മലയാള സിനിമാ രംഗത്ത് സ്ത്രീകള്‍ക്ക് എതിരെയുള്ള അക്രമങ്ങള്‍ ദിനം പ്രതി കൂടിയ വരികയാണ്. പ്രമുഖ നടിയെ ആക്രമിച്ച കേസിന് പിന്നാലെ യുവ നടിയ്ക്ക് കൂടി സിനിമാ രംഗത്ത് നിന്ന് ദുരനുഭവം ഉണ്ടായിരിക്കുന്ന ഈ വേളയില്‍ അമ്മയിലെ വിള്ളലും ഹേമകമ്മിറ്റി റിപ്പോര്‍ട്ടും എല്ലാം വാര്‍ത്തകളില്‍ നിറഞ്ഞ് നില്‍ക്കുകയാണ്. ഈ അവസരത്തില്‍ സംവിധായകനും കവിയുമായ സനല്‍ കുമാര്‍ ശശിധരന്റെ ഫേസ്ബുക്ക് പോസ്റ്റ് ചര്‍ച്ചയാവുകയാണ്. മലയാള സിനിമാ രംഗത്ത് ഒരു വലിയ സെക്‌സ് റാക്കറ്റ് തന്നെ പ്രവര്‍ത്തിക്കുന്നുണ്ട് എന്ന് വീണ്ടും എല്ലാവരേയും ഓര്‍മ്മിപ്പിക്കുകയാണ് സംവിധായകന്‍ സനല്‍ കുമാര്‍ ശശിധരന്‍.
ഒരിക്കല്‍ ഒരു ചാനല്‍ ചര്‍ച്ചയില്‍ വെച്ച് മലയാള സിനിമയില്‍ ഒരു സെക്‌സ് റാക്കറ്റ് ഉണ്ടെന്ന് നടി പറഞ്ഞിരുന്നു. അതേസമയം, ഹേമാ കമിറ്റി റിപ്പോര്‍ട്ട് നീട്ടിക്കൊണ്ട് പോകാനാണ് സര്‍ക്കാര്‍ ശ്രമിക്കുന്നത് , റിപ്പോര്‍ട്ട് പുറത്ത് വന്നാല്‍ പല വിഗ്രഹങ്ങളും ഉടയുമെന്നും പാര്‍വതി പറഞ്ഞിരുന്നു. തിരഞ്ഞെടുപ്പ് വരുമ്പോള്‍ മാത്രമാണ് സര്‍ക്കാര്‍ സ്ത്രീ സൗഹൃദമാകുന്നത്. റിപ്പോര്‍ട്ട് നടപ്പാവാന്‍ അടുത്ത തെരഞ്ഞെടുപ്പ് വരെ കാത്തിരിക്കേണ്ടി വരും. സഹപ്രവര്‍ത്തകര്‍ക്ക് ചൂഷണം നേരിടുന്നത് കണ്ടിരിക്കാനാവില്ലെന്നും പാര്‍വതി തിരുവോത്ത് പറഞ്ഞിരുന്നു. നടിയുടെ പ്രസ്താവന അന്ന് ഏറെ ചര്‍ച്ചയായെങ്കിലും പിന്നീട് അതേ കുറിച്ച് ഒരു ഫോളോവപ്പും ഉണ്ടായില്ല.
ഇപ്പോഴിതാ മലയാള സിനിമാവ്യവസായത്തില്‍ ഒരു സെക്‌സ് റാക്കറ്റ് ഉണ്ട് എന്ന ദേശീയ അവാര്‍ഡ് നേടിയ അഭിനേത്രി പാര്‍വതി തിരുവോത്തിന്റെ പ്രസ്താവനയും എന്തുതന്നെ വന്നാലും ഹേമ കമ്മിറ്റി റിപ്പോര്‍ട്ട് പുറത്തുവിടില്ല എന്ന സംസ്ഥാന സര്‍ക്കാരിന്റെ പിടിവാശിയും ചേര്‍ത്ത് വായിക്കേണ്ടതാണ് എന്ന് നമ്മെ ഓര്‍മ്മിപ്പിക്കുകയാണ് സംവിധായന്‍ സനല്‍ കുമാര്‍ ശശിധരന്‍.
തന്റെ കുറിപ്പില്‍ സംസ്ഥാന സര്‍ക്കാരിന് എതിരെയും അദ്ദേഹം വിമര്‍ശനം ഉയര്‍ത്തിയിട്ടുണ്ട്, നടി ആക്രമിക്കപ്പെട്ട കേസിലെ അന്വേഷണവും വിചാരണയും അട്ടിമറിക്കാന്‍ സംസ്ഥാന സര്‍ക്കാര്‍ കൂട്ടിനില്‍ക്കുന്നു എന്നാണ് അദ്ദേഹം ചൂണ്ടിക്കാട്ടുന്നത്. എന്തിനാണ് കേസ് അട്ടിമറിക്കാന്‍ ശ്രമിക്കുന്നത് എന്നു അദ്ദേഹം തന്റെ കുറിപ്പിലൂടെ ചോദിക്കുന്നു. ഒളിഞ്ഞും മറഞ്ഞും നിന്ന് പിറുപിറുത്തിട്ടു
കാര്യമില്ല കള്ളന്‍ കപ്പലില്‍ തന്നെ എന്ന് ഉറക്കെ വിളിച്ചുപറയാന്‍ ബന്ധപ്പെട്ടവര്‍ ധൈര്യം കാട്ടണം എന്നാണ് സനല്‍ പറയുന്നത്. പക്ഷേ, അപ്പോള്‍ കപ്പല്‍ ഉലയുമെന്നും. സ്ത്രീസൗഹൃദ മുഖംമൂടികള്‍ അഴിയുമെന്നും സനല്‍ കുമാര്‍ പങ്കുവെച്ച കുറിപ്പില്‍ കൂട്ടിച്ചേര്‍ത്തു.
തിരുവനന്തപുരം: ജോലിക്ക് ഹാജരാകാത്ത മെഡിക്കൽ കോളേജ് ആശുപത്രിയിലെ ഡോക്ടർമാർക്കെതിരെ നടപടിയുമായി ആരോഗ്യ വകുപ്പ്. ഇവരെ പിരിച്ചുവിടുന്നതിന്റെ ഭാഗമായി പേരുവിവരങ്ങൾ പ്രസിദ്ധപ്പെടുത്തിയിട്ടുണ്ട്.…
തിരുവനന്തപുരം: മുഖ്യമന്ത്രി പിണറായി വിജയനെതിരെ കടുത്ത ആരോപണമുന്നയിച്ച ജില്ലാ കമ്മിറ്റിയംഗത്തിൽ നിന്ന് വിശദീകരണം തേടി സിപിഎം. കഴിഞ്ഞ രണ്ട്…
'നടി, അവതാരക എന്ന നിലയിലെല്ലാം തിളങ്ങിയ താരമാണ് ദിവ്യാങ്ക തൃപാഠി. തെന്നിന്ത്യയിലും താരത്തിന് വലിയ ആരാധകക്കൂട്ടമുണ്ട്. ഇപ്പോൾ ദിവ്യാങ്ക മുമ്പ്…
മമ്മൂട്ടിയെ നായകനാക്കികൊണ്ട് ഒരു സിനിമ ചെയ്യാൻ ആഗ്രഹമുണ്ടെന്ന് മുൻപ് പൃഥ്വിരാജ് വെളിപ്പെടുത്തിയിരുന്നു. 'എംപുരാന്' ശേഷം മുരളി ഗോപിയുടെ തിരക്കഥയിൽ ആയിരിക്കും…
മലയാളികളുടെ ഇഷ്‌ട നായിക ശോഭന ഫാസിൽ സംവിധാനം ചെയ്യ്ത 'മണിച്ചിത്ര താഴി'ൽ തന്റെ കഥാപാത്രമായ നാഗവല്ലിയോട് നൂറ് ശതമാനം നീതി…
ഹിന്ദി സീരിയൽ രംഗത്തെ നടിയും, അവതാരകയുമായ താരമാണ് ദിവ്യാങ്ക ത്രിപാഠി, മുൻപൊരിക്കൽ താരം നേരിട്ട കാസ്റ്റിംഗ് കൗച്ചിന് കുറിച്ച് തുറന്നു…