മലയാളത്തിലെ നിരവധി ഹിറ്റുകളൊരുക്കിയ തിരക്കഥാകൃത്താണ് അഭിലാഷ് പിള്ള. മാളികപ്പുറമാണ് അഭിലാഷിന്റെ കരിയറില് വഴിത്തിരിവായ ചിത്രം. ഇപ്പോഴിതാ തന്റെ അച്ഛന് പിറന്നാള് ആശംസ പങ്കുവച്ചുള്ള അഭിലാഷിന്റെ കുറിപ്പ് ശ്രദ്ധേയമായിരിക്കുകയാണ്. തന്റെ സിനിമാ സ്വപ്നത്തിന് എല്ലാ പിന്തുണയും തന്ന് കൂട്ടുനിന്നത് അച്ഛനാണെന്ന് താരം പറയുന്നു. ഫെയ്സ്ബുക്കിലാണ് അച്ഛനൊപ്പമുള്ള ചിത്രം പങ്കുവച്ചാണ് അഭിലാഷിന്റെ ഹൃദ്യമായ കുറിപ്പ്.
അച്ഛനുണ്ടടാ കൂടെ നീ ധൈര്യമായി ഇറങ്ങിക്കോ കളിയാക്കലുകളോ കുറ്റപെടുത്തലുകളോ നോക്കണ്ട നിന്റെ സ്വപ്നം അത് നേടിയെടുക്കാന് നിനക്ക് കഴിയും…ജോലി രാജി വെച്ച് സിനിമ എന്ന വലിയ സ്വപ്നത്തിന്റെ പിന്നാലെ ഇറങ്ങിയപ്പോള് എന്റെ ബലം അച്ഛന് പറഞ്ഞ ആ വാക്കുകളായിരുന്നു.
സിനിമയിലേക്ക് എത്താന് 10 വര്ഷം എടുത്തപ്പോള് അത്രയും കാലം അമ്മക്കും അശ്വതിക്കും എന്റെ രണ്ട് മക്കള്ക്കും അച്ഛന് കാവലായി. എന്നെ ഞാന് ആക്കിയ എന്റെ സൂപ്പര് ഹീറോയിക്ക് പിറന്നാള് ആശംസകള് എന്നാണ് അഭിലാഷ് കുറിച്ചത്.
വിനയന് സംവിധാനം ചെയ്ത അത്ഭുതദ്വീപ് എന്ന ചിത്രത്തിന്റെ രണ്ടാംഭാഗത്തിന്റെ അണിയറപ്രവര്ത്തനത്തിലാണ് അഭിലാഷ് ഇപ്പോള്. ഈ വര്ഷം തന്നെ തിരക്കഥ പൂര്ത്തിയാക്കി ചിത്രീകരണം ആരംഭിക്കുമെന്നും അഭിലാഷ് പങ്കുവച്ചിരുന്നു. മാളികപ്പുറത്തിന് ശേഷം അതേ ടീം വീണ്ടും ഒന്നിക്കുന്ന ചിത്രമാണ് വിഷ്ണു ശശി ശങ്കര് ഒരുക്കുന്ന സുമതി വളവ്. അഭിലാഷ് പിള്ളയാണ് ചിത്രത്തിന് തിരക്കഥയൊരുക്കുന്നത്.
ഇന്ഫോപാര്ക്കിലെ ജോലി രാജി വെച്ച് സ്വപ്നം നേടാന് ധൈര്യമായി ഇറങ്ങിക്കോടാ അപ്പന് ഉണ്ട് കൂടെ എന്ന് പറഞ്ഞ് 2013ല് ചെന്നൈക്ക് വണ്ടി കയറ്റി വിട്ടത് അച്ഛനാണെന്ന് അഭിലാഷ് മുന്പ് പറഞ്ഞിട്ടുണ്ട്. ജോലി രാജി വയ്ക്കാന് പോകുന്നു എന്ന് ആദ്യം പറഞ്ഞത് അച്ഛനോടാണ്. അന്ന് മൂത്ത മകള് ജനിച്ചിട്ട് ഒരുപാട് നാളായിട്ടില്ല. എന്റെ സ്വപ്നത്തെക്കുറിച്ച് നന്നായി അറിയുന്ന ആളാണ് അച്ഛന്. അദ്ദേഹം പറഞ്ഞത്, നീ നിന്റെ സ്വപ്നം നേടിയെടുക്കാന് ഇപ്പോ ഇറങ്ങിക്കോ, നിന്റെ അമ്മയും ഭാര്യയും മക്കളും പട്ടിണിയാവില്ല, എന്ന്. അച്ഛന് ഞാനും തിരിച്ചൊരു വാക്കു കൊടുത്തു, എന്റെ സ്വപ്നം ഞാന് നേടിയെടുക്കും എന്ന്. അച്ഛനെ എന്റെ ആദ്യ സിനിമയുടെ പൂജയ്ക്ക് കൊണ്ട് പോകാന് കഴിഞ്ഞതാണ് ഏറ്റവും വലിയ സന്തോഷം. അമ്മയാണെങ്കിലും ഭാര്യ അശ്വതി ആണെങ്കിലും കട്ട സപ്പോര്ട്ടായിരുന്നെന്നും അഭിലാഷ് മുന്പ് പറഞ്ഞിരുന്നു.