യുവ നടി സംയുക്ത വർമ നായികയായെത്തിയ സിനിമയാണ് ‘വിരൂപാക്ഷ’. സായ് ധരം തേജ് നായകനായ ചിത്രം കാർത്തിക് ദാന്തു ആണ് ചിത്രം സംവിധാനം ചെയ്തിരിക്കുന്നത്. പാൻ ഇന്ത്യൻ മിസ്റ്റിക് ത്രില്ലർ ചിത്രമായിട്ട് എത്തിയ സിനിമ 50 കോടി ക്ലബിൽ എത്തിയിരിക്കുകയാണ് എന്നാണ് ടോളിവുഡിൽ നിന്നും വരുന്ന റിപ്പോർട്ട്.
ചിത്രം തെലുങ്ക് നിന്ന് 19.8 കോടി രൂപയാണ് നേടിയിരിക്കുന്നത്. ആഗോളതലത്തിലാണ് സിനിമ 50 കോടി ക്ലബിൽ എത്തിയിരിക്കുന്നത്. കാടിനോട് ചേർന്നുള്ള ഒരു ഗ്രാമത്തിൽ 1990 കാലഘട്ടത്തിൽ നടക്കുന്ന ചിത്രമാണ് വിരൂപാക്ഷ. മലയാളം, തമിഴ്, തെലുങ്ക്, കന്നഡ ഹിന്ദി ഭാഷകളിലായി എത്തിയ സിനിമയ്ക്ക് മികച്ച പ്രതികരണമാണ് ലഭിക്കുന്നത്.
സംവിധായകൻ കാർത്തിക് ദാന്തു കഥ എഴുതുന്ന ചിത്രമായ വിരൂപാക്ഷയിൽ അജയ്, സായ് ചന്ദ്, ബ്രഹ്‌മജി, രാജീവ് കനകല, സുനിൽ എന്നിങ്ങനെ നിരവധി താരങ്ങളുമുണ്ട്. ്. ശ്യാം ദത്ത് ആണ് ഛായാഗ്രാഹണം നിർവഹിക്കുന്ന സിനിമയുടെ സംഗീത സംവിധാനം ലോകനാഥ് ആണ്.ശ്രീ വെങ്കടേശ്വര സിനി ചിത്രാ പ്രൊഡക്ഷൻ ഹൗസും സുകുമാർ റൈറ്റിങ്ങ്‌സും ചേർന്ന് നിർമിക്കുന്ന വിരൂപാക്ഷയുടെ ക്രിയേറ്റീവ് പ്രൊഡ്യൂസർ സതിഷ് ബികെആറും ചിത്രത്തിന്റെ പ്രൊഡക്ഷൻ ഡിസൈനർ ശ്രീനാഗേന്ദ്രയുമാണ്.