പ്രായം വെറും നമ്പര്‍ മാത്രമാണെന്ന് തെളിയിക്കുകാണ് മെഗാസ്റ്റാര്‍ മമ്മൂട്ടി. യുവതാരങ്ങള്‍ പോലും ആ നിത്യയൗവ്വനം സമ്മതിക്കുന്നുണ്ട്. താരത്തിന്റേതായി ദിവസവും പുറത്തുവരുന്ന ചിത്രങ്ങളെല്ലാം നല്ല ചുള്ളന്‍ പയ്യന്റേതുതന്നെയാണ്. താരത്തിന്റെ ചിത്രങ്ങളെല്ലാം വളരെ പെട്ടന്നാണ് സോഷ്യലിടത്ത് വൈറലാകാറ്.
അത്തരത്തില്‍ ഒരു ചിത്രമാണ് നടന്‍ ഉണ്ണി മുകുന്ദന്‍ പങ്കുവച്ചിരിക്കുന്നത്. മമ്മൂട്ടിയ്‌ക്കൊപ്പമുള്ള ചിത്രമാണ് ഉണ്ണി പങ്കുവച്ചിരിക്കുന്നത്. മനോജ് കെ ജയന്‍, നരെയ്ന്‍, ഉണ്ണി മുകുന്ദന്‍, കുഞ്ചാക്കോ ബോബന്‍, വിനീത് ശ്രീനിവാസന്‍, ടൊവിനോ തോമസ് എന്നിവര്‍ക്കൊപ്പം മമ്മൂട്ടി നില്‍ക്കുന്ന ചിത്രമാണ് വൈറലാകുന്നത്.
പിന്നാലെ നിരവധി പേരാണ് കമന്റുകളുമായി രംഗത്തെത്തിയിരിക്കുന്നത്. ‘മമ്മൂക്ക… നിത്യ യൗവ്വനം… അന്നും ഇന്നും ഒരേയൊരു ഗ്ലാമര്‍ കിംഗ്, അതില്‍ നിങ്ങളെക്കാള്‍ ഓക്കേ ചെറുപ്പം ഉള്ള ആളുണ്ട് എന്നൊക്കെയാണ് മെഗാസ്റ്റാറിനെ വാഴ്ത്തിയുള്ള കമന്റുകള്‍.
ഏറ്റവും ചുള്ളന്‍ മമ്മൂക്ക, യുവാക്കളിലെ യുവാവ് മമ്മൂക്ക, ഏറ്റവും ചെറുപ്പം ഇക്ക തന്നെ, ആ ഗ്രീന്‍ ഷര്‍ട്ട്കാരന്‍ ആണ് ഏറ്റവും സുന്ദരനും ഏറ്റവും യങ് ആയിട്ടുള്ള ആളും’, എന്നും കമന്റുകളുണ്ട് . ‘വിത്ത് നിത്യവസന്തം’ എന്ന് കുറിച്ച് കൊണ്ട് മനോജ് കെ ജയനും ഫോട്ടോ പങ്കുവച്ചു.
കേരളം 2018ല്‍ നേരിട്ട മഹാപ്രളയത്തിന്റെ പശ്ചാത്തലമായുള്ള ‘2018 എവരിവണ്‍ ഈസ് എ ഹീറോ’ എന്ന ചിത്രത്തിന്റെ ടീസര്‍ ലോഞ്ചിന് എത്തിയതായിരുന്നു മമ്മൂട്ടി. ജൂഡ് ആന്റണി ജോസഫ് ചിത്രമാണ് 2018′.
