കഴിഞ്ഞ ദിവസം നടന്ന റോട്ടറി കൊച്ചിൻ ടൈറ്റൻസിന്റെ ഇൻസ്റ്റാളേഷൻ ഫങ്ക്ഷനിൽ ക്ലബ്ബിന്റെ ഭാരവാഹികൾ ആയി പുതിയ അംഗങ്ങൾ ചുമതയേറ്റു. ക്ലബ്ബിന്റെ പ്രസിഡന്റായി രമേഷ് കോങ്ങാട്ടിലും സെക്രട്ടറിയായി വിഷ്ണു ആർ ഉണ്ണിത്താനുമാണ് ചുമതലയേറ്റത്. അഡ്വ.സുന്ദര വടിവേലു മുഖ്യാതിഥിയായ ചടങ്ങിൽ കമ്മ്യൂണിറ്റി ക്ഷേമത്തിനായുള്ള ഒരു പുതിയ അധ്യായത്തിനാണ് തുടക്കം കുറിച്ചത്. റോട്ടറി കൊച്ചിൻ ടൈറ്റൻസിന്റെ വരാനിരിക്കുന്ന നിരവധി പദ്ധതികളെയും സംരംഭങ്ങളെയും കുറിച്ചുള്ള സുപ്രധാന പ്രഖ്യാപനങ്ങൾ ആണ് യോഗത്തിൽ ചർച്ച ചെയ്തത്. ഇന്നത്തെ സമൂഹത്തിലെ ആരോഗ്യ സേവനങ്ങൾ മെച്ചപ്പെടുത്തുന്നതിന് റോട്ടറി കൊച്ചിൻ ടൈറ്റൻസ് ബോധവാന്മാർ ആണെന്നും അതിനാൽ തന്നെ അതിനു വേണ്ട സുപ്രധാനമായ നടപടികൾ സ്വീകരിച്ചിട്ടുണ്ടെന്ന് പ്രസിഡന്റ് രമേഷ് കോങ്ങാട്ടിൽ പറഞ്ഞു.
ഈ ചർച്ചയുടെ ആദ്യ പടി എന്നവണ്ണം എറണാകുളം ജനറൽ ആശുപത്രിയിൽ ഏഴ് ഡയാലിസിസ് യൂണിറ്റുകൾ നൽകുന്നതിന് സംഘടന നടപടികൾ ആരംഭിച്ചു.കൂടാതെ അത്യാധുനിക ഇൻഫ്രാ സ്ട്രക്ടറുകളും സ്മാർട്ട് ക്ലാസ് റൂമുകളും ഉൾപ്പെടുത്തിക്കൊണ്ട് സർക്കാർസ്കൂളുകൾക് ഇരുപത്തി അഞ്ചു ലക്ഷം രൂപയുടെ പദ്ധതികൾ നടപ്പിലാക്കാനും പഠനോപകരണങ്ങളും മികച്ച സേവനങ്ങളും സൗകര്യങ്ങളും ഒരുക്കികൊണ്ടു ഒരു സ്പെഷ്യൽ സ്കൂൾ ഏറ്റടുക്കുവാനും തീരുമാനിച്ചിട്ടുണ്ട് .കൂടാതെ വിദ്യാർഥികളിൽ പാരിസ്ഥിതിക വിദ്യാഭ്യാസം വളർത്തുന്നതിനായി ലേക്ക് മൌണ്ട് പബ്ലിക് സ്കൂളിൽ ബട്ടർഫ്‌ളൈ ഗാർഡൻ നിര്മിക്കുവാനും ,ഭിന്നശേഷി കാരായ കുട്ടികൾക്ക് വീൽ ചെയർ കൾ നൽകുന്ന പദ്ധതികൾ നടപ്പിലാക്കുകയും ചെയ്യും ,നേരത്തെ അർഹരായ വിദ്യാർത്ഥികൾക്ക് സ്കോളർഷിപ്പുകൾ വിതരണം ചെയുകയും ശുദ്ധമായ കുടിവെള്ളം ലഭ്യമാകാൻ വേണ്ടി വാട്ടർ പ്യൂരിഫയറുകൾ സ്കൂളുകൾക്ക് നൽകുകയും ചെയ്തിരുന്നു.
ശേഷം ഈ വരുന്ന 25-ന് അമ്പലമുകൾ ഗവൺമെന്റ ഹയർ സെക്കന്ററി സ്കൂളിൽ ഇന്ത്യൻ ഡെന്റൽ അസോസിയേഷനുമായി ചേർന്ന് ഒരു ഡെന്റൽ ക്യാമ്പ് നടത്തുമെന്നും രമേഷ് കോങ്ങാട്ടിൽ യോഗത്തിൽ പറഞ്ഞു. വിദ്യാർത്ഥികൾക്ക് ദന്ത സംരക്ഷണം നൽകുന്നതിനും സമൂഹത്തിനുള്ളിൽ ക്ഷേമം പ്രോത്സാഹിപ്പിക്കുന്നതിനുമാണ് ഈ സംരംഭത്തിന്റെ ലക്ഷ്യം. റോട്ടറി കൊച്ചിൻ ടൈറ്റൻസ് സമീപകാലത്ത് നടത്തി വരുന്ന പ്രവർത്തനങ്ങൾ കൊച്ചി മേഖലയിലെ ഉന്നമനത്തിൽ വലിയ പങ്കാണ് വഹിച്ചിട്ടുള്ളത്. വരാനുള്ള വർഷത്തിൽ ഒരു കോടിയിൽ പരം രൂപയ്ക്കുള്ള പ്രവർത്തനങ്ങലാണ് ക്ലബ്‌ കാഴ്ചവെക്കുവാൻ ഉദ്ദേശിക്കുന്നത് . ഇത് റോട്ടറി കൊച്ചിൻ ടൈറ്റൻസിന്റെസാമൂഹിക ക്ഷേമത്തിനായുള്ള നിരന്തരമായ പരിശ്രമത്തിന്റെ തെളിവാണ് കൂടുതൽ വിവരങ്ങൾക്ക് ജേക്കബ് കുന്നപ്പള്ളി റോട്ടറി കൊച്ചിൻ ടൈറ്റൻസ്, 91 94476 66900 എന്ന വിലാസത്തിൽ ബന്ധപ്പെടേണ്ടത് ആണ്.