പ്രണവ് മോഹൻലാലിന്റെ അരങ്ങേറ്റ ചിത്രമായ ആദി വലിയ വിജയമായി മാറിയിരുന്നു. ചിത്രത്തിലെ ആക്ഷൻ രംഗങ്ങൾ തന്നെയായിരുന്നു ആദിയുടെ ഹൈലൈറ്റ്. പാർകൗർ എന്ന പേര് മലയാളികൾക്ക് പരിചിതമാക്കിയ ചിത്രമായിരുന്നു ആദി. ഇപ്പോൾ പ്രണവ് ചെയ്ത് അതിസാഹസിക ആക്ഷൻ രംഗങ്ങൾ വീണ്ടും മലയാള സിനിമയിൽ കാണാൻ അവസരം ഒരുങ്ങുകയാണ്. ഇത്തവണ സിജു വിൽസൺ ആണ് പാർകൗർ ആക്ഷനുമായി എത്തുന്നത്.
ടോവിനോ തോമസ് പ്രൊഡക്ഷൻസ്, റെയൊണ പ്രൊഡക്ഷൻസ് ബാനറിൽ കിവിസോ പ്രൊഡക്ഷൻസ്, കേതാകീപുരം റിസോർട്ട് ഗ്രൂപ്പ്‌ & നേരിയ ഫിലിം ഹൗസ് എന്നിവർ നിർമ്മിച്ച് ഉല്ലാസ് കൃഷ്ണ സംവിധാനം ചെയ്യുന്ന പുതു ചിത്രത്തിന്റെ ചിത്രീകരണ വേളയിൽ ലൊക്കേഷൻ പിന്നാമ്പുറ കാഴ്ച്ചകളുടെ ഇൻസ്റ്റാഗ്രാം റീൽ സിജു വിൽസൺ തന്നെയാണ് പങ്കുവെച്ചത്. ആവേശകരമായ മിന്നും പാർക്കർ ആക്ഷൻ രംഗങ്ങളാണ് ഇപ്പോൾ സോഷ്യൽ മീഡിയയിൽ തരംഗമായിരിക്കുന്നത്.
സൂപ്പർ ഹിറ്റ്‌ ആയ പത്തൊൻമ്പതാം നൂറ്റാണ്ടിന് ശേഷം സിജു വിൽസൺ ഒരു മാസ്സ് ആക്ഷൻ രംഗങ്ങൾ ചെയ്യുന്ന മറ്റൊരു ചിത്രം കൂടിയാണിത്. തന്റെ കഥാപാത്രത്തിന് വേണ്ടി ഏത് തരം രൂപമാറ്റം ആകാനും തയ്യാറായ വരും ആക്ഷൻ സൂപ്പർ ഹീറോ ആണ് സിജു വിൽസൺ. സിജു വിൽസൺ നായകനാകുന്ന ചിത്രത്തിൽ സിദ്ദിഖ്, ബാലു വർഗീസ്, ധീരജ് ഡെന്നി, മനോജ്‌ കെ. വി, നമ്രിത, ലെന എന്നിവരും പ്രധാന വേഷങ്ങളിലെത്തുന്നു. എം പത്മകുമാർ, മേജർ രവി, വി എ ശ്രീകുമാർ, സമുദ്രക്കനി എന്നിവർക്കൊപ്പം പ്രധാന സഹായിയായി പ്രവർത്തിച്ച അനുഭവ പരിചയവുമായാണ് ഉല്ലാസ് കൃഷ്ണ ഇപ്പോൾ സ്വതന്ത്ര സംവിധായകനാകുന്നത്.