വാടക ഗര്‍ഭധാരണം വിവാദമാക്കിയവര്‍ക്ക് തകര്‍പ്പന്‍ മറുപടിയുമായി നടി നയന്‍താര. ആറ് വര്‍ഷങ്ങള്‍ക്ക് മുന്നേ തങ്ങള്‍ വിവാഹിതരായെന്നാണ് അന്വേഷണ സംഘത്തോട് നയന്‍താരയുടെ വിശദീകരണം. കഴിഞ്ഞ ഡിസംബറിലാണ് വാടക ഗര്‍ഭധാരണത്തിന് നടപടികള്‍ തുടങ്ങിയതെന്നും ഇരുവരും ആരോഗ്യ വകുപ്പിന് നല്‍കിയ സത്യവാങ്മൂലത്തില്‍ വ്യക്തമാക്കി.
ആറു വര്‍ഷം മുന്‍പ് തങ്ങള്‍ വിവാഹം റജിസ്റ്റര്‍ ചെയ്തിരുന്നുവെന്ന് നയന്‍താര വ്യക്തമാക്കുന്നു. ഇതോടെ വാടക ഗര്‍ഭധാരണത്തിലെ പുതിയ ഭേദഗതി ഇരുവരെയും ബാധിക്കുകയില്ലെന്നാണ് റിപ്പോര്‍ട്ടുകള്‍. കഴിഞ്ഞയാഴ്ചയാണ് തങ്ങള്‍ക്ക് ഇരട്ട ആണ്‍കുട്ടികള്‍ പിറന്നെന്ന് സന്തോഷം വിഘ്‌നേഷ് പങ്കുവച്ചത്. കുഞ്ഞുമക്കളുടെ കാലുകളില്‍ ഉമ്മ വയ്ക്കുന്ന ചിത്രവും പങ്കുവച്ചിരുന്നു.
പിന്നാലെ സൈബര്‍ ഇടം വലിയ ചര്‍ച്ചകള്‍ ഉയര്‍ന്നു. ഇക്കഴിഞ്ഞ ജൂണിലാണ് ഇരുവരും വിവാഹിതരായത്. അപ്പോള്‍ നാല് മാസം കൊണ്ട് കുഞ്ഞുങ്ങള്‍ പിറന്നതാണ് വിവാദമാകാന്‍ കാരണം. വാടക ഗര്‍ഭധാരണത്തിലൂടെയാണ് കുഞ്ഞുങ്ങള്‍ ഉണ്ടായതെന്ന് താരങ്ങളുടെ അടുത്ത വൃത്തങ്ങള്‍ അറിയിച്ചിരുന്നു. പിന്നാലെ സംഭവത്തില്‍ നിയമ ലംഘനം നടന്നിട്ടുണ്ടെന്ന് ആരോപിച്ച് നിരവധി പേര്‍ രംഗത്തെത്തുകയും ചെയ്തു. ഇതോടെയാണ് തമിഴ്‌നാട് ആരോഗ്യവകുപ്പ് അന്വേഷണം പ്രഖ്യാപിച്ചത്. നയന്‍താരയുടെ ബന്ധുതന്നെയാണ് കുഞ്ഞുങ്ങളെ പ്രസവിച്ചതെന്നാണ് റിപ്പോര്‍ട്ട്.
വാടകഗര്‍ഭധാരണ നിയമപ്രകാരം പരോപകാര ആവശ്യങ്ങള്‍ക്കോ അല്ലെങ്കില്‍ തെളിയിക്കപ്പെട്ട വന്ധ്യതയോ രോഗമോ അനുഭവിക്കുന്ന ദമ്പതികള്‍ക്കോ മാത്രമേ സറോഗസി അനുവദിക്കുന്നുള്ളൂ. വില്‍പ്പന, വേശ്യാവൃത്തി അല്ലെങ്കില്‍ മറ്റേതെങ്കിലും തരത്തിലുള്ള ചൂഷണം ഉള്‍പ്പെടെയുള്ള ആവശ്യങ്ങള്‍ക്കായി വാടക ഗര്‍ഭധാരണം നിരോധിച്ചതായും നിയമഭേദഗതി പറയുന്നു.
