അനിയത്തിയും കൂട്ടുകാരിയായും പ്രത്യക്ഷ പേട്ടയിരുന്നു ആദ്യകാലങ്ങളിൽ ചിത്ര സിനിമയിലെത്തിയത്. എന്നാൽ പിന്നീട് സിനിമയിൽ നായികയായി തിളങ്ങി നിന്നു. മമ്മൂട്ടിയുടേയും മോഹൻ ലാലിന്റെയും തുടങ്ങി നിരവധി താരങ്ങളുടെ നായികയായി ബിഗ് സ്‌ക്രീനിൽ നിറഞ്ഞു നിന്ന നടി കൂടിയാണ് ചിത്ര. മിക്ക നടികളെ പോലെ ചിത്രക്കും ഉണ്ടായിട്ടുണ്ട് സിനിമയിൽ നിന്നും കയ്‌പ്പേറിയ ചില അനുഭവങ്ങൾ. അതിൽ ഒന്നാണ് ചിത്ര ഇപ്പോൾ വെളിപ്പെടുത്തിയിരിക്കുന്നത്.
പൊതുവെ അധികമാരോടും സംസാരിക്കാത്ത പ്രകൃതം ആയിരുന്നു എന്റേത്. അത് കൊണ്ട് തന്നെ പരിചയപ്പെടുമ്പോൾ എനിക്ക് ജാഡയാണെന്ന് നിരവധിപ്പേർ തെറ്റിദ്ധരിച്ചിട്ടുമുണ്ട്. അങ്ങനെ തെറ്റിദ്ധരിച്ച ഒരു അസി. ഡയറക്ടര്‍ ഉണ്ടായിരുന്നു കൂട്ടത്തിൽ. അയാള്‍ എപ്പോഴും പറയുമായിരുന്ന് ’കുറച്ച് നാളുകൾ കഴിഞ്ഞാല്‍ ഞാനും സിനിമയെടുക്കും. വലിയ സംവിധായകനാകും. അന്ന് എന്നെ മൈന്റ് ചെയ്യാത്തവരെയൊക്കെ ഒരു പാഠം പഠിപ്പിക്കും.” എന്നൊക്കെ. അയാൾ ഇത് പറയുന്നത് എന്നെ നോക്കിയായിരിക്കും. അന്ന് ഞാൻ കരുതിയത് അയാൾ അതൊക്കെ ചുമ്മാ പറയുന്നതാകും എന്നാണ്.
കാലങ്ങൾ കടന്നു പോയി. വർഷങ്ങൾക്കുള്ളിൽ അദ്ദേഹം സംവിധായകനുമായി. അങ്ങനെ ഇരിക്കെ ആളുടെ ഒരു സിനിമയിൽ ഞാനായിരുന്നു നായിക. നായകന്‍ മമ്മൂക്കയും. ഒരു പാട്ട് സീനിൽ ഞാൻ ഒരു വലിയ കുന്നിൽ നിന്നും ഓടി ഇറങ്ങുന്ന രംഗം ഉണ്ടായിരുന്നു. തിളച്ചുമറിയുന്ന വെയിലും. ഞാന്‍ മിണ്ടാത്തതിലുള്ള പ്രതികാരം മനസില്‍വെച്ച് ഇരുപത് തവണ അയാള്‍ ആ ഷോട്ട് എടുത്തു. വെയിലത്തു ഞാനാകെ വിയര്‍ത്ത് തളർന്നു തലചുറ്റുന്നത് പോലൊക്കെ തോന്നി. പക്ഷെ അയാൾ നിർത്താൻ ഉദ്ദേശമില്ലായിരുന്നു. വീണ്ടും വീണ്ടും അയാള്‍ ആ ഷോട്ട് എടുപ്പിച്ചു. ഇത് കണ്ട മമ്മൂക്കക്ക് ദേഷ്യം വന്നു. അദ്ദേഹം സംവിധായകനോട് ദേഷ്യപ്പെട്ടു. അപ്പോഴാണ് അയാള്‍ ഓ.കെ പറഞ്ഞത്. എനിക്ക് സിനിമയിൽ നിന്നും കിട്ടിയ മോശപ്പെട്ട അനുഭവം ഇത് മാത്രമാണ്. വേറെ ഒരു രീതിയിലും ആരും എന്നെ ചൂഷണം ചെയ്യാൻ ശ്രമിച്ചിട്ടില്ല.