മലയാള സിനിമയുടെ വിവിധ മേഖലകളില്‍ തന്റെ കഴിവ് തെളിയിച്ച താരമാണ് വിനീത് ശ്രീനിവാസന്‍. ഗായകന്‍ ആയി കടന്നു വന്ന താരം, പിന്നീട് അഭിനേതാവായും സംവിധായകനായും എല്ലാം മാറുകയായിരുന്നു. പ്രണവ് മോഹന്‍ലാലിനെ കേന്ദ്രകഥാപാത്രമാക്കി വിനീത് സംവിധാനം ചെയ്ത് സിനിമയാണ് ഹൃദയം. ചിത്രം റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിന്റെ ഓഡിയോ ലോഞ്ചിന്റെ സമയത്ത് തന്റെ മക്കളെ കുറിച്ച് ആ വേദിയില്‍ വെച്ച് വിനീത് പറഞ്ഞ വാക്കുകളാണ് സോഷ്യല്‍ മീഡിയയില്‍ വൈറലായി മാറുന്നത്.
അച്ഛന്‍ ശ്രീനിവാസന്റെ പാത പിന്തുടര്‍ന്ന് സിനിമാ മേഖലയില്‍ എത്തിയ വിനീത് സ്വന്തം മക്കളുടെ ഭാവിയെ കുറിച്ചാണ് വേദിയില്‍ വെച്ച് സംസാരിച്ചത്. വേദിയിലെത്തിയ വിനീതിനു പിന്നാലെ മക്കളായ വിഹാനും ഷനയയും വേദിയിലേക്ക് ചാടിക്കയറി. ”തലമുറകളിലൂടെ സിനിമ സഞ്ചരിച്ച്, ഇപ്പോള്‍ വിനീതേട്ടനും പിള്ളേരും ഹൃദയത്തിന്റെ ഓഡിയോ ലോഞ്ച് വേദിയില്‍ എത്തിനില്‍ക്കുകയാണ്. എന്താണ് പറയാനുള്ളത്?” എന്നായിരുന്നു അവതാരകന്റെ ചോദ്യം. ‘എന്റെ പിള്ളേരെങ്കിലും സമാധാനമുള്ള വേറെ എന്തേലും ജോലിയ്ക്ക് പോവട്ടെ എന്നാണ് ഞാന്‍ ആഗ്രഹിക്കുന്നത്,”
വിനീത് ശ്രീനിവാസന്റെ മറുപടി ഇങ്ങനെയായിരുന്നു. പ്രണവ് മോഹന്‍ലാലിനെ നായകനാക്കി വിനീത് ശ്രീനിവാസന്‍ സംവിധാനം ചെയ്യുന്ന ഹൃദയത്തിന്റെ റിലീസിനായുള്ള കാത്തിരിപ്പിലാണ് പ്രേക്ഷകര്‍. ജനുവരി 21നാണ് ‘ഹൃദയം’ തിയേറ്ററുകളില്‍ എത്തുന്നത്. മോഹന്‍ലാല്‍, ശ്രീനിവാസന്‍, പ്രിയദര്‍ശന്‍ എന്നിങ്ങനെ മലയാളസിനിമയ്ക്ക് നിരവധി ഹിറ്റുകള്‍ സമ്മാനിച്ച കൂട്ടുക്കെട്ടിനെ ഓര്‍മ്മപ്പെടുത്തുന്ന രംഗങ്ങള്‍ കൂടി,
കോര്‍ത്തിണക്കിയതാണ് ഹൃദയം എന്ന സൂചനയും ചിത്രത്തിന്റെ അണിയറ പ്രവര്‍ത്തകര്‍ തന്ന് കഴിഞ്ഞു. അതേസമയം, പതിവില്‍ നിന്ന് വ്യത്യസ്തമായ രീതിയിലാണ് ഹൃദയത്തിന്റെ ഓഡിയോ ലോഞ്ച് നടന്നത്. വലിയ ഇടവേളയ്ക്കു ശേഷം പാട്ടുകള്‍ ഓഡിയോ കാസറ്റുകളായും ഇറക്കുന്ന ചിത്രമാണ് ഹൃദയം. ഇന്ത്യയില്‍ ഇപ്പോള്‍ ഓഡിയോ കാസറ്റ് പ്രൊഡക്ഷന്‍ ഇല്ലാത്തതിനാല്‍ കാസറ്റ് ജപ്പാനില്‍ നിന്നാണ് എത്തിച്ചത് എന്ന് വിനീത് നേരത്തെ അറിയിച്ചിരുന്നു.
തിരുവനന്തപുരം: ജോലിക്ക് ഹാജരാകാത്ത മെഡിക്കൽ കോളേജ് ആശുപത്രിയിലെ ഡോക്ടർമാർക്കെതിരെ നടപടിയുമായി ആരോഗ്യ വകുപ്പ്. ഇവരെ പിരിച്ചുവിടുന്നതിന്റെ ഭാഗമായി പേരുവിവരങ്ങൾ പ്രസിദ്ധപ്പെടുത്തിയിട്ടുണ്ട്.…
തിരുവനന്തപുരം: മുഖ്യമന്ത്രി പിണറായി വിജയനെതിരെ കടുത്ത ആരോപണമുന്നയിച്ച ജില്ലാ കമ്മിറ്റിയംഗത്തിൽ നിന്ന് വിശദീകരണം തേടി സിപിഎം. കഴിഞ്ഞ രണ്ട്…
'നടി, അവതാരക എന്ന നിലയിലെല്ലാം തിളങ്ങിയ താരമാണ് ദിവ്യാങ്ക തൃപാഠി. തെന്നിന്ത്യയിലും താരത്തിന് വലിയ ആരാധകക്കൂട്ടമുണ്ട്. ഇപ്പോൾ ദിവ്യാങ്ക മുമ്പ്…
മമ്മൂട്ടിയെ നായകനാക്കികൊണ്ട് ഒരു സിനിമ ചെയ്യാൻ ആഗ്രഹമുണ്ടെന്ന് മുൻപ് പൃഥ്വിരാജ് വെളിപ്പെടുത്തിയിരുന്നു. 'എംപുരാന്' ശേഷം മുരളി ഗോപിയുടെ തിരക്കഥയിൽ ആയിരിക്കും…
മലയാളികളുടെ ഇഷ്‌ട നായിക ശോഭന ഫാസിൽ സംവിധാനം ചെയ്യ്ത 'മണിച്ചിത്ര താഴി'ൽ തന്റെ കഥാപാത്രമായ നാഗവല്ലിയോട് നൂറ് ശതമാനം നീതി…
ഹിന്ദി സീരിയൽ രംഗത്തെ നടിയും, അവതാരകയുമായ താരമാണ് ദിവ്യാങ്ക ത്രിപാഠി, മുൻപൊരിക്കൽ താരം നേരിട്ട കാസ്റ്റിംഗ് കൗച്ചിന് കുറിച്ച് തുറന്നു…