മലയാളത്തിന്റെ നടന വിസ്മയമാണ് മോഹനലാല്. കഴിഞ്ഞ ദിവസമാണ് മലയാളത്തിന്റെ പ്രിയതാരം മോഹന്ലാല് തന്റെ മുപ്പത്തിരണ്ടാം വിവാഹ വാര്ഷികം ആഘോഷിച്ചത്. ഇപ്പോഴിതാ തങ്ങളുടെ മുപ്പത്തിരണ്ട് വര്ഷത്തെ ദാമ്ബത്യ ജീവിതത്തെ കുറിച്ചും മോഹന്ലാലിനെ കുറിച്ചും ഭാര്യ സുചിത്ര പങ്കുവച്ച വാക്കുകളാണ് വൈറലാകുന്നത്. തിരുവനന്തപുരത്തു വെച്ചു ഒരു കല്യാണ ചടങ്ങില് നേരിട്ട് കണ്ടപ്പോള് മുതലാണ് ആ മനുഷ്യനോട് ആദ്യമായി പ്രണയം തോന്നിയതെന്നാണ് സുചിത്രയുടെ വാക്കുകള്.
തമിഴിലെ പ്രശസ്ത നടനും നിര്മ്മാതാവുമായ ബാലാജിയുടെ മകള് സുചിത്രയെ മോഹന്ലാല് വിവാഹം കഴിച്ചത് 1988 ഏപ്രില് 28 നു തിരുവനന്തപുരത്തു വെച്ചാണ്. മോഹന്ലാല്- സുചിത്ര ദമ്ബതിമാര്ക്ക് പ്രണവ്, വിസ്മയ എന്നീ രണ്ട് മക്കളാണ് ഉള്ളത്.