ആരാധകലോകം ഒന്നടങ്കം കാത്തിരിക്കുന്ന ചിത്രമാണ് മോഹന്‍ലാലും ജീത്തു ജോസഫും ഒന്നിക്കുന്ന ചിത്രം നേര്. സൂപ്പര്‍ ഹിറ്റുകളായ ദൃശ്യം 1,2ന് ശേഷം മോഹന്‍ലാലും ജീത്തു ജോസഫും ഒന്നിക്കുന്ന ചിത്രമെന്നത് ഏറെ പ്രതീക്ഷയുണര്‍ത്തുന്ന ചിത്രമാണ് നേര്. ഏറെ നാള്‍ക്ക് ശേഷം മോഹന്‍ലാല്‍ വക്കീല്‍ വേഷ്ത്തിലെത്തുന്നു എന്നതും ശ്രദ്ധേയമാണ്. ചിത്രത്തിന്റെതായി വന്ന പോസ്റ്റുകളെല്ലാം ഏറെ വൈറലായിരുന്നു.
ഇപ്പോഴിതാ ചിത്രത്തിന്റെ മൂന്നാമത്തെ പോസ്റ്റര്‍ എത്തിയിരിക്കുകയാണ്. ഇതുവരെ പോസ്റ്ററുകളെല്ലാം മോഹന്‍ലാലിന്റേത് മാത്രമായിരുന്നു. മൂന്നാമതായി എത്തിയ പോസ്റ്ററില്‍ മോഹന്‍ലാല്‍, പ്രിയാമണി, അനശ്വരാ രാജന്‍ എന്നിവരും പോസ്റ്ററിലുണ്ട്. ചിത്രം ഡിസംബര്‍ 21-നാണ് തിയ്യേറ്ററിലെത്തുന്നത്.
കോര്‍ട്ട് റൂം ഡ്രാമയായി എത്തുന്ന ചിത്രത്തില്‍ മോഹന്‍ലാലും പ്രിയാമണിയും അഭിഭാഷകരായിട്ടാണ് എത്തുന്നത്. പ്രേക്ഷകരെ ഉദ്വേഗത്തിന്റെ മുള്‍മുനയില്‍ നിര്‍ത്തുന്നതാണ് പുറത്തുവന്ന പോസ്റ്ററുകളെല്ലാം. നിരവധി കോടതി രംഗങ്ങള്‍ മലയാള സിനിമയില്‍ വന്നിട്ടുണ്ടെങ്കിലും തികച്ചും വ്യത്യസ്തമായിട്ടായിരിക്കും ജീത്തുവിന്റെ നേര് എത്തുന്നത്.
ജഗദീഷ്, സിദ്ദിഖ്, ഗണേഷ് കുമാര്‍, നന്ദു, മാത്യു വര്‍ഗീസ്, ദിനേശ് പ്രഭാകര്‍, ശങ്കര്‍ ഇന്ദുചൂഡന്‍, കലേഷ്, കലാഭവന്‍ ജിന്റോ, ശാന്തി മായാദേവി, രമാദേവി, രശ്മി അനില്‍ എന്നിവരാണ് മറ്റ് പ്രധാന കഥാപാത്രങ്ങളായി എത്തുന്നത്. ജീത്തു ജോസഫും ശാന്തി മായാദേവിയും ചേര്‍ന്നാണ് ചിത്രത്തിന്റെ തിരക്കഥ ഒരുക്കുന്നത്.
വിനായക് ശശികുമാറിന്റെ വരികള്‍ക്ക് വിഷ്ണു ശ്യാം ആണ് ഈണം പകരുന്നത്. ഛായാഗ്രഹണം. സതീഷ് കുറുപ്പ്. എഡിറ്റിംഗ് വി.എസ്.വിനായക്. കലാസംവിധാനം ബോബന്‍. കോസ്റ്റ്യൂം ലിന്റാ ജീത്തു. മേക്കപ്പ് -അമല്‍ ചന്ദ്ര. ചീഫ് അസ്സോസ്സിയേറ്റ് ഡയറക്ടര്‍ -സുധീഷ് രാമചന്ദ്രന്‍. അസ്സോസ്സിയേറ്റ് ഡയറക്ടേര്‍സ് സോണി.ജി.സോളമന്‍, എസ്.എ. ഭാസ്‌ക്കരന്‍, അമരേഷ് കുമാര്‍. ഫിനാന്‍സ് കണ്‍േ ട്രാളര്‍- മനോഹരന്‍ പയ്യന്നൂര്‍. പ്രൊഡക്ഷന്‍ മാനേജേഴ്‌സ് ശശിധരന്‍ കണ്ടാണിശ്ശേരില്‍, പാപ്പച്ചന്‍ ധനുവച്ചപുരം. പ്രൊഡക്ഷന്‍ എക്‌സിക്കുട്ടീവ് -പ്രണവ് മോഹന്‍. പ്രൊഡക്ഷന്‍ കണ്‍ട്രോളര്‍-സിദ്ദു പനയ്ക്കല്‍.