പുനിതിന്റെ മരണത്തില് വേദന പങ്ക് വച്ച് നടി മേഘ്നയുടെ പോസ്റ്റ്. ചിരുവിനൊപ്പം നില്ക്കുന്ന പുനിതിന്റെ ചിത്രം പങ്ക് വച്ചുകൊണ്ടാണ് മേഘ്നയുടെ കുറിപ്പ്.ആത്മാവില് ശുദ്ധിയുള്ളവരെ ദൈവം സ്നേഹിക്കുന്നു. അത് ഇങ്ങനെയെല്ലാമാണ് തെളിയിക്കുന്നത്’ എന്നാണ് മേഘ്നയുടെ കുറിപ്പ്.
മുപ്പത്തിയാറാമത്തെ വയസിലാണ് നടി മേഘ്നയുടെ ഭര്ത്താവും കന്നഡ നടനുമായ ചിരഞ്ജീവി സര്ജയുടെ അപ്രതീക്ഷിത വിയോഗം. ഓരോ കന്നഡിഗനും ചിരുവിന്റെ അപ്രതീക്ഷിത വിയോഗത്തില് മനംനൊന്ത് ഗര്ഭിണിയായ മേഘ്നയ്ക്ക് ധൈര്യം പകര്ന്നു. മേഘ്നയുടെ കുഞ്ഞിനെ അവര് ഹൃദയത്തിലേറ്റി. ജൂനിയര് ചിരുവെന്ന് സ്നേഹത്തോടെ അവനെ വിളിച്ചു.
ഇപ്പോഴിതാ വീണ്ടും നാല്പ്പത്തിയാറാം വയസില് അപ്പുവെന്ന് സ്നേഹത്തോടെ കര്ണാടക വിളിക്കുന്ന പുനിത് രാജ്കുമാറിന്റെ മരണം. ജിമ്മില് വര്ക്കൗട്ട് ചെയ്തുകൊണ്ടിരുന്നപ്പോള് പെട്ടെന്നുണ്ടായ നെഞ്ചുവേദനയെ തുടര്ന്നായിരുന്നു പുനിതിനെ ആശുപത്രിയില് പ്രവേശിപ്പിച്ചത്. പുനിത് ആശുപത്രിയിലാണെന്ന് അറിഞ്ഞപ്പോള് മുതല് വന് ജനക്കൂട്ടമാണ് ആശുപത്രിക്ക് മുന്പില് തടിച്ച് കൂടിയത്. കര്ണാടകയെ മുഴുവന് കണ്ണുനീരിലാഴ്ത്തി അപ്രതീക്ഷിതമായി പുനിത് ഈ ലോകത്തോട് വിടപറയുകയായിരുന്നു.