സിനിമയിൽ ചെറിയ ചെറിയ വേഷങ്ങളിലൂടെ എത്തി പിന്നീട് അവിടെ നിന്നും നായകനിലേക്ക് വളര്ന്ന യുവനടനാണ് വിനയ് ഫോര്ട്ട്. കോമഡിയോ വില്ലത്തരമോ അടക്കം ഏത് വേഷവും തനിക്ക് ചേരുമെന്ന് ഈ കാലയളവില് വിനയ് തെളിയിക്കുകയും ചെയ്തിട്ടുണ്ട്. തമാശ, ചുരുളി, മാലിക് തുടങ്ങി കഴിഞ്ഞ വര്ഷങ്ങളില് വിനയുടേതായി പുറത്തിറങ്ങിയ സിനിമകളിലെല്ലാം തന്നെ ഒന്നിനൊന്ന് മികച്ച പ്രകടനമാണ് വിനയ് കാഴ്ച വെച്ചത്. അതേ സമയം തന്നെ സിനിമയ്ക്കുള്ളിലെ താരമൂല്യവും സെലിബ്രിറ്റി പ്രിവിലേജും താനും തന്റെ കുടുംബവും ഉപയോഗിക്കാറില്ലെന്നാണ് വിനയ് പറയുന്നത്. ഒപ്പം ഭാര്യ സൗമ്യയും ഇത് തന്നെയാണ് തങ്ങളുടെ നിലപാടെന്ന് വ്യക്തമാക്കുന്നു. നടനും ഭാര്യയും ഒരുമിച്ച് ഗൃഹലക്ഷ്മിയ്ക്ക് നല്കിയ അഭിമുഖത്തില് സംസാരിക്കുകയായിരുന്നു. വിനയ് ഒരിക്കലും ഒരു താരപദവി ആസ്വദിക്കുന്ന ആളല്ലെന്നാണ് സൗമ്യ പറയുന്നത്. അഭിനയത്തെ തൊഴിലായി കാണുന്ന, ഏറെ ഇഷ്ടത്തോടെ ചെയ്യുന്ന പ്രൊഫഷണലാണ് അദ്ദേഹം. പരിചയപ്പെടുന്ന സമയത്ത് തന്നെ എന്റെ ഇഷ്ടങ്ങളും പ്രയോറിറ്റികളും വിനയ്ക്ക് അറിയമായിരുന്നു. വിനയ് തന്നെ സ്വന്തം കാര്യങ്ങളെല്ലാം ചെയ്യുന്നു. അവിടെ മോറല് സപ്പോര്ട്ട് മാത്രമേ ഞാന് നല്കുന്നുള്ളു.