അമ്മയ്ക്ക് ജന്മദിനാശംസകള് നേര്ന്ന് ബോളിവുഡ് താരം അഭിഷേക് ബച്ചന്. അമിതാഭ് ബച്ചന്റെ ഭാര്യയും നടിയുമായ ജയ ബച്ചന്റെ 74-ാം പിറന്നാളാണ് ഇന്ന്. ഇപ്പോഴിതാ അമ്മയ്ക്ക് ജന്മദിനാശംസകള് നേര്ന്നുകൊണ്ട് അഭിഷേക് പങ്കുവച്ച ചിത്രങ്ങളാണ് സോഷ്യല് മീഡിയയില് വൈറലാകുന്നത്.
അഭിനയത്തിനൊപ്പം രാഷ്ട്രീയത്തിലും സജീവമായ ജയ ബച്ചന് രാജ്യസഭ എംപിയായും സേവനം അനുഷ്ഠിച്ചിട്ടുണ്ട്. 1963ല് സത്യജിത് റേയുടെ മഹാനഗര് എന്ന ചിത്രത്തിലൂടെയായിരുന്നു ജയയുടെ സിനിമാ അരങ്ങേറ്റം.
പിന്നീട് വര്ഷങ്ങള്ക്ക് ശേഷം ഗുഡ്ഡി എന്ന ചിത്രത്തിലൂടെ നായികയായി അരങ്ങേറ്റം കുറിച്ചു. പിന്നീട് ഉപഹാര്, അഭിമാന്, മിലി, ഷോലെ ചുപ്കെ ചുപ്കെ, സില്സില എന്നു തുടങ്ങി നിരവധി ചിത്രങ്ങളില് അഭിനയിച്ചു. 1973 ജൂണ് 3 നായിരുന്നു അമിതാഭ് ബച്ചനുമായുള്ള ജയയുടെ വിവാഹം.
അഭിഷേക് ബച്ചന്, ശ്വേത ബച്ചന് എന്നിവരാണ് അമിതാഭ്- ജയന് ദമ്പതികളുടെ മക്കള്. നിരവധി പേരാണ് ജയബച്ചന് ആശംസകള് അറിയിച്ച് രംഗത്തെത്തിയത്.