മാത്രമല്ല, കുട്ടി ജനിച്ചുകഴിഞ്ഞാല്‍, ആ കുട്ടിയുടെ പൂര്‍ണ അവകാശം ആ ദമ്പതികള്‍ക്ക് മാത്രമാണ്. നിയമ പ്രകാരം വാടക ഗര്‍ഭധാരണത്തിലൂടെ ഒരു കുട്ടി ജനിക്കുന്നതിന് ദമ്പതികള്‍ യോഗ്യത സര്‍ട്ടിഫിക്കറ്റ് വാങ്ങണം.
ഭാര്യക്ക് 25-50 വയസിനും ഭര്‍ത്താവിന് 26-55 വയസിനും ഇടയിലാകണം പ്രായം.
ദമ്പതികള്‍ക്ക് പിറന്നതോ ദത്തെടുത്തതോ ആയ കുട്ടി ഉണ്ടാകരുത്. മാനസികമോ ശാരീരികമോ ആയ വൈകല്യമുള്ള ഒരു കുട്ടി, അല്ലെങ്കില്‍ ജീവന്‍ അപകടപ്പെടുത്തുന്ന അസുഖമോ ഉള്ള ഒരു കുട്ടിയുള്ള ദമ്പതികള്‍ക്കും മേല്‍പ്പറഞ്ഞ മാനദണ്ഡം ബാധകമല്ല.
ഏതാനും മാസങ്ങൾക്ക് മുൻപ് കലാഭവൻ മാണിയുടെ സഹോദരനും പ്രശസ്ത നേതൃത്തകനുമായ ആർ എൽ വി രാമകൃഷ്ണൻ കറുത്തതാണെന്നും, മോഹിനിയാട്ടത്തിനു പറ്റിയ…
തെന്നിന്ത്യൻ സിനിമാ രംഗത്ത് ഒരു കാലത്തെ താര റാണിയായിരുന്നു നടി കെ ആർ വിജയ, ഇപ്പോഴിതാ തന്റെ കരിയറിലെയും, വ്യക്തി …
ലാൽ ജോസ് സംവിധാനം ചെയ്യ്ത അയാളും ഞാനും എന്ന ചിത്രത്തിലൂടെ ആണ് റോണി ഡേവിഡ് സിനിമ രംഗത്തേക് എത്തിയത്, എന്നാൽ…
ശരിക്കും ഡോക്ടറാണോ, ജോലി ഒന്നുമില്ലേ, തെണ്ടിത്തിരിമഞ്ഞൻ നടന്നാൽ മത്തിയോ എന്നൊക്കെയാണീ എലിസബത്ത് ഉദയൻനേരിടേണ്ടി വരുന്ന ചോദ്യങ്ങൾ. നടൻ ബാലയുടെ ഭാര്യയെന്ന…
ബോളിവുഡ് നടി സൊനാക്ഷി സിന്‍ഹയുടെ വിവാഹവുമായി ബന്ധപ്പെട്ട വാര്‍ത്തകളാണ് കുറച്ച് ദിവസങ്ങളായി തെന്നിന്ത്യൻ മാധ്യമങ്ങളിലടക്കം പ്രചരിക്കുന്നത്. എന്നാല്‍ നവദമ്പതികളായ സൊനാക്ഷിയും…
മലയാളത്തിൽ സജീവമല്ലയെങ്കിൽ പോലും തമിഴകത്ത് മികച്ച സിനിമകളുമായി കരിയറിൽ മുന്നേറുകയാണ് നടൻ കാളിദാസ് ജയറാം. റായൻ ആണ് കാളിദാസിന്റെ പുതിയ…