റോം – കോം ഴോണറിൽ എത്തി മലയാളത്തിൽ വമ്പൻ ഹിറ്റായ ചിത്രമാണ് പ്രേമലു. ചിത്രത്തിന്റെ രണ്ടാം ഭാഗവും പ്രഖ്യാപിക്കപ്പെട്ടു കഴിഞ്ഞു. എന്നാലിപ്പോൾ ചിരിയും പ്രണയവും നിറഞ്ഞ ചിത്രത്തിൽ ഒരു ട്വിസ്റ്റ് കൊണ്ടുവന്നിരിക്കുകയാണ് വിഡിയോ കണ്ടന്റ് ക്രിയേറ്റർ അനന്തു രഘുനാഥ്.
പ്രേമലുവിനെ അടിമുടി മിസ്റ്ററി ത്രില്ലറാക്കിയാണ് മാറ്റിയിട്ടുള്ളത്. അനന്തു എഡിറ്റ് ചെയ്ത വിഡിയോ സാമൂഹിക മാധ്യമങ്ങളിൽ വൈറലായി കഴിഞ്ഞു.
ചിത്രത്തിലെ സംഭാഷണങ്ങൾ അതുപോലെ തന്നെ ഉപയോഗിച്ച് കൊണ്ടാണ് നിഗൂഡത നിറച്ചിട്ടുള്ളത്. ശരിക്കുമുള്ള പ്രേമലു കണ്ടാൽ നമ്മൾ ചിരിക്കുമെങ്കിൽ അനന്തുവിന്റെ എഡിറ്റിങ്ങിൽ പ്രേമലു ഒരു പക്കാ മിസ്റ്ററി ത്രില്ലറായി മാറിയിട്ടുണ്ട്. മമിത ബൈജു, നസ്ലിൻ എന്നിവരെ കേന്ദ്രകഥാപാത്രങ്ങളാക്കി ഗിരീഡ് എ.ഡി സംവിധാനം ചെയ്ത ചിത്രമാണ് പ്രേമവു. 12.50 കോടി മുടക്കിയ സിനിമ 135 കോടി ആഗോള കളക്ഷൻ നേടി.
പ്രേമലു ഒരു മുഴുനീള റൊമാന്റിക് കോമഡി എന്റർടൈനർ ആയാണ് ഒരുക്കിയിരിരുന്നത് ദിലീഷ് പോത്തൻ, ഫഹദ് ഫാസിൽ, ശ്യാം പുഷ്‌ക്കരൻ എന്നിവർ ചേർന്നാണ് ചിത്രം നിർമിച്ചത്. ഹൈദരാബാദിന്റെ പശ്ചാത്തലത്തിൽ ഒരുക്കിയ ചിത്രത്തിൽ ശ്യാം മോഹൻ, അഖില ഭാർഗവൻ, സംഗീത് പ്രതാപ്, അൽതാഫ് സലിം, മീനാക്ഷി രവീന്ദ്രൻ എന്നിവരും അണിനിരന്നു. ഗിരീഷ് എഡിയും കിരൺ ജോസിയും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കിയത്.