പ്രശസ്ത തെന്നിന്ത്യൻ നടി ഹൻസിക മോട്വാനിയും ബിസിനസ്സുകാരനായ സൊഹൈൽ ഖതൂരിയും വേർപിരിയുന്നു എന്ന വാർത്ത സോഷ്യൽ മീഡിയയിൽ വലിയ ചർച്ചകൾക്ക് വഴിതെളിച്ചിരിക്കുകയാണ്. 2022-ൽ നടന്ന ഇവരുടെ ആഡംബര വിവാഹം വലിയ വാർത്താ പ്രാധാന്യം നേടിയിരുന്നു. എന്നാൽ ഇപ്പോൾ പുറത്തുവരുന്ന വിവാഹമോചന വാർത്തയോട് സമ്മിശ്ര പ്രതികരണമാണ് ആരാധകരിൽ നിന്നും പൊതുജനങ്ങളിൽ നിന്നും ഉണ്ടാകുന്നത്. പലരും നടിയുടെ സ്വകാര്യതയെ മാനിക്കണമെന്ന് ആവശ്യപ്പെടുമ്പോൾ മറ്റൊരു വിഭാഗം പഴയ ചില കാര്യങ്ങൾ ഓർമ്മിപ്പിച്ചുകൊണ്ട് വിമർശനവുമായി രംഗത്തെത്തിയിട്ടുണ്ട്.
ഹൻസികയുടെ അടുത്ത സുഹൃത്തായിരുന്ന റിങ്കി ബജാജിന്റെ മുൻഭർത്താവായിരുന്നു സൊഹൈൽ ഖതൂരി. റിങ്കിയുടെയും സൊഹൈലിന്റെയും ആദ്യ വിവാഹത്തിൽ തോഴിയായി ഹൻസിക പങ്കെടുത്തിരുന്നു. പിന്നീട് ആ ബന്ധം തകരുകയും ഹൻസിക സൊഹൈലിനെ വിവാഹം കഴിക്കുകയും ചെയ്തത് അന്ന് വലിയ വിവാദങ്ങൾക്ക് കാരണമായിരുന്നു. സ്വന്തം സുഹൃത്തിന്റെ ജീവിതം തകർത്താണ് ഹൻസിക സൊഹൈലിനെ സ്വന്തമാക്കിയതെന്ന ആരോപണം അന്ന് ശക്തമായിരുന്നു. ഇപ്പോൾ ഹൻസികയുടെയും സൊഹൈലിന്റെയും ബന്ധം തകരുമ്പോൾ, ഇത് ‘കർമ്മഫലമാണെന്നാണ്’ (Karma) സോഷ്യൽ മീഡിയയിലെ ഒരു വിഭാഗം കമന്റ് ചെയ്യുന്നത്.
വിവാഹമോചന വാർത്തകളോട് ഹൻസികയോ സൊഹൈലോ ഇതുവരെ ഔദ്യോഗികമായി പ്രതികരിച്ചിട്ടില്ല. എങ്കിലും ഇവരുടെ സോഷ്യൽ മീഡിയ അക്കൗണ്ടുകളിൽ നിന്നുള്ള മാറ്റങ്ങൾ ഈ വാർത്ത ശരിവെക്കുന്നതാണെന്നാണ് ആരാധകരുടെ നിഗമനം. താരത്തിന്റെ വ്യക്തിജീവിതത്തിലെ ഈ തിരിച്ചടി സിനിമാ ലോകത്തും വലിയ സംസാരവിഷയമായി മാറിയിരിക്കുകയാണ്.
