡ് ചെയ്യാന് ഒരുങ്ങുന്ന ഒരു വാര് ഹെലികോപ്റ്ററെ നോക്കി നില്ക്കുന്ന ഖുറേഷി അബ്രാമിനെയാണ് ഫസ്റ്റ് ലുക്ക് പോസ്റ്ററില് കാണാനായത്. ഒരു ഗംഭീര സംഘട്ടനത്തിന് ശേഷമുള്ള നായകന്റെ നില്പ്പാണ് പോസ്റ്ററില് ചിത്രീകരിച്ചിരുന്നത്. മലയാളത്തില് ചരിത്ര വിജയം നേടിയ ലൂസിഫറിന്റെ തുടര്ച്ചയായി എത്തുന്ന എമ്പുരാന്റെ ആദ്യ ഷെഡ്യൂള് ലഡാക്കില് പൂര്ത്തിയായിരുന്നു.
മഞ്ജു വാര്യരും ടോവിനോ തോമസും അടക്കം ആദ്യഭാഗത്തില് അഭിനയിച്ച പലതാരങ്ങളും എമ്പുരാനിലും അണിനിരക്കും. ഒരു ഹോളിവുഡ് ടച്ച് കൊണ്ടുവന്ന പോസ്റ്റർ ആരാധകർ ഒന്നങ്കം ഏറ്റെടുത്തത് വളരെ വേഗത്തിൽ ആയിരുന്നു. എന്നാൽ ആവേശത്തോടൊപ്പം നിരാശയും പരിഭവവും സമ്മാനിച്ചിരിന്നു പോസ്റ്റര്. ഇതിന് പ്രധാന കാരണം എബ്രഹാം ഖുറേഷിയായുള്ള മോഹൻലാലിന്റെ ഫേസ് കാണിക്കാത്തതിലാണ്. ഇത്രയും പ്രതീക്ഷയോടെ കാത്തിരുന്നിട്ട് നിരാശരാക്കിയല്ലോ എന്നും ഇവർ പറയുന്നു. അതേസമയം, പോസ്റ്റർ ഒരു ഫാൻ മേഡ് പോസ്റ്റർ പോലെയാണെന്ന് വിമർശിക്കുന്നവരും ഉണ്ട്. ഹൈപ്പ് വേണ്ടാന്ന് വച്ചാണോ ഇങ്ങനെ ഒരു പോസ്റ്റർ ഇറക്കിയതെന്ന് ചോദിക്കുന്നവരും ഉണ്ട്. എന്നാൽ ഈ പരിഭവവത്തോടൊപ്പം തന്നെ ഫസ്റ്റ് ലുക്കിനെയും എമ്പുരാനെയും പ്രശംസിക്കുന്നവരും ഏറെയാണ്.
സിനിമകളുടെ പ്രൊമോഷൻ പരിപാടികളിൽ നിന്ന് അകലം പാലിക്കുന്ന നടിയാണ് നയൻതാര. എന്നാൽ കഴിഞ്ഞ ദിവസം ഒരു സിനിമയുടെ പ്രൊമോഷൻ പരിപാടിക്ക്…
സ്തനാർബുദം ബാധിച്ച കാര്യം വെളിപ്പെടുത്തി നടി ഹിന ഖാൻ. ഇൻസ്റ്റഗ്രാം അക്കൗണ്ടിലൂടെയാണ് നടി ഇക്കാര്യം അറിയിച്ചിട്ടുള്ളത്. രോഗത്തിന്റെ മൂന്നാം ഘട്ടത്തിലാണ്…
തന്റെ ഭർത്താവും ഇന്ത്യയുടെ ബഹിരാകാശ ദൗത്യമായ ഗഗൻയാനിന്റെ ഗ്രൂപ്പ് ക്യാപ്റ്റനുമായ പ്രശാന്ത് ബാലകൃഷ്ണൻ നായരുടെ കരിയറിലെ അഭിമാനകരമായ നേട്ടം പങ്കുവച്ച്…
തെങ്കാശി : കേരളാ അതിർത്തിയോട് ചേർന്ന് തമിഴ്നാട്ടിൽ സ്ഥിതിചെയ്യുന്ന വിനോദ് സഞ്ചാര കേന്ദ്രമായ കുറ്റാലത്ത് സ്വകാര്യ ഹോട്ടലിൽ പെൺ വാണിഭ…
ബി ഗ്രേഡ് സിനിമകളിലൂടെ തരംഗം സൃഷ്ടിച്ച ഷക്കീല ഇന്ന് തമിഴ് ഷോകളിലൂടെ പ്രേക്ഷകർക്ക് പ്രിയങ്കരിയായി മാറിയിരിക്കുകയാണ്. തന്റെ കഴിഞ്ഞ കാലത്തെക്കുറിച്ച്…
സിനിമയുടേയും സീരിയിലന്റേയും ലോകം പ്രേക്ഷകരെ സംബന്ധിച്ച് നോക്കുമ്പോൾ ഗ്ലാമറിന്റെ ലോകമാണ്. എന്നാല് പക്ഷെ പലപ്പോഴും ക്യാമറയ്ക്ക് പിന്നിലെ ലോകം അത്ര…