വിവാഹ തലേന്ന് കാമുകിയെ യുവാവ് തട്ടികൊണ്ട് പോയി പീഡിപ്പിച്ചു, വര്‍ക്കല മേല്‍വെട്ടൂര്‍ കയറ്റാഫീസ് ജംഗ്ഷനു സമീപം നസീബ് മംഗലത്ത് വീട്ടില്‍ നസീബാണ് (23) അറസ്റ്റിലായത്.വര്‍ക്കല സ്വദേശിനിയായ യുവതിയെയെയാണ് കാമുകന്‍ തട്ടിക്കൊണ്ട് പോയത്. തുടര്‍ന്ന് കയറ്റാഫീസ് ജംഗ്ഷനു സമീപത്തുള്ള വീട്ടില്‍ കൊണ്ടുപോയി പീഡിപ്പിക്കുകയായിരുന്നെന്ന് പൊലീസ് പറഞ്ഞു. പിന്നീട് രാത്രിയില്‍ യുവതിയെ വീടിനു സമീപത്തെത്തിച്ചശേഷം കടന്നുകളയുകയായിരുന്നു. കയറ്റാഫീസ് ജംഗ്ഷന് സമീപത്ത് നിന്നാണ് പ്രതിയെ പിടികൂടിയത്. കണ്ണൂര്‍ സ്വദേശിയുമായി യുവതിയുടെ വിവാഹം അടുത്ത ദിവസം തന്നെ നടന്നെങ്കിലും സംഭവം യുവതി ഭര്‍ത്താവിനെ അറിയിക്കുകയായിരുന്നു. ഇതോടെ യുവതിയെ ഭര്‍ത്താവ് മട്ടന്നൂര്‍ പൊലീസ് സ്റ്റേഷനിലെത്തിച്ചു. തുടര്‍ന്ന് വര്‍ക്കല പൊലീസില്‍ പരാതി നല്‍കുകയും ചെയ്തതോടെയാണ് നസീബിനെ അറസ്റ്റ് ചെയ്തത്.