കേരളത്തില് ഒരു ബസാണ് ഇപ്പോള് ചര്ച്ചയായിരിക്കുന്നത്. ഹീറോ പരിവേഷമാണ് റോബിന് ബസിന് ലഭിക്കുന്നത്. വിവാദമായ റോബിന് ബസിന്റെ യാത്ര ഇനി വെള്ളിത്തിരയിലേക്ക് എത്തുകയാണ്. സംവിധായകന് പ്രശാന്ത് മോളിക്കല് ആണ് റോബിന് ബസിന്റെ കഥ സിനിമയാക്കുന്നത്.
പ്രശാന്ത് മോളിക്കല് തന്നെയാണ് സോഷ്യല് മീഡിയയിലൂടെ ചിത്രം പ്രഖ്യാപിച്ചത്. സിനിമാകഥ പറയുവാനായി റാന്നിയില് നിന്നും എറണാകുളത്തേക്ക് വര്ഷങ്ങള്ക്ക് മുന്പ് തന്നെ എത്തിച്ചത് റോബിന് ബസ് ആണെന്ന് പ്രശാന്ത് പറയുന്നു.
‘റോബിന്: ഓള് ഇന്ത്യ ടൂറിസ്റ്റ് പെര്മിറ്റ്’ എന്നാണ് ചിത്രത്തിന്റെ പേര്. മലയാളത്തിലെയും തമിഴിലെയും പ്രശസ്ത താരങ്ങളാവും ചിത്രത്തിലഭിനയിക്കുന്നത്. സിനിയുടെ ചിത്രീകരണം ജനുവരിയില് ആരംഭിക്കും. പത്തനംതിട്ട, എറണാകുളം, പാലക്കാട്, കോയമ്പത്തൂര് എന്നിവിടങ്ങളിലായിട്ടായിരിക്കും ചിത്രീകരണം എന്നാണ് സൂചന. കഥ, തിരക്കഥ, സംഭാഷണം ഒരുക്കുന്നത് സതീഷാണ്.
സുഹൃത്തുക്കളെ, വര്ഷങ്ങള്ക്ക് മുന്പ് നിര്മ്മാതാക്കളോടും, അഭിനേതാക്കളോടും സിനിമാ കഥ പറയുവാനായി റാന്നിയില് നിന്നും എറണാകുളത്ത് എന്നെ എത്തിച്ചിരുന്നത് റോബിന് ബസ് ആണ്. പതിവായി മുന്നോട്ടുള്ള യാത്രകളില് എന്റെ ആദ്യ സിനിമ സംഭവിക്കുകയും, വരുന്ന ഫെബ്രുവരിയില് അതിന്റെ റിലീസ് എത്തി നില്ക്കുകയും ആണ്.
ആദ്യ സിനിമയ്ക്ക് ശേഷം സംഭവിക്കുന്ന യഥാര്ത്ഥ വിജയത്തിനായി മാസങ്ങള്ക്ക് മുന്പ് തന്നെ കഥകള് അന്വേഷിച്ച് തുടങ്ങുകയും, അവയില് ഒരെണ്ണം ഷൂട്ടിങ്ങോളം എത്തി നില്ക്കുകയും, മറ്റ് ചില കഥകള് ചര്ച്ചകളില് ഇരിക്കുകയും ചെയുന്നതിനിടയ്ക്കാണ് കേരളത്തെ പിടിച്ച് കുലുക്കിയ റോബിന് ബസ് സംഭവം നമുക്ക് മുന്നില് കൂടി സംഭവിച്ചു കൊണ്ടിരിക്കുന്നത്.
പ്രതികാര മനോഭാവം പൂണ്ട മനുഷ്യ നിര്മ്മിതങ്ങളായ ടാര്ഗറ്റട് പ്രതിസന്ധികളെ സാധാരണക്കാരന്റെ അവസാന ആശ്രയമായ കോടതികളുടെയും നിയമത്തിന്റെയും പിന്ബലത്തില് തച്ചുടച്ച് തകര്ത്തു കൊണ്ടുള്ള റോബിന് ബേസിന്റെ മുന്നോട്ടുള്ള പ്രയാണത്തില് പ്രേക്ഷകരെ ആദ്യാവസാനം ആകാംഷയുടെ മുള്മുനയില് നിര്ത്തുന്ന ഒരു സിനിമാ കഥ ഉണ്ടെന്ന് തിരിച്ചറിഞ്ഞ് ഞങ്ങള് ഇറങ്ങുകയാണ്.