മൂന്നാം ആഴ്ചയിലും ബോക്‌സോഫീസില്‍ കുതിച്ച് പായുകയാണ് വിക്രം. കോവിഡിന് ശേഷം ഒരു തമിഴ് ചിത്രം നേടുന്ന ഏറ്റവും വലിയ കളക്ഷനാണ് വിക്രം നേടിയിരിക്കുന്നത്. കേരളത്തില്‍ നിന്ന് മാത്രം ഇതുവരെ 35 കോടിയാണ് ചിത്രം നേടിയിരിക്കുന്നത്. വിജയ് ചിത്രങ്ങളെ ബഹദൂരം പിന്നിലാക്കിയാണ് ഉലകനായകന്‍ ചിത്രം തകര്‍പ്പന്‍ റെക്കോര്‍ഡിട്ടിരിക്കുന്നത്.
തമിഴ്‌നാട്ടില്‍ 150 കോടി കലക്ഷനിലേക്കാണ് വിക്രം കുതിക്കുന്നത്. ബാഹുബലിയുടെ കളക്ഷന്‍ ഭേദിക്കാന്‍ വെറും ദിവസങ്ങള്‍ മാത്രം മതി. രജനിയുടെ 2.0 എന്ന ചിത്രത്തെ തകര്‍ത്തുകൊണ്ട് ഗള്‍ഫ് രാജ്യങ്ങളിലും ഇപ്പോള്‍ വിക്രമാണ് നമ്പര്‍ വണ്‍. മാത്രമല്ല യു.കെ അടക്കമുള്ള ചില വിദേശ രാജ്യങ്ങളിലെയും നമ്പര്‍ വണ്‍ തമിഴ് ചിത്രമായി വിക്രം മാറിയിട്ടുണ്ടെന്നാണ് റിപ്പോര്‍ട്ട്.
ബോക്‌സോഫീസില്‍ നിന്ന് 300 കോടിയിലധികം നേടുന്ന മൂന്നാമത്തെ തമിഴ് ചിത്രം കൂടിയായിരിക്കുകയാണ് വിക്രം. ഇതിന് മുമ്പ് 2.0, കബാലി എന്നീ രജനി ചിത്രങ്ങളാണ് ആഗോള കളക്ഷന്‍ 300 കോടി കടന്നിട്ടുള്ളത്.
വിക്രം നിര്‍മിച്ചിരിക്കുന്നത് കമല്‍ഹാസന്റെ രാജ് കമല്‍ ഇന്റര്‍നാഷണല്‍ ആണ്.
സിനിമ വന്‍ ഹിറ്റായതോടെ സംവിധായകന്‍, സഹ സംവിധായകര്‍, അഭിനേതാക്കള്‍ എന്നിവര്‍ക്ക് കമല്‍ഹാസന്‍ സമ്മാനങ്ങള്‍ നല്‍കിയത് വാര്‍ത്തയായിരുന്നു. സംവിധായകന്‍ ലോകേഷ് കനകരാജിന് ആഡംബര കാറാണ് കമല്‍ഹാസന്‍ സമ്മാനിച്ചത്. സൂര്യക്ക് ലക്ഷങ്ങള്‍ വില വരുന്ന റോളക്‌സ് വാച്ചും സമ്മാനിച്ചു.
അതിനിടെ, വിക്രം നേടിയ കോടികള്‍ ഉപയോഗിച്ച് എന്ത് ചെയ്യും എന്ന മാധ്യമ പ്രവര്‍ത്തകരുടെ ചോദ്യത്തിന് കമല്‍ നല്‍കിയ ഉത്തരമാണ് വൈറലാകുന്നത്.
വിക്രം നേടിത്തന്ന പണം കൊണ്ട് തന്റെ ലോണുകളെല്ലാം അടച്ചുവീട്ടുമെന്നാണ് അദ്ദേഹം പറഞ്ഞത്.
