പ്രേക്ഷകരുടെ പ്രിയതാരമാണ് സലിം കുമാര്‍. ജനപ്രിയ ട്രോളുകളില്‍ നിറയുന്ന മുഖവും അദ്ദേഹത്തിന്റെത് ആണ്. ഇപ്പോഴിതാ മലയാളി പ്രേക്ഷകരെ ആകര്‍ഷിക്കുന്നതിനായി നെറ്റ്ഫ്‌ലിക്‌സ് തയ്യാറാക്കിയ പുതിയ വീഡിയോയാണ് വൈറലാകുന്നത്.
നെറ്റ്ഫ്‌ളിക്‌സ് സലിം കുമാറായാല്‍ എങ്ങനെയിരിക്കും? എന്ന ക്യാപ്ഷനോടെയാണ് നെറ്റ്ഫ്‌ലിക്‌സ് ഇന്ത്യ യൂട്യൂബ് ചാനല്‍ വീഡിയോ പുറത്തിറക്കിയിരിക്കുന്നത്. സ്‌റ്റൈലിഷ് ലുക്കിലെത്തിയ താരത്തിനോട് പ്രേക്ഷകര്‍ ചോദ്യം ചോദിക്കുന്നതും അവയ്ക്ക് രസകരമായ മറുപടി നല്‍കുന്ന സലിം കുമാറാണ് വീഡിയോയില്‍.
ഓരോരുത്തരും സലിം കുമാറിനോട് അവരവര്‍ക്ക് ഇഷ്ടമുള്ള കണ്ടന്റുകള്‍ ആവശ്യപ്പെടുന്നുണ്ട്. കണ്ണീര്‍ സീരിയല്‍ അന്വേഷിച്ചെത്തിയ സ്ത്രീകള്‍ക്ക് സലിം കുമാര്‍ നിര്‍ദ്ദേശിക്കുന്നത് സൈന്റിഫിക് ഫിക്ഷന്‍ ത്രില്ലര്‍ സീരീസായ ഡാര്‍ക്ക് ആണ്. ഡാര്‍ക്കിന്റെ കഥ സലിം കുമാര്‍ വിശദീകരിക്കുന്ന രീതിയും ചിരി പടര്‍ത്തുന്നുണ്ട്.
‘ഒരു വീട്ടില്‍ കൊഞ്ചിച്ച് ഓമനിച്ച് വളര്‍ത്തിയ മിഖായേല്‍ എന്ന പൊന്നുമോന്‍ ഒരു ഗുഹയില്‍ ഒറ്റപ്പെടുന്നു. അവന്റെ അച്ഛന് ഭാര്യയല്ലാതെ വേറെ ബന്ധങ്ങള്‍ ഉണ്ടായിരുന്നുവെങ്കിലും പൊന്നുമോനെ ജീവനായിരുന്നു. രാവിലെ കളിക്കാന്‍ പോയ മോന്റെ ബോഡി അവര്‍ക്ക് കിട്ടുന്നു. പക്ഷേ പയ്യന്‍ ഗുഹയില്‍ നിന്ന് ഇറങ്ങിവരുന്നത് 1986 കാലഘട്ടത്തില്‍.
ഇടവേളയില്‍ പയ്യന്റെ അച്ഛന് അന്ന എന്ന സ്ത്രീയുമായി പ്രണയബന്ധം. അന്നയാണെങ്കിലോ മിഖായേലിന്റെ ഭാര്യയും. ചിറ്റപ്പനാണെങ്കില്‍ കുഞ്ഞമ്മയുടെ മോളെ മുത്തശ്ശിയായി കണ്ടും പോയി. മുത്തച്ഛിയാണെങ്കില്‍ പെറ്റിട്ടില്ല. മിഖായേല്‍ തിരിച്ചുവരുമോ,’ എന്നിങ്ങനെയാണ് സലിം കുമാറിന്റെ വിവരണം.
ഒരേ സീരീസ് വീണ്ടും വീണ്ടും കാണുന്ന പ്രേക്ഷകനും, പ്രചോദനം ഉള്‍ക്കൊണ്ട് സിനിമയെടുക്കാന്‍ ഒരുങ്ങുന്ന സംവിധായകനും പ്രമോയില്‍ എത്തുന്നുണ്ട്. സലിം കുമാറിന്റെ തഗ്ഗും ഡയലോഗുകളുമൊക്കെ സോഷ്യല്‍ മീഡിയയില്‍ വൈറലായിരിക്കുകയാണ് സംഭവം.
‘നല്ല ബിഞ്ചന്‍പൊളി ഐറ്റംസ് ഉണ്ട്, കേറി വാ മക്കളേ,’ എന്ന സലിം കുമാറിന്റെ ഡയലോഗോടെയാണ് വീഡിയോ അവസാനിപ്പിക്കുന്നത്.
തന്റെ അംഗരക്ഷകന്‍ മോശമായി പെരുമാറിയ ഭിന്നശേഷിക്കാരനായ ആരാധകനെ നേരില്‍ കണ്ട് ചേര്‍ത്ത് നിര്‍ത്തി തെലുങ്ക് സൂപ്പര്‍സ്റ്റാര്‍ നാഗാര്‍ജുന. ഭിന്നശേഷിക്കാരനായ യുവാവിനോടാണ്…
മലയാളത്തിന്റെ പ്രിയ താരമാണ് നടി മീര നന്ദന്‍. ദിലീപിന്റെ നായികയായി മുല്ല എന്ന ചിത്രത്തിലൂടെ മലയാള സിനിമയിലേക്കെത്തിയ നായികയാണ് മീര.…
അരുണ്‍ ചന്തു സംവിധാനം ചെയ്ത സയന്‍സ് ഫിക്ഷന്‍ സിനിമയായ 'ഗഗനചാരി' തിയ്യേറ്ററിലെത്തിയിരിക്കുകയാണ്. ഗോകുല്‍ സുരേഷാണ് ചിത്രത്തില്‍ നായകനായെത്തിയത്. ഇപ്പോഴിതാ ചിത്രത്തിന്റെ…
കോടികള്‍ മുടക്കിയാണ് ഓരോ സിനിമയും തിയ്യേറ്ററിലെത്തുന്നത്. അക്കാലത്താണ് വെറും 5 ലക്ഷം മുടക്കി സന്തോഷ് പണ്ഡിറ്റ് സിനിമയെടുത്തത്. നടനായും സംവിധായകനും…
ജോജു ജോർജ്‌ ആദ്യമായി രചന-സംവിധാനം നിർവഹിക്കുന്ന 'പണി' സിനിമ അണിയറയിൽ ഒരുങ്ങി കഴിഞ്ഞു. ചിത്രത്തെ കുറിച്ച് പ്രഖ്യാപന സമയം മുതൽ…
ബിഗ് ബോസ് അവതാരകനെന്ന നിലയിൽ മോഹൻലാലിനെ വലിയഒരു കൈയടിയാണ് നേടിക്കൊണ്ടിരിക്കുന്നത്, ഇപ്പോഴിതാ മോഹൻലാൽ എന്ന അവതരാകാനെപ്പറ്റിപറയുകയാണ് മുൻ ബിഗ് ബോസ്…