മലയാള സിനിമയുടെ താരങ്ങൾ ഒന്നടകം ഇപ്പോൾ സംവിധാനത്തിലേക്ക് മാറിക്കൊണ്ടിരിക്കുകയാണ്, ഇനി ആ കൂട്ടത്തിലേക്ക് ഒരു പേര് കൂടി പാർവ്വതി, വളരെ ശക്തമായ കഥാപാത്രങ്ങൾ കൊണ്ട് ജന ഹൃദയത്തിലേക്ക് എത്തിയ നടിയാണ് പാർവ്വതി, ലയാളത്തിന് പുറമെ നിരവധി ഭാഷകളിൽ ശ്രദ്ധേയമായ കഥാപാത്രങ്ങളെ അവതരിപ്പിച്ച പാർവതിയുടെ പുതിയ വേഷപകർച്ചയ്ക്കായി കാത്തിരിക്കുകയാണ് സിനിമാ ലോകം. നിലവിൽ പാർവ്വതി ചെയ്ത്കൊണ്ടിരിക്കുന്ന സിനിമകൾ പൂർത്തിയയാക്കിയതിനു ശേഷമാണ് പാർവ്വതി തന്റെ പുതിയ ചിത്രം സംവിധാനം ചെയ്യാൻ തുടങ്ങുക,
നിലവില്‍ രണ്ടു തിരക്കഥ തന്റെ കയ്യിലുണ്ട്. ഇതില്‍ ഒന്ന് ശക്തമായ രാഷ്ട്രീയം പശ്ചാത്തലമുള്ള കഥയാണ്. രണ്ടാമതൊരു സൈക്കോളജിക്കല്‍ ത്രില്ലറാണ്. രണ്ട് തിരക്കഥയിലും കുറച്ച് ഗവേഷണം നടത്താനുണ്ടെന്നും താരം കൂട്ടിച്ചേർത്തു ഛായാഗ്രാഹകന്‍ വേണു ഒരുക്കുന്ന ചിത്രം രാച്ചിയമ്മയാണ് പാർവതിയുടെ അടുത്ത ചിത്രം. 1969 ല്‍ പ്രസിദ്ധീകരിച്ച ചെറുകഥയാണിത്. ആസിഫ് അലിയാണ് നായകന്‍. വേണു തന്നെയാണ് തിരക്കഥയെഴുതിരിക്കുന്നത്. സോന നായരെ നായികയാക്കി ഈ ചെറുകഥ ദൂരദർശൻ നേരത്തെ സംപ്രേക്ഷണം ചെയ്തിട്ടുണ്ട്. രാച്ചിയമ്മ എന്ന കർണാടക സ്ത്രീയെ കാണുന്നത് മുതൽ കഥാപാത്രത്തിന്റെ ജീവിതത്തിൽ സംഭവിക്കുന്ന പ്രേമ സുന്ദരമായ നിമിഷങ്ങൾ ആണ് കഥയിലുടനീളം. സ്വന്തം നാട്ടിൽ നിന്ന് മറ്റൊരു നാട്ടിലേക്കു ജോലിക്ക് വരുന്നതാണു കഥാപാത്രം. ആ നാട്ടിലെ എല്ലായിടത്തും എത്തിപ്പെടുന്ന പദങ്ങളായിരുന്നു രാച്ചിയമ്മ.
മൗനം കൊണ്ട് തുടങ്ങി മൗനം കൊണ്ട് അവസാനിക്കുന്ന അവരുടെ ഇഷ്ടങ്ങൾ ഉറൂബിന്റെ വരികൾ കൊണ്ട് ചിത്രം തീർത്തിരുന്നു. പ്രകൃതിയെയും നാട്ടിൻപുറത്തെ കാഴ്ചകളെയും മനോഹരമായി വര്‍ണിച്ചിട്ടിട്ടുണ് കഥയിൽ. വിവിധ സംവിധായകര്‍ ചേര്‍ന്ന് ഒരുക്കുന്ന ആന്തോളജി വിഭാഗത്തിലുള്ള ചിത്രമാണിത്. ആഷിക് അബു, രാജീവ് രവി, ജയ്.കെ എന്നിവരാണ് മറ്റ് ചിത്രങ്ങള്‍ സംവിധാനം ചെയ്യുന്നത്. പി.കെ പ്രൈമാണ് ചിത്രം നിര്‍മ്മിക്കുന്നത്. പെണ്ണും ചെറുക്കനും എന്നാണ് ആഷിക് അബു സംവിധാനം ചെയ്യുന്ന ചിത്രത്തിന്റെ പേര്. ഉണ്ണി ആര്‍. രചന നിര്‍വഹിക്കുന്ന ഈ ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത് ഷൈജു ഖാലിദ് ആണ്.