‘എന്റെ എല്ലാ കടങ്ങളും ഞാന്‍ തിരിച്ചടയ്ക്കും, എനിക്ക് തൃപ്തിയാകുന്നത് വരെ ഞാന്‍ ഭക്ഷണം കഴിക്കും, എന്റെ കുടുംബത്തിനും സുഹൃത്തുക്കള്‍ക്കും എനിക്ക് കഴിയുന്നതെല്ലാം ഞാന്‍ നല്‍കും. അതിന് ശേഷം ബാക്കിയൊന്നുമില്ലെങ്കില്‍ എന്റെ കൈയ്യില്‍ ഒന്നുമില്ല എന്ന് പറയും. മറ്റൊരാളുടെ പണം വാങ്ങി മറ്റുള്ളവരെ സഹായിക്കുന്നതായി എനിക്ക് അഭിനയിക്കേണ്ടതില്ല. എനിക്ക് വലിയ പദവികളൊന്നും വേണ്ട. ഒരു നല്ല മനുഷ്യനാകാന്‍ ഞാന്‍ ആഗ്രഹിക്കുന്നു.’ കമല്‍ മാധ്യമങ്ങളോട് പറഞ്ഞു.
ഇതോടെ കേരളത്തില്‍ ഹിറ്റടിച്ച മൂന്ന് കോളിവുഡ് ചിത്രങ്ങളും കമല്‍ഹാസന്റെ പേരിലായി. 1989ല്‍ അപൂര്‍വ സഹോദരര്‍ഗള്‍, 1996ല്‍ ഇന്ത്യന്‍, ഇപ്പോള്‍ വിക്രമുമാണ് റെക്കോര്‍ഡ് വിജയം നേടിയിരിക്കുന്നത്.
സിനിമകളുടെ പ്രൊമോഷൻ പരിപാടികളിൽ നിന്ന് അകലം പാലിക്കുന്ന നടിയാണ് നയൻതാര. എന്നാൽ കഴിഞ്ഞ ദിവസം ഒരു സിനിമയുടെ പ്രൊമോഷൻ പരിപാടിക്ക്…
സ്തനാർബുദം ബാധിച്ച കാര്യം വെളിപ്പെടുത്തി നടി ഹിന ഖാൻ. ഇൻസ്റ്റഗ്രാം അക്കൗണ്ടിലൂടെയാണ് നടി ഇക്കാര്യം അറിയിച്ചിട്ടുള്ളത്. രോഗത്തിന്റെ മൂന്നാം ഘട്ടത്തിലാണ്…
തന്റെ ഭർത്താവും ഇന്ത്യയുടെ ബഹിരാകാശ ദൗത്യമായ ഗഗൻയാനിന്റെ ഗ്രൂപ്പ് ക്യാപ്റ്റനുമായ പ്രശാന്ത് ബാലകൃഷ്ണൻ നായരുടെ കരിയറിലെ അഭിമാനകരമായ നേട്ടം പങ്കുവച്ച്…
തെങ്കാശി : കേരളാ അതിർത്തിയോട് ചേർന്ന് തമിഴ്‌നാട്ടിൽ സ്ഥിതിചെയ്യുന്ന വിനോദ് സഞ്ചാര കേന്ദ്രമായ കുറ്റാലത്ത് സ്വകാര്യ ഹോട്ടലിൽ പെൺ വാണിഭ…
ബി ഗ്രേഡ് സിനിമകളിലൂടെ തരംഗം സൃഷ്ടിച്ച ഷക്കീല ഇന്ന് തമിഴ് ഷോകളിലൂടെ പ്രേക്ഷകർക്ക് പ്രിയങ്കരിയായി മാറിയിരിക്കുകയാണ്. തന്റെ കഴിഞ്ഞ കാലത്തെക്കുറിച്ച്…
സിനിമയുടേയും സീരിയിലന്റേയും ലോകം പ്രേക്ഷകരെ സംബന്ധിച്ച് നോക്കുമ്പോൾ ഗ്ലാമറിന്റെ ലോകമാണ്. എന്നാല്‍ പക്ഷെ പലപ്പോഴും ക്യാമറയ്ക്ക് പിന്നിലെ ലോകം അത്ര…