ഇത്തവണ കൊച്ചിയില് വെച്ച് നടന്ന താരസംഘടനയായ അമ്മയുടെ ജനറല് ബോഡി യോഗത്തില് ബലാത്സംഗ കേസ് പ്രതി വിജയ് ബാബു എത്തിയത് വലിയ വിമര്ശനങ്ങള്ക്ക് വഴി വെച്ചിരുന്നു. കഴിഞ്ഞ ദിവസം വിജയ് ബാബു കുറ്റക്കാരന് എന്ന് തെളിയുകയും ചെയ്തിരുന്നു. താരസംഘടനയായ അമ്മയുടെ ഓഫീഷ്യല് യൂട്യൂബ് ചാനലിലാണ് വിജയ് ബാബു യോഗത്തിനായി എത്തിച്ചേര്ന്നതിന്റെ വീഡിയോ ബി.ജി.എമ്മിട്ട് പോസ്റ്റ് ചെയ്തിരുന്നു.
ഈ വീഡിയോയ്ക്ക് എതിരെ വലിയ തോതിലുള്ള വിമര്ശനങ്ങളാണ് ഉയരുന്നത്. വിജയ് ബാബുവിനെ സംഘടനയില് നിന്ന് പുറത്താക്കാത്ത അമ്മയുടെ സമീപനത്തില് അതൃപ്തി അറിയിച്ച് ഹരീഷ് പേരടി അടക്കമുള്ള അഭിനേതാക്കള് രംഗത്ത് വന്നിരുന്നു. അമ്മ ആക്രമികളെ സംരക്ഷിക്കുന്ന നിലപാടാണ് സ്വീകരിക്കുന്നത് എന്നും.. ഈ യോഗത്തില് വിജയ് ബാബുവിനെ പങ്കെടുപ്പിച്ചതില് നിന്ന് എന്ത് സന്ദേശമാണ് സമൂഹത്തിന് നല്കുന്നത് എന്നും അദ്ദേഹം വിമര്ശനം ഉയര്ത്തിയിരുന്നു.
അതേസമയം, അമ്മ ഒരു ക്ലബ്ബ് ആണെന്നും വിജയ് ബാബു അമ്മയടക്കമുള്ള ഒരുപാട് ക്ലബ്ബുകളില് അംഗത്വമുള്ളയാളാണെന്നും അവരൊന്നും ഒഴിവാക്കാത്ത പക്ഷം അമ്മയ്ക്കും വിജയ് ബാബുവിന്റെ അംഗത്വം എടുത്ത് കളയാന് കഴിയില്ലെന്നുമാണ് ജനറല് സെക്രട്ടറി ഇടവേള ബാബു പറഞ്ഞത്. ഇതിനെതിരെ ഗണേഷ് കുമാറും രംഗത്ത് വന്നിരുന്നു. അമ്മ യോഗത്തില് വിജയ് ബാബുവിന്റെ സാന്നിധ്യം പലരേയും ചൊടിപ്പിച്ചിരുന്നു.
ഇപ്പോഴിതാ വിജയ് ബാബുവിന്റെ ദൃശ്യങ്ങള് മാത്രമുള്ള വീഡിയോ മ്യൂസിക്ക് ഇട്ട് യൂട്യൂബ് ചാനലില് അപ്ലോഡ് ചെയ്തതിനെ വിമര്ശിച്ച് പലരും രംഗത്ത് വരികയാണ്. പീഡനം നടത്തിയത് കൊണ്ടാണോ ഇത്ര സ്വീകരണം, നല്ല നിലവാരമുള്ള സംഘടന, താര സംഘടന അതിന്റെ വില കളയുന്നു എന്നും ചിലര് വീഡിയോയ്ക്ക് കമന്റുകളായി കുറിയ്ക്കുന്നുണ്ട്.
സിനിമകളുടെ പ്രൊമോഷൻ പരിപാടികളിൽ നിന്ന് അകലം പാലിക്കുന്ന നടിയാണ് നയൻതാര. എന്നാൽ കഴിഞ്ഞ ദിവസം ഒരു സിനിമയുടെ പ്രൊമോഷൻ പരിപാടിക്ക്…
സ്തനാർബുദം ബാധിച്ച കാര്യം വെളിപ്പെടുത്തി നടി ഹിന ഖാൻ. ഇൻസ്റ്റഗ്രാം അക്കൗണ്ടിലൂടെയാണ് നടി ഇക്കാര്യം അറിയിച്ചിട്ടുള്ളത്. രോഗത്തിന്റെ മൂന്നാം ഘട്ടത്തിലാണ്…
തന്റെ ഭർത്താവും ഇന്ത്യയുടെ ബഹിരാകാശ ദൗത്യമായ ഗഗൻയാനിന്റെ ഗ്രൂപ്പ് ക്യാപ്റ്റനുമായ പ്രശാന്ത് ബാലകൃഷ്ണൻ നായരുടെ കരിയറിലെ അഭിമാനകരമായ നേട്ടം പങ്കുവച്ച്…
തെങ്കാശി : കേരളാ അതിർത്തിയോട് ചേർന്ന് തമിഴ്നാട്ടിൽ സ്ഥിതിചെയ്യുന്ന വിനോദ് സഞ്ചാര കേന്ദ്രമായ കുറ്റാലത്ത് സ്വകാര്യ ഹോട്ടലിൽ പെൺ വാണിഭ…
ബി ഗ്രേഡ് സിനിമകളിലൂടെ തരംഗം സൃഷ്ടിച്ച ഷക്കീല ഇന്ന് തമിഴ് ഷോകളിലൂടെ പ്രേക്ഷകർക്ക് പ്രിയങ്കരിയായി മാറിയിരിക്കുകയാണ്. തന്റെ കഴിഞ്ഞ കാലത്തെക്കുറിച്ച്…
സിനിമയുടേയും സീരിയിലന്റേയും ലോകം പ്രേക്ഷകരെ സംബന്ധിച്ച് നോക്കുമ്പോൾ ഗ്ലാമറിന്റെ ലോകമാണ്. എന്നാല് പക്ഷെ പലപ്പോഴും ക്യാമറയ്ക്ക് പിന്നിലെ ലോകം അത്ര…