ഫ്ളോറസ് നൈറ്റിംഗേലിന്റെ ജന്മദിനമായ മെയ് 12നാണ് ലോകം നഴ്സസ് ദിനം ആചരിക്കുന്നത്. വിളക്കേന്തിയ വനിത എന്നറിയപ്പെടുന്ന നൈറ്റിംഗേലിന്റെ 200-ാം ജന്മദിനം കൂടിയായിയിരുന്നു ഇത്തവണത്തെ നഴ്സസ് ദിനം. ലോകം ഏറ്റവും പ്രതിസന്ധി നിറഞ്ഞ കാലഘട്ടത്തിലൂടെ കടന്നു പോകുമ്ബോള്, പോരാട്ടത്തിന്റെ മുന്നിരയില് നില്ക്കുന്ന ‘മലാഖമാര്’ക്ക് ആശംസകള് അറിയിച്ചുകൊണ്ട് നിരവധി പേരാണ് രംഗത്ത് വന്നത്. നടി ശീലു എബ്രഹാമും നഴ്സുമാര്ക്ക് ആശംസകള് അറിയിച്ചു. ഞാനും ഒരു നഴ്സ് ആയിരുന്നു എന്ന് അഭിമാനത്തോടെ പറയുന്നു, എല്ലാ മാലാഖമാരേയും ദൈവം അനുഗ്രഹിക്കട്ടെ എന്നായിരുന്നു ശീലു എബ്രഹാമിന്റെ ഫെയ്സ്ബുക്ക് പോസ്റ്റ്. ഒപ്പം അക്കാലത്തെ ഒരു ചിത്രവും ശീലു പങ്കുവച്ചു.