താര ദമ്പതികളായ ഐശ്വര്യ റായ്യും അഭിഷേക് ബച്ചനും വിവാഹ ബന്ധം വേര്പ്പെടുത്താന് പോകുന്നതായുള്ള വാർത്തകൾ അടുത്തിടെ ബോളിവുഡിൽ വലിയ ചർച്ചയായിരുന്നു. ഇരുവരും ഇത്തരം പ്രചരണങ്ങളോട് പ്രതികരിച്ചിരുന്നില്ല. അടുത്തിടെ പൊതുവേദികളില് ഇരുവരും ഒന്നിച്ച് പ്രത്യക്ഷപ്പെടുകയും ചെയ്തു ഏറ്റവും അവസാനം മകള് ആരാധ്യയുടെ സ്കൂള് വാർഷിക പരിപാടിക്കാണ് ഇരുവരും ഒന്നിച്ച് എത്തിയത്. എന്നാല് ഐശ്വര്യയും മകള് ആരാധ്യയും ബച്ചന്റെ വീട്ടില് നിന്നും മാറിയെന്നുള്ള റിപ്പോര്ട്ടുകള്ക്കിടയിലാണ് ഇത്. സ്കൂള് വാർഷിക പരിപാടിയില്ലെ ആരാധ്യയുടെ പെർഫോമൻസ് ഇതിനകം സോഷ്യല് മീഡിയയില് വൈറലായി കഴിഞ്ഞു. ആരാധ്യയില് അമ്മയെപ്പോലെ വലിയൊരു നടിയുണ്ടെന്നാണ് സോഷ്യല് മീഡിയയിൽ അഭിപ്രായം ഉയരുന്നത്.
അതേസമയം പുറം ലോകം ഇതുവരെ കാണാത്ത ലുക്കിലാണ് സ്കൂള് പരിപാടിയില് ആരാധ്യ എത്തിയത്. ആരാധ്യയുടെ ഹെയര് സ്റ്റൈലും ശ്രദ്ധ നേടുന്നുണ്ട്. നെറ്റി കാണാത്ത വിധത്തിലുള്ള ഹെയര് സ്റ്റൈലിലാണ് ആരാധ്യയെ എപ്പോഴും കാണാറുണ്ടായിരുന്നത് അത് ആരാധ്യയുടെ നെറ്റിക്ക് വൈകല്യം ഉള്ളതിനാലാണ് എന്നുവരെ ഗോസിപ്പ് വന്നിരുന്നു. ആരാധ്യയെ ഹെയര് സ്റ്റൈല് മാറ്റാന് അനുവദിക്കാത്തത് അമ്മ ഐശ്വര്യയാണ് എന്ന വിമര്ശനങ്ങളും ഉയര്ന്ന് വന്നിരുന്നു.
എന്നാല് പുതിയ ഹെയര് സ്റ്റെലില് സുന്ദരിയായ ആരാധ്യയെ സ്കൂള് പരിപാടിയില് കാണാം. മകളുടെ പരിപാടി ആസ്വദിക്കുന്ന ഐശ്വര്യയും വീഡിയോയിലുണ്ട്. നിരവധി വിദ്യാർത്ഥികള് സ്കൂളിന്റെ വാർഷിക ദിനാഘോഷത്തിൽ ഒരു സംഗീത നാടകത്തിൽ പങ്കെടുത്തു. ധീരുഭായ് അംബാനി ഇന്റർനാഷണൽ സ്കൂളിലെ ഈ പരിപാടിയില് ഷാരൂഖ് ഖാന് അടക്കം ബോളിവുഡ് താരങ്ങളും അവരുടെ കുട്ടികളും പങ്കെടുത്തു.