പാട്ടിന്റെ വിവിധ മേഖലകളില് എല്ലാം തന്റേതായ വ്യക്തിമുദ്ര പതിപ്പിച്ച താരമാണ് സയനോര. തന്റെ നിറത്തിന്റെ പേരില് പലയിടത്ത് നിന്നും മാറ്റി നിര്ത്തപ്പെട്ടിട്ടുണ്ട് എന്ന് താരം മുന്പും പറഞ്ഞിട്ടുണ്ട്, ഇപ്പോള് അത്തരത്തില് സയനോര പറഞ്ഞ ചില കാര്യങ്ങളാണ് സോഷ്യല് മീഡിയയില് ശ്രദ്ധ നേടുന്നത്. കുട്ടിക്കാലം മുതല്ക്കേ സ്കൂള് കാലഘട്ടത്തില് തനിക്ക് നിറത്തിന്റെ പേരില് പലതവണ വിവേചനവും ഒറ്റപ്പെടുത്തലുകളും നേരിടേണ്ടി വന്നിട്ടുണ്ടെന്നാണ് ഗായിക സയനോര തുറന്ന് പറയുന്നത്. മാത്രമല്ല തന്റെ തടിയിലും നിറത്തിലും എല്ലാം താന് സന്തോഷവതിയാണ് അതില് തനിക്ക് യാതൊരുവിധ പ്രശ്നവും ഇല്ല. നിറം കുറഞ്ഞതിന്റെ പേരിലും, തടി കൂടിയതിന്റെ പേരിലും സമൂഹം ട്രീറ്റ് ചെയ്ത ആളുകളെ പോലെ എന്നെയും അത്
അഫെക്റ്റ് ചെയ്തിട്ടുണ്ടായിരുന്നു. പക്ഷെ അതില് നിന്നും കരകയറി മുന്നേറി വരികയായിരുന്നു. ഇതില് ഒന്നും വലിയ കാര്യമില്ല എന്ന് തന്നെയാണ് ഞാന് ഇപ്പോഴും പറയുന്നത്. കുട്ടിക്കാലത്തു ഡാന്സ് മാസ്റ്റര് സെലക്ട് ചെയ്തിട്ടും നിറം കുറഞ്ഞതിന്റെ പേരില് മാറ്റി നിര്ത്തപെട്ടയാളാണ് ഞാന്. സയനോര പറയുന്നു. ആദ്യമൊക്കെ കറുത്ത് ഇരുന്നത് കൊണ്ട് തനിക്ക് എന്തൊക്കെയോ പ്രശ്നങ്ങള് ഉണ്ടെന്നാണ് കരുതിയത്. എന്നാല് മുന്നോട്ടുള്ള ജീവിതത്തില് തന്റെ ഈ ചിന്തകള് മാറുകയായിരുന്നു എന്നും സയനോര വ്യക്തമാക്കി. ഇപ്പോഴുള്ള നിരവധി റിയാലിറ്റി ഷോകളില് ഇത്തരം തമാശകള് കേട്ട് താന് അടക്കമുള്ളവര് ചിരിച്ചിട്ടുണ്ടെന്നും, നമ്മുടെ സമൂഹം സൃഷ്ടിച്ചു വെച്ചിരിക്കുന്നത് അത്തരത്തിലുള്ള പൊതുസ്വഭാവമാണെന്നും സയനോര മുന്പൊരിക്കല് പറഞ്ഞിരുന്നു. ഒരുപാട് പേര്ക്ക് പ്രചോദനമാവുന്ന കാര്യങ്ങളാണ് സയനോര പങ്കുവെച്ചിരിക്കുന്നത്.