സംവിധായകന് ഷാജി കൈലാസിന്റെയും നടി ആനിയുടെയും മകന് റുഷിനും സിനിമാ ലോകത്തേക്ക് അരങ്ങേറ്റം കുറിയ്ക്കുന്നു. നായകനായിട്ടാണ് റുഷിന് സിനിമാ ലോകത്തേക്ക് എത്തുന്നത്. ഷെബി ചൗഘട്ട് സംവിധാനം ചെയ്യുന്ന പുതിയ സിനിമയിലൂടെയാണ് റുഷിന്റെ അരങ്ങേറ്റം. പ്ലസ്ടു, ബോബി, കാക്കിപ്പട എന്നീ സിനിമകളിലൂടെ ശ്രദ്ധേയനാണ് ഷെബി ചൗഘട്ട്. തിരുവനന്തപുരത്താണ് ചിത്രത്തിന്റെ പ്രധാന ലൊക്കേഷന്. ബുധനാഴ്ച ചിത്രത്തിന്റെ ഷൂട്ടിംഗ് ആരംഭിക്കും.
വിആര് ബാലഗോപാല് തിരക്കഥയും സംഭാഷണവും രചിച്ചിരിക്കുന്നത്. പ്രജീവം മൂവീസിന്റെ ബാനറില് പ്രജീവ് സത്യവര്ദ്ധനാണ് ചിത്രം നിര്മിക്കുന്നത്. ക്യാമറ രജീഷ് രാമനും അഭിലാഷ് ബാലചന്ദ്രനാണ് എഡിറ്റിങ്ങ് നിര്വഹിക്കുന്നത്. കലാസംവിധാനം സാബുറാമുമാണ് നിര്വഹിക്കുന്നത്. ഹരിനാരായണന്റേതാണ് വരികള്, മെജോ ജോസഫാണ് സംഗീതം പകരുന്നത്. വിനീത് ശ്രീനിവാസനും അഫ്സലുമാണ് ഗായകര്.
അബു സലിം ഈ ചിത്രത്തില് സുകുമാരക്കുറുപ്പ് എന്ന കേന്ദ്ര കഥാപാത്രത്തെ അവതരിപ്പിക്കുന്നു എന്ന പ്രത്യേകതയും ഈ ചിത്രത്തിനുണ്ട്. ജോണി ആന്റണി, സൂര്യ കൃഷ്, ഇനിയ, ടിനിടോം, ശ്രീജിത്ത് രവി, സുജിത് ശങ്കര്, ദിനേശ് പണിക്കര് തുടങ്ങി ഒട്ടേറെ താരങ്ങളും ഈ ചിത്രത്തില് മറ്റ് വേഷങ്ങളിലെത്തുന്നുണ്ട്. പ്രൊഡക്ഷന് എക്സിക്യൂട്ടിവ് ഹരി കാട്ടാക്കട. പ്രൊഡക്ഷന് കണ്ട്രോളര്-മുരുകന്.എസ്. പിആര്ഓ വാഴൂര് ജോസ് എന്നിവരാണ് മറ്റ് അണിയറപ്രവര്ത്തകര്.
ഷാജി കൈലാസിന്റെ മൂത്ത മകന് ജഗനും സിനിമാ ലോകത്തെത്തിയിട്ടുണ്ട്. സംവിധായകനായിട്ടാണ് ജഗന് അരങ്ങേറ്റം കുറിച്ചിട്ടുണ്ട്. സിജു വില്സണ് നായകനായെത്തുന്ന ചിത്രം റിലീസിന് ഒരുങ്ങിയിരിക്കുകയാണ്. അതിനിടെയാണ് സഹോദരന് നായകനായും ചിത്രം ഒരുങ്ങുന്നത്.