ബോളിവുഡ് അസൂയയോടെ നോക്കി കാണുന്ന താരജോഡികളാണ് രണ്‍വീര്‍ സിംഗും ദീപിക പദുകോണും. ഇരുവരുടെയും പ്രണയവും ഇപ്പോഴുള്ള ജീവിത ശൈലിയും എല്ലാവരും മാതൃകയാക്കാന്‍ ശ്രമിക്കുന്ന തരത്തിലുള്ളതാണ്. അത്രയധികം ആരാധകരാണ് ഈ താരദമ്പതികള്‍ക്ക് ഉള്ളത്. രണ്‍ബീര്‍ കപൂറുമായുള്ള ബ്രേക്ക് അപ്പിന് ശേഷമാണ് ദീപിക രണ്‍വീര്‍ സിംഗുമായി പ്രണയത്തിലാകുന്നത്. പിന്നീട് പ്രേക്ഷകരുടെ ഇടയില്‍ ഏറ്റവും കൂടുതല്‍ ചര്‍ച്ചയായ താരജോഡികളാണ് ദീപികയും രണ്‍വീറും.
പല പുരസ്‌കാരച്ചടങ്ങ് നടക്കുന്ന വേദികളിലും ഇരുവരുടേയും പ്രണയം ഇവര്‍ പരസ്പരം പരാമര്‍ശിക്കാറുണ്ടായിരുന്നു.ഇന്ത്യന്‍ സിനിമയിലെ ഹോട്ട് റൊമാന്റിക് ജോഡികളാണ് ഇവര്‍. ഇപ്പോള്‍ താരങ്ങളെ സംബന്ധിച്ച് മുന്‍പ് നടന്ന ഒരു ഹോട്ട് കാര്യം തന്നെയാണ് വാര്‍ത്തകളിലൂടെ വീണ്ടും പുറത്ത് വരുന്നത്. രാംലീല എന്ന ചിത്രമാണ് ഇരുവരുടെയും ജീവിതത്തില്‍ വഴിത്തിരിവ് ആയത്. ചിത്രവും അതിലെ ഗാനങ്ങളും ഇന്നും പ്രേക്ഷക മനസ്സുകളില്‍ അലയടിക്കുന്ന ഒന്നാണ്. ഇതിലെ ഒരു ഗാനത്തില്‍, ഇല്ലാത്ത ചുബനരംഗം ഇരുവരും ചെയ്തു എന്നാണ് വാര്‍ത്തകള്‍. ‘അഗ് ലഗാ ദേ’ എന്ന ഗാനത്തിലെ രംഗങ്ങളെ കുറിച്ചാണ് ചര്‍ച്ച. ലിപ് ലോക്ക് രംഗം തിരക്കഥയില്‍ ഇല്ലായിരുന്നു എന്നാണ് അറിയുന്നത്.
ചിത്രത്തിന്റെ അണിയറ പ്രവര്‍ത്തകര്‍ തന്നെയാണ് ഇക്കാര്യം പറഞ്ഞത്. ആ ചുംബന രംഗത്തോടെ ഇരുവരുടെയും പ്രണയബന്ധം ശരിയാണെന്ന് എല്ലാവരും ഒന്നുകൂടി അടിവരയിട്ട് ഉറപ്പിച്ചു. ഇരുവരും തമ്മിലുള്ള ചുംബനരംഗം തിരക്കഥയില്‍ ഇല്ലായിരുന്നു. അത് കണ്ട് ഞങ്ങള്‍ ആരും മിണ്ടിയില്ല. വളരെ തീവ്രമായ ഒന്നായിരുന്നു. ഇപ്പോഴും ആ കാഴ്ച മറക്കാന്‍ കഴിയുന്നില്ലെന്നാണ് ചിത്രത്തിന്റെ അണിയറ പ്രവര്‍ത്തകന്‍ പറഞ്ഞത്.