‘വമ്പൻ സംഭവങ്ങൾ ഒന്നും ഇല്ലെങ്കിലും ത്രില്ലർ പ്രേമികൾക്ക് ഉറപ്പായും കാണാവുന്ന ചിത്രം’

ടൊവിനോ തോമസിനെ നായകനാക്കി നവാഗതനായ ഡാര്‍വിന്‍ കുര്യാക്കോസ് സംവിധാനം ചെയ്ത ‘അന്വേഷിപ്പിൻ കണ്ടെത്തും’ രണ്ടു കൊലപാതക കേസുകളുടെ ചുരുളഴിക്കുന്നതിനൊപ്പം ഒരു പൊലീസുകാരന്റെ ജീവിതം കൂടി പറഞ്ഞുപോവുന്നു. കഴിഞ്ഞ ദിവസം തിയേറ്ററുകളിലെത്തിയ ചിത്രത്തിന് മികച്ച അഭിപ്രായങ്ങളാണ് ലഭിക്കുന്നത്. ഇപ്പോഴിതാ അത്തരത്തിലുള്ള ഒരു കുറിപ്പാണ് ശ്രദ്ധേയമാകുന്നത്. വമ്പൻ സംഭവങ്ങൾ ഒന്നും ഇല്ലെങ്കിലും ത്രില്ലർ പ്രേമികൾക്ക് ഉറപ്പായും കാണാവുന്ന ചിത്രമെന്നാണ് നാരായണൻ മൂവീ ​ഗ്രൂപ്പിൽ പങ്കുവെച്ച കുറിപ്പിൽ പറയുന്നത